كوممۋنالدىق سالانى جاڭعىرتۋ قارقىندى جۇرۋدە

بۇگىنگى تاڭدا «نۇرلى جول» مەملەكەتتىك باعدارلاماسى نەگىزىندە تابيعي مونوپوليالار سۋبەكتىلەرىنىڭ ناقتى اتقارعان جۇمىس كولەمى 36,8 ميلليارد تەڭگەنى قۇرايدى, ياعني قارجىنىڭ 61%-ى يگەرىلدى.  وسىلاي دەپ اتاپ ءوتتى پرە­زيدەنت جانىنداعى ورتالىق كوم­مۋ­نيكاتسيالار قىزمەتىندە وتكەن ءباسپاسوز ءماسليحاتىندا «تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاق­ستاندىق ورتالىعى» اق باسقارما ءتور­اعاسى سەرگەي ءشايجۇنىسوۆ. مەم­لەكەتتىڭ قولداۋىنا سايكەس تۇر­عىن ءۇي-كوممۋنالدىق شارۋا­شىلىعى سالاسىن رەفورمالاۋ مەن حالىقارالىق قارجى ينستي­تۋتتارىمەن ىنتىماقتاستىق قۇ­رۋ ماسەلەسى تالقى بولعان جيىندا س.ءشايجۇنىسوۆ بىرقاتار ءمالى­مەت­تەردى العا تارتتى. بۇل رەتتە ول مەملەكەت قازىرگى كەزدە تۇرعىن ءۇي-كوممۋنالدىق شارۋاشىلىعى سالاسىنا ەرەكشە ءمان بەرۋدە جانە وسى سالانى جاڭعىرتۋعا باعىتتالعان باعدارلامالاردىڭ ىسكە اسىرىلۋىنا قوماقتى قارجى بولۋدە, دەپ اتاپ ءوتتى. اتالعان باعدارلامالاردىڭ اراسىندا مەملەكەت باسشىسى وتكەن جىلى بەكىتكەن كوممۋنالدىق قۇ­رى­لىمداردى جاڭعىرتۋعا باعىت­تالعان «نۇرلى جول» مەملەكەتتىك باعدارلاماسى بار. بۇگىنگى تاڭدا وسى باعدار­لامانىڭ ارالىق قورىتىندىسى بويىنشا 2015-2016 جىلى 259 شاقىرىمدى قۇرايتىن جىلۋمەن, سۋمەن جابدىقتاۋ جانە سۋ بۇرۋ جۇيەسىن, 14 قازاندىققا قوسا 3 سۋ ستانساسى قۇرىلىسىن سالۋ جانە جاڭعىرتۋ جوسپارلانعان بولاتىن. وسى ورايدا ۇستىمىزدەگى جىلدىڭ ناۋرىزىنداعى جاعداي بويىنشا ولاردىڭ 211 شاقىرىمى سالىنعان. ونىڭ ىشىندە جىلۋمەن جابدىقتاۋ جەلىسى 143 شاقىرىمدى قۇراسا, جىلۋمەن جابدىقتاۋ جانە سۋ بۇرۋ بويىنشا 67 شاقىرىم جاڭعىرتىلعان. جەرگىلىكتى اتقارۋشى ورگانداردىڭ اعىمداعى جىلعى 1 قاڭتارداعى ەسەبى بويىنشا 60 ميلليارد تەڭگە كولەمىندە قارجى يگەرىلگەن. جانە دە «نۇرلى جول» باعدارلاماسىنىڭ شەڭبەرىندە 2016 جىلعا 75 ميلليارد تەڭگەنى قۇرايتىن 99 جوبا ىرىكتەلدى. ونىڭ ىشىندە سۋمەن جابدىقتاۋ بويىنشا – 22,4 ملرد.تەڭگەنى قۇرايتىن 48 جوبا, سۋ بۇرۋ بويىنشا – 10,4 ملرد.تەڭگە بولاتىن 20 جوبا مەن جىلۋمەن جابدىقتاۋعا باعىتتالعان 44,2 ملرد.تەڭگە كولەمىندەگى 31 جوبانى اتاپ وتۋگە بولادى. سونىمەن قاتار, بيىلعى جىلدان باستاپ مەملەكەتتىك قولداۋدىڭ جاڭا تەتىگى – جىلۋمەن, سۋمەن جابدىقتاۋ جانە سۋ بۇرۋ جۇيەسىنىڭ قۇرىلىسىن جانە قايتا قۇرىلىمداۋدى نەسيەلەندىرۋ ەنگىزىلگەنىن ايرىقشا اتاپ وتكەن ابزال. جانە دە مەملەكەت باسشىسىنىڭ جىلۋ ەنەرگياسىن ەسەپتەيتىن جالپىۇيلىك اسپاپتاردى ورناتۋعا قاتىستى تاپسىرماسىنا وراي «تكش دامىتۋ قورى» اق بيۋدجەتتەن بولىنگەن 6 ميلليارد تەڭگە قارجىعا سايكەس جالپىۇيلىك جىلۋ ەسەپتەگىش اسپاپتاردى ورناتۋ بويىنشا باعدارلامانى ىسكە اسىرۋ ءۇشىن ۇزدىكسىز جۇمىس جۇرگىزۋدە. بۇگىنگى تاڭدا رەسپۋب­ليكا بويىنشا وتكەن جىلعى قىركۇيەكتەگى مالىمەتتەردىڭ نەگىزىندە جالپى سوماسى 1,4 ميلليارد تەڭگەنى قۇرايتىن 2 235 بىرلىكتەگى جىلۋ ەسەپتەگىش اسپاپتارى ناقتى ورناتىلعان. اعىمداعى جىلدىڭ سوڭىنا دەيىن تاعى دا 6015 بىرلىكتەگى جىلۋ ەسەپتەگىش اسپاپ ورناتۋ جوسپارلانۋدا, بۇل جالپى رەسپۋبليكالىق قاجەتتىلىكتىڭ 43 پايىزدىق جيىنتىعىن قۇرايدى. ەلميرا ماتىباەۆا, «ەگەمەن قازاقستان».