«قازمۇنايگازدىڭ» جاڭا باعىتى ايقىندالدى

جاقىندا استانا قالاسىندا «قازمۇنايگاز» ۇك» اق-تا قمگ ترانسفورماتسياسى باعدارلاماسىنىڭ «دياگنوستيكا جانە ديزاين» 1-كەزەڭىنىڭ جابىلۋىنا ارنالعان اقپارات كۇنى ءوتتى. ءىس-شاراعا «سامۇرىق-قازىنا» اق باسقارما توراعاسى ومىرزاق شوكەەۆ, «قازمۇنايگاز» ۇك» اق باسقارما توراعاسى ساۋات مىڭباەۆ, «سامۇرىق-قازىنا» اق ترانسفورماتسيا جانە ارنايى جوبالار جونىندەگى باسقارۋشى ديرەكتورى اداماس يلكياۆيچۋس, قمگ باسقارما توراعاسىنىڭ ءون­دىرىستىك الەۋەتتى دامىتۋ ءجونىن­دەگى ورىنباسارى – «قمگ گلوبال سوليۋشنس ب.ۆ.» قر-داعى جشكف باس ديرەكتورى گلەب ليۋكسەمبۋرگ, ۇلتتىق كومپانيا كورپوراتيۆتىك ورتالىعىنىڭ, مۇناي بارلاۋ, ءوندىرۋ, وڭدەۋ جانە ماركەتينگى بويىنشا ەنشىلەس ۇيىمداردىڭ, قمگ جانە «سامۇرىق-قازىنا» ترانس­فورماتسيا كوماندالارىنىڭ باسقا دا باسشىلارى مەن قىز­مەتكەرلەرى قاتىستى. جيىن بارىسىندا ومىرزاق شوكەەۆ قور جانە جالپى قا­زاق­ستانداعى ترانسفورماتسيا باع­دار­­لا­ماسىنىڭ ءمانى, «سامۇرىق-قازىنا» اق كومپانيالار تو­بى­نىڭ ناتيجەلەرى مەن جوسپارلارى, قمگ-نىڭ ترانسفورماتسيا بويىنشا بىرلەسكەن جوبالارىن ىسكە اسىرۋداعى ۇلەسى جايىندا باياندادى. ول ءوز سوزىندە: قمگ ءىرى وتاندىق كومپانيالاردىڭ ءبىرى. جالپى, ەلىمىزدىڭ الدىڭعى قا­تار­لى وتىز ەلدىڭ قاتارىنا ەنۋى ءۇشىن اسا ماڭىزدى ناتيجەلىلىكتى, ايقىندىقتى جانە باسەكەگە قابى­لەتتىلىكتى جاڭا دەڭگەيگە كوتەرۋ تۋرالى ماسەلەنى ەلباسى­نىڭ ءوزى ال­دىمىزعا مىندەت ەتىپ قويىپ وتىر. دامىعان ەلدەردىڭ وسى كلۋبىندا وندىرىلگەن تاۋارلار مەن كورسەتىلگەن قىز­مەتتىڭ كولەمى ەمەس, ولاردىڭ وزىندىك قۇنى جەتىستىكتەردى ايقىنداۋشى فاكتور بولىپ تابىلادى. بۇل ۇلتتىق كومپانيالار دا, مەملەكەتتىك ۇيىمدار دا وسى قاتاردان تابىلۋى ءتيىس دەگەنگە مەڭزەيدى. جاقىندا عانا «قازمۇنايگازدىڭ» ستراتەگياسى بەكىتىلدى, دەدى. بۇل ۆەرتيكالدى ىقپالداسقان مودەل, تەك قانا تمد نارىعىنىڭ كولەمىندە عانا ەمەس, بۇكىل الەم­دە دە باسەكەگە قابىلەتتى كوم­پا­نيا بولماق. ستراتەگيادان كە­يىن ونىڭ وپەراتسيالىق مودەلى انىقتالاتىنى جونىندە توقتالدى. سونىمەن قاتار, ومىرزاق شوكەەۆ ءوز سوزىندە «ءبىز ترانسفورماتسيا تۋ­رالى ايتقانىمىزدا, ترانسفورماتسيا دەگەنىمىز تەك تەوريالىق بولجام نەمەسە جاي ساراپتاما دەپ ەسەپتەگەندەر بولدى. شىن مانىندە بۇل ولاي ەمەس. وسىنىڭ ءبارى تاجىريبەلىك ارەكەتتەرگە كە­لىپ توعىسادى. قمگ-نىڭ تاجىريبەلىك ارەكەتى بۇگىننەن باستالادى. ترانس­فور­ماتسيا كومپانياعا جاڭا ساپا ۇسىنادى. قاراپايىم تىلمەن ايتقاندا, ترانسفورماتسيا دەگەنىمىز نارىقتاعى وزگەرىستەردى بايقاۋ, الدىن الا كورە ءبىلۋ جانە دەر كەزىندە سايكەستەندىرۋ, ءتۇسىنۋ جانە قۇرىلىممەن وزگەرۋ بولىپ تابىلادى. كومپانيالارعا نارىق بارىسىنا ۋاقىتىندا بەيىمدەلىپ وتىرۋ ءۇشىن ساپالىق جاعىنان وزگەرىستەردى تۇراقتى جۇزەگە اسىرىپ وتىرۋ» ماڭىزدى ەكەنىن اتاپ ءوتتى. اقپارات كۇنى بارىسىندا 1-كە­زەڭ­نىڭ قورىتىندىسى شى­عارىلدى جانە 1.2-«وقشاۋلاۋ» كەزەڭىنىڭ جوسپارى تالقىلاندى. ساۋات مىڭباەۆ كىرىسپە سوزىندە ايتىپ كەتكەندەي, سىرتقى فاكتورلار «قازمۇنايگاز»-عا كەرى اسەرىن تيگىزەدى. جاڭا جاعدايدا ءساتتى جۇمىس جۇرگىزۋ ءۇشىن جۇيە­لى وزگەرىستەر ەنگىزۋ قاجەت. ترانس­فورماتسيانىڭ العاشقى جىلى قمگ-نىڭ قازىرگى احۋالىن, ءمۇم­كىندىكتەرى مەن الەۋەتىن شىنا­يى باعالاۋعا مۇمكىندىك بەردى. ءبۇ­گىنگى تاڭدا كومپانيانىڭ جاڭا وپەراتسيالىق مودەلىنىڭ جارعىسى دايىندالدى. وسىعان سايكەس, «قازمۇنايگاز» اكتيۆتەردى دي­رەكتورلار كەڭەسى ارقىلى باس­قا­راتىن پورتفەلدىك ينۆەس­تور­لار جارعىسىنان باس تارتىپ, ءون­دىرىستىك اكتيۆتەر ارقىلى بەل­سەن­دى وپەراتسيالىق باسقارۋعا كوشۋى ءتيىس. قمگ باسشىسىنىڭ سوزىنە قارا­عاندا, باسقارۋ دەڭگەيلەرىنىڭ سانىن قىسقارتۋ كەرەك. ولاردىڭ قازىرگى سانى – 9. وڭتايلاندىرۋ ارقىلى ولاردىڭ سانىن ەكەۋگە دەيىن ءتۇسىرۋ ويدا بار. سو­نى­مەن قاتار, قمگ-نىڭ جاڭا وپەراتسيالىق مودەلى, قولداۋشى پروتسەستەر رەتىندە, ءبىرىنشى كەزەكتە اقپاراتتىق تەحنولوگيا, ال بولاشاقتا بۋحگالتەريا مەن قار­جى مەكەمەلەرىن جانە ت.ب. جەكە ءبولىپ قىزمەت كورسەتۋدىڭ جالپى ورتالىعىن قۇرۋ كوزدەلىپ وتىر. ءسوزىنىڭ سوڭىندا ساۋات مىڭباەۆ جا­ڭا وپەراتسيالىق مو­دەلدىڭ «قازمۇنايگاز» جۇمى­سى­نىڭ قابىلدانعان شەشىمدەردىڭ ورىندالۋىن جەدەلدەتىپ, ناتيجە­سىن ارتتىراتىنىنا سەنىم ءبىلدىردى. جوبالىق كوماندانىڭ ءبى­رىن­شى كەزەڭدەگى جۇمىسىن قو­رى­تىندىلاعان گلەب ليۋك­سەم­بەرگ: «ترانسفورماتسيا – «قاز­مۇنايگاز» جۇيەسىنىڭ بارلىق دەڭگەيلەرىندەگى جۇيەلى قايتا قۇ­رۋدىڭ ۇزاق مەرزىمدى جوباسى, ول ساتتىك قانا ناتيجەگە با­عىتتالماعان. قۇرىلىمنىڭ بار­لىق كەزەڭدەرىنە ارنالعان جۇيەلى وزگەرىستەردىڭ ۇزاق مەر­زىمدى جوباسى ەكەنىن جانە ونىڭ ءبىر ۋاقىتتا ناتيجەلەرگە جەتۋگە باعىتتالماعاندىعىن اتاپ ءوت­تى. ترانسفورماتسيانىڭ كەلەسى سا­تى­لارىنىڭ اياسىنداعى كەيبىر بيزنەس-ۇدەرىس وزگەرىستەرىن جۇزەگە اسىرۋ ءۇشىن بىرنەشە جىل كەرەك بولۋى دا مۇمكىن. ەسەسىنە بۇل كومپانيا قىزمەتىن جەتىلدىرۋگە ناقتى جۇمىس ىستەيتىن بولادى», دەدى. جيىن سوڭىندا ءبىرىنشى كە­زەڭدى جۇزەگە اسىرۋدا ەرەكشە كوز­گە تۇسكەن قمگ ترانسفورما­تسيا باع­دار­لاماسىنىڭ باس دە­مەۋ­شىلەرى «قازمۇنايگاز», «سامۇرىق-قازىنا» ترانسفورماتسيا كوماندالارى مەن ەنشىلەس ۇيىمدار­دىڭ ەڭ تاڭداۋلى وكىل­دەرىن ساۋات مىڭباەۆ پەن گلەب ليۋكسەمبەرگ ءبىر­نەشە نوميناتسيالار بويىنشا سال­تاناتتى جاع­دايدا ماراپاتتادى. سايكەس نوميناتسيالارداعى جەڭىمپازدار جالپى جاسىرىن داۋىس بەرۋ قورىتىندىسى بو­يىنشا انىقتالدى. اتاپ ايتقاندا, ماراپاتتارعا «ترانسفورماتسيا ماقساتتارىن ىلگەرىلەتۋدە كور­سەتكەن كوشباسشىلىعى ءۇشىن» قۇرمەتىنە «قازمۇنايگاز» ۇك» اق باسقارما توراعاسىنىڭ كور­پوراتيۆتىك دامۋ جونىندەگى ورىن­­­باسارى دانيار بەرلىباەۆ, «قازمۇنايگاز» بارلاۋ ءوندىرۋ» اق باس ديرەكتورى قۇرمانعازى ەسقازيەۆ جانە «قازمۇنايگاز-وڭدەۋ جانە ماركەتينگ» باس ديرەك­تورى دانيار تيەسوۆ يە بولدى. «كمگ گلوبال سوليۋشنس ب.ۆ.» قر جشكف – «قازمۇنايگاز» ۇك» اق-تىڭ قمگ ترانسفورما­تسيا باعدارلاماسىن جۇزەگە اسىرۋ­مەن اينالىساتىن ەنشىلەس ۇيىمى. ول «قازمۇنايگاز» كومپانيالار توبىنىڭ ۇزدىك ماماندارىنان, سونداي-اق, ءىرى حالىقارالىق مۇناي جانە گاز جوبالارىنا قاتىسۋشى شەتەلدىك ساراپشىلاردان قۇرالعان. ايان ءابدۋالي, «ەگەمەن قازاقستان».