قازاق ءفيلمى

حالىقارالىق فەستيۆال لاۋرەاتى قازاقستاندىق كينوشە­بەرلەردىڭ تاعى ءبىر تۋىندىسى ەلدەن تىسقارى جەردە وتكەن ونەر جارىسىنىڭ الدىڭعى ساپىنان تابىلدى. بۇل جولى كينورەجيسسەر باقىت قايىربەكوۆتىڭ «اسپاننىڭ ماڭگى اياسىندا» اتتى ءفيلمى رەسەيدە وتكەن 10-شى حالىقارالىق فەس­تيۆالدىڭ لاۋرەاتى اتاندى. اتالمىش دەرەكتى لەنتا «عىلىمي-كوپشىلىك فيلم­دەر تسيكلىندەگى ءۇز­دىك ستسەناري» اتالىمى بويىنشا توپ جارعان. رە­سەي كينوسى مەترلەرىنىڭ اي­تۋلارىنشا, فيلم كو­رەرمەن مەن ءجيۋريدىڭ ءۇل­كەن قىزىعۋشىلىعىن تۋ­عىزعان. كارتينا 2015 جى­لى تۇسىرىلگەن. ونىڭ جە­لىسى نەگىزىنە نۇرسۇلتان نازارباەۆتىڭ «تاريح تول­قىنىندا» كىتابى الىنعان. ۇزىن-ىرعاسى 10 سەريادان تۇراتىن فيلم قازاق حان­دىعىنىڭ قۇرىلۋ تاريحى جايلى سىر شەرتەدى. – بۇل شىنىندا دا وتە بايسالدى عىلىمي ستسەناري مەن كاسىبي كينەماتوگراف ەڭبەگىنىڭ ۇيلەسىمدى قو­سىلعانىنا ايعاق بولا الادى. مۇنداعى جۇمىستار الەمدىك جوعارى دەڭگەيدە ورىندالعان. ءتۇسىرىلىم دە, رەكونسترۋكتسيا دا, تابيعات كورىنىستەرى دە سولاي وتە عاجاپ جاسالعان. مەنى, اسىرەسە, وتە دالمە-ءدال جا­زىلعان ستسەناري قاتتى قى­زىقتىردى. مۇنىڭ نە­گىزىندە ۇلكەن عىلىمي ەڭ­بەك جاتقانىن دا پايىم­داۋ قيىن ەمەس, – دەدى فەستيۆالدىڭ قازىلار القا­سىنىڭ توراعاسى ۆيك­تور سكۋبەي. كارتيناعا قاتىستى جاق­سى پىكىر مەن بايلامدى رەسەي كينەماتوگرافيس­تەر وداعى توراعاسىنىڭ ءبى­رىنشى ورىنباسارى ولەگ يۆانوۆ تا بىلدىرگەن. ول وسى ءفيلمنىڭ حالىقارالىق دەڭگەيدە ماراپات الۋىنىڭ ءوزى قازاقستاننىڭ ۇلتتىق كينوسى دەڭگەيىنىڭ وسكەنىن كورسەتەتىنىن اتاپ ءوتتى. مۇرات ايتقوجا.