ءماشھۇر ءجۇسىپ مۇراسى

تاياۋدا قازاقستان رەسپۋبليكاسى تۇڭعىش پرەزيدەنتىنىڭ مۋزەيىندە «ءماشھۇر جايلى ءسوز ەتكەندە...» اتتى اتاقتى فولكلورتانۋ­شى, اقىن ءماشھۇر ءجۇسىپ كوپەي ۇلىنىڭ تا­ريحي-مادەني مۇراسىن ناسيحاتتاۋعا ارنال­عان ادەبي  كەش جانە كورمەنىڭ اشىلۋى بولىپ ءوتتى.  بارشاعا بەلگىلى, ءماشھۇر ءجۇسىپ كوپەي ۇلى (1858-1931جج.) پاۆلودار وبلىسى, باياناۋىل اۋدانىندا تۋعان. فولكلورتانۋشى, ەتنوگراف, تا­ريحشى, تالانتتى اقىن, اراب جانە پارسى تىلدەرىن جەتىك مەڭگەرگەن. ونىڭ ادەبي جانە عىلىمي مۇراسى قازىنالى قازاق مادەنيەتىنىڭ اجىراماس ءبىر بولىگى بولىپ تابىلادى. اتالعان  ءىس-شارا ەل تاۋەلسىزدىگىنىڭ 25 جىل­دى­عىن مەرەكەلەۋگە ارنالعان كورمەلەر كوشىن باس­تاپ بەردى. جيىنعا فيلولوگيا عىلىمدارىنىڭ دوكتورى, پروفەسسور س. نەگيموۆ, تاريح عىلىم­دارىنىڭ كانديداتى, دوتسەنت  ل.ءجۇسىپوۆا, ل.ن. گۋميلەۆ اتىنداعى ەۇۋ پرورەكتورى, في­­لو­لوگيا عىلىمدارىنىڭ دوكتورى, پروفەسسور د.قامزابەك ۇلى, تاعى باسقا زيالى قاۋىم وكىل­دەرىمەن قوسا, كەش قوناقتارى رەتىندە م.ج.كوپەي ۇلىنىڭ شوبەرەلەرى جانە اقىن شىعارماشىلىعىن زەرتتەۋشىلەر قاتىستى. كورمەدە مۋزەي قىزمەتكەرلەرىنىڭ جيناق­تاۋ جۇمىستارىنىڭ بارىسىندا جۇيەلەنگەن بۇحار جىراۋ اتىنداعى پاۆلودار  وبلىستىق ادەبيەت جانە ونەر مۋزەيى, ق. ساتباەۆ اتىنداعى مەموريالدىق مۋزەيى,  ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى جانە «وتىرار كىتاپحاناسى» عى­لىمي ورتالىعى قورلارىنىڭ ماتەريالدارى ۇسى­نىلدى. ادەبي كەشتە م.ج.كوپەي­ ۇلىنىڭ ادەبيەتتانۋشىلىق ويلارى, اقىننىڭ پوەزياسى مەن زامانداس ورىس كلاسسيكتەرىنىڭ تۋىندىلارى وقىلىپ,  تانىستىرىلدى. شارا اياسىندا ۇلى دالانىڭ رۋحاني مۇرا­سىن زەرتتەۋدەگى وزەكتى ماسەلەلەر قوزعالىپ, مۋزەي جانە كىتاپحانالار قورلارىندا ساقتالعانىمەن, اينالىمعا تۇڭعىش ەنگىزىلىپ وتىرعان ماتەريال­دارعا باسا نازار اۋدارىلدى. سونداي-اق, كورمە ەكسپوزيتسياسىندا ويشىل اقىننىڭ جەكە زاتتارىنىڭ قاتارىندا قۇندى قولجازبالار, كىتاپ باسىلىمدارى مەن ەڭبەكتەرى, ادەبيەتتانۋ ماتەريالدارى, كيگەن كيىمى مەن تۇ­تىنعان زاتتارى ۇسىنىلدى. راۋشان تاۋىرحانقىزى, «ەگەمەن قازاقستان».