ۋاكىل ءوز جۇمىسىن باستادى

از ۋاقىت بۇرىن ەلباسى قازاقستاندا ءوز قىزمەتىن قوعامدىق نەگىزدە جۇزەگە اسىراتىن بالالار قۇقىقتارى بويىنشا ۋاكىل ينستيتۋتىن قۇرۋ تۋرالى جارلىققا قول قويعان بولاتىن. كەشە اتالعان ينستيتۋت ءوز جۇمىسىنا كىرىسىپ, ءماجىلىس دەپۋتاتى, قازاقستانداعى بالا قۇقىقتارى بويىنشا ۋاكىل زاعيپا باليەۆا مەن بۇۇ-نىڭ قازاقستانداعى بالالار قورىنىڭ (يۋنيسەف) وكىلى يۋري وكساميتنىي نيەتتەستىك تۋرالى مالىمدەمەگە قول قويدى. باستى ماقسات – تاراپتاردىڭ بۇۇ-نىڭ بالا قۇقىقتارى تۋرالى كون­ۆەنتسياسىنا, بۇۇ-نىڭ بالا قۇقىق­تارى جونىندەگى كوميتەتىنىڭ جاقىن­دا بولعان ۇسىنىستارىنا, بۇۇ-نىڭ ءمۇ­گەدەكتىگى بار تۇلعالاردىڭ قۇقىقتارى تۋرالى كونۆەنتسياسىنا, ادام قۇقىقتارىن قورعاۋ جانە قولداۋمەن اينالىساتىن ۇلتتىق مەكەمەلەردىڭ مارتەبەسىنە قاتىستى قاعيدالارعا (پاريج قاعيدالارى), سونىمەن قاتار, قازاقستاندا قول قويعان باسقا دا حالىقارالىق مىندەتتەرگە سايكەس, بالا قۇقىقتارىن قامتاماسىز ەتۋدى مونيتورينگىلەۋدىڭ تاۋەلسىز جۇيەسىن دامىتۋ جانە قولداۋ ءۇشىن ءوزارا ىنتىماقتاستىق نيەتتەرىن ءبىلدىرۋ. ىنتىماقتاستىق ءىس-شارالار, تاجىريبە, اقپارات الماسۋ, كونفەرەنتسيالار مەن جينالىستاردى بىرلەسە وتكىزۋ, سول سياقتى, وتىنىشتەردى قاراۋ تەتىگىن جانە بالالاردىڭ جاعدايلارىن رەسپۋبليكالىق جانە وبلىستىق دەڭگەيدە مونيتورينگىلەۋ جۇيەسىن قۇرۋ ءۇشىن تاراپتاردىڭ حالىقارالىق ستاندارتتار مەن پراكتيكا, ستراتەگيالارعا سايكەس قىزمەت ەتۋ, مارتەبە, اككرەديتتەۋ سياقتى جۇمىس جاساۋ سالالارىن ىلگەرىلەتۋ بويىنشا نيەتتەرىن قاراستىرۋى مۇمكىن. جۋرناليستەر الدىندا زاعيپا باليەۆا: «ءبىز يۋنيسەف-پەن بىرلەسە وتىرىپ, بالالار قۇقىعىنا قاتىستى بارلىق ماسەلەنى شەشەمىز. وعان مەملەكەتتىك ورگاندار دا بەلسەنە اتسالىسادى. مەنىڭ نەگىزگى مىندەتىم – ءبىزدىڭ ەلدەگى بالالاردىڭ قۇقىعىن قورعاۋ», – دەدى. ءوز كەزەگىندە يۋ.وكساميتنىي بۇگىنگى كۇننىڭ ماڭىزدىلىعىن العا تارتا كەلىپ, قازاقستان پرەزيدەنتىنىڭ جارلىعى ۇلتتىق باسىمدىق تۇرعى­سىنان دا, حالىقارالىق مىندەتتەمەلەر تۇرعىسىنان دا دەر كەزىندە قابىلدانعان ماڭىزدى شەشىم ەكەنىن ايتىپ, بالالار قۇقىعىن قورعاۋ جولىندا اۋقىمدى ىستەردىڭ اتقارىلاتىنىن اتاپ ءوتتى. الداعى ۋاقىتتا اتالعان نيەتتەستىك تۋرالى مالىمدەمەنى تولىقتىرۋ ماق­ساتىندا تاراپتار وسى ىنتى­ماق­تاستىقتىڭ قازىرگى جانە كەلەشەكتەگى شارتتارىن انىقتايتىن ءوزارا ءتۇسى­نىستىك تۋرالى مەموراندۋمعا قول قويۋ مۇمكىندىگىن قاراستىرا الادى.   «ەگەمەن-اقپارات».