دوستاستىق دانەكەرى

سىرتقى ىستەر مينيسترلەرى قازاقستان پرەزيدەنتىنىڭ تمد-نى جاڭعىرتۋ جونىندەگى باستاماسىن تالقىلادى كەشە ماسكەۋدە قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ تمد سىرتقى ىستەر مينيسترلەرى كەڭەسىنىڭ (سىمك) ماجىلىسىنە قاتىستى. دوستاستىققا مۇشە ەلدەر سىرتقى ساياسات ۆەدومستۆولارىنىڭ باسشىلارى تمد اياسىنداعى ءوزارا ءىس-قيمىلدىڭ اعىمداعى جاعدايى مەن پەرس­پەكتيۆالارى تۋرالى پىكىر الماسىپ, الداعى كۇزدە بىشكەكتە وتكىزىلۋى جوسپارلانعان مەملەكەت باسشىلارى دەڭگەيىندەگى كەزدەسۋگە دايىندىق ماسەلەلەرىن تالقىلادى. «ءبىز ءۇشىن تالقىلاۋدىڭ نەگىزگى تاقىرىبى دوستاستىقتىڭ 25 جىل­دىعىن لايىقتى قارسى الۋ بولدى. تمد-نىڭ 1991 جىلدىڭ 21 جەل­توقسانىندا تاۋەلسىز مەملەكەتتەر باسشىلارىنىڭ الماتى دەكلا­راتسياسىندا تاعايىندالعانى بەلگىلى», – دەپ اتاپ كورسەتتى ءوزىنىڭ سوزىندە ە.ىدىرىسوۆ. كەزدەسۋگە قاتىسۋشىلار, سون­داي-اق, حالىقارالىق جانە ءوڭىر­لىك كۇن تارتىبىندەگى كوكەيكەستى ماسە­لەلەر بويىنشا پىكىر الماس­تى. وسى ورايدا, ءماجىلىس شەڭبەرىندە تمد-عا تەڭ توراعا ءۇش مەملەكەتتىڭ سىرتقى ىستەر مينيسترلەرى تاۋلى قاراباق جانجالى ايماعىنداعى جاعدايدىڭ ۋشىعىپ كەتۋىنە بايلانىستى بىرلەسكەن مالىمدەمە قابىلدادى. وندا ەقىۇ-نىڭ مينسك توبى تاراپىنان ايقىندالعان جانجالدى بەيبىت رەتتەۋ نەگىزىندەگى قاعيداتتاردى بەلسەندىلەندىرۋ قاجەتتىلىگى اتاپ كورسەتىلەدى. ۇيىمنىڭ بۇرىنعى, ءىس باسىنداعى جانە كەلەسى توراعالارى ەنەتىن تەڭ توراعالار قازىرگى كەزدە سايكەسىنشە قازاقستان, قىرعىزستان جانە رەسەي بولىپ تابىلادى. «ءبىزدىڭ كەزدەسۋىمىز باعىتتالعان كەلەسى ماڭىزدى ماسەلە قازاقستان باسشىسى نۇرسۇلتان نازارباەۆتىڭ تمد مەن ونىڭ قۇرىلىمدارىنىڭ قىزمەتىن جاڭعىرتۋ جانە ءتيىم­دىلىگىن ارتتىرۋ بويىنشا باستاما­سى بول­دى», – دەپ حابارلادى ە.ىدى­رى­سوۆ. ونىڭ سوزىنە قارا­عاندا, «اتالعان ماسەلە بويىنشا كونسەن­سۋستىق سۇلبا ايقىندالىپ كەلەدى». «بىشكەكتەگى تمد سامميتىنە دەيىن ءبىز ۇيىمىمىز ءۇشىن ۇلكەن ماڭىزعا يە ءتيىستى شەشىم دايىندايمىز عوي دەگەن ۇمىتتەمىز. ماقسات – دوستاستىقتىڭ جاڭا پىشىنگە يە بولىپ, زاماناۋي, جاڭعىرتىلعان جانە جاڭا كۇن تالابىنا جاۋاپ بەرە الاتىنداي بولۋىنا قول جەتكىزۋگە ۇمتىلۋ», – دەپ قورىتتى ءسوزىن قازاقستاندىق مينيستر. سونداي-اق, سىمك قىلمىستىق سوت جۇرگىزۋ, دەنساۋلىق ساقتاۋ جانە مادەني ىنتىماقتاستىق سالالارى بويىنشا بىرقاتار باع­دار­لامالىق جانە تۇجىرىمدامالىق قۇجات­تاردىڭ جوبالارىن ماقۇل­دادى. ولاردىڭ اراسىندا «تمد-عا قاتىسۋشى مەملەكەتتەر حالقىنىڭ دەنساۋلىعى» ستراتەگياسى, ونكو­لو­گيالىق اۋرۋلارعا قارسى ءىس-قيمىل تانىتۋ سالاسىنداعى ىنتى­ماقتاستىق تۇجىرىمداماسى, تمد-عا قاتىسۋشى ەلدەردىڭ «ART EXPO» حالىقارالىق كورمەسى تۋرالى ەرەجە بار. مينيسترلەر, سون­داي-اق تمد-عا قاتىسۋشى مەم­لەكەتتەردىڭ بىرقاتار ۇيىمدارىنا قورعانىس, جاستارمەن جۇمىس جانە جاستار كاسىپكەرلىگىن دامىتۋ سالالارىنداعى بازالىق ۇيىمدار مارتەبەسىن بەرۋ مۇمكىندىگى ماسە­لەلەرىن قاراستىردى. تمد سىمك الاڭدارىندا ە.ىدىرىسوۆ رەسەي سىرتقى ىستەر ءمينيسترى س.لاۆروۆپەن جۇمىس كەزدەسۋىن وتكىزدى. وندا ەكىجاقتى قارىم-قاتىناستىڭ كوكەيكەستى ماسەلەلەرى مەن رەسەيمەن وڭىرلىك جانە جاھاندىق اۋقىمداعى ءوزارا ءىس-قيمىل ماسەلەلەرى تالقىلاندى. ساۋلەبەك ءبىرجان.