تۇرعىن ءۇي قۇرىلىسىنا ۇلەستىك قاتىسۋ تۋرالى
وسى زاڭ جەكە جانە (نەمەسە) زاڭدى تۇلعالاردىڭ اقشاسىن تارتۋ ەسەبىنەن تۇرعىن ۇيلەردىڭ (تۇرعىن عيماراتتاردىڭ) تۇرعىن ءۇي قۇرىلىسىنا ۇلەستiك قاتىسۋ جونىندەگى قىزمەتكە بايلانىستى قوعامدىق قاتىناستاردى رەتتەيدi, سونداي-اق تۇرعىن ءۇي قۇرىلىسىنا ۇلەستiك قاتىسۋ تۋرالى شارت تاراپتارىنىڭ قۇقىقتارى مەن زاڭدى مۇددەلەرiن قورعاۋ كەپiلدiكتەرiن بەلگiلەيدi.
1-تاراۋ. جالپى ەرەجەلەر
1-باپ. وسى زاڭدا پايدالانىلاتىن نەگiزگi ۇعىمدار
وسى زاڭدا مىناداي نەگىزگى ۇعىمدار پايدالانىلادى:
1) كەپىلدىك – تۇرعىن ءۇي قۇرىلىسىنا كەپىلدىك بەرۋ قورىنىڭ كەپىلدىك بەرۋ جاعدايى تۋىنداعان كەزدە تۇرعىن ءۇيدىڭ (تۇرعىن عيماراتتىڭ) قۇرىلىسىن اياقتاۋدى ۇيىمداستىرۋ جانە ۇلەسكەرلەرگە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتار بويىنشا تۇرعىن ۇيدەگى (تۇرعىن عيماراتتاعى) ۇلەستەرىن بەرۋ جونىندەگى مىندەتتەمەسى;
2) كەپىلدىك بەرۋ جاعدايى – ولار باستالعان كەزدە تۇرعىن ءۇي قۇرىلىسىنا كەپىلدىك بەرۋ قورىندا تۇرعىن ءۇيدىڭ (تۇرعىن عيماراتتىڭ) قۇرىلىسىن اياقتاۋ جونىندەگى مىندەتتەمە جانە تۇرعىن ءۇي قۇرىلىسىنا ۇلەستىك قاتىسۋعا كەپىلدىك بەرۋ تۋرالى شارت بويىنشا ۇلەسكەرلەردىڭ الدىندا جاۋاپكەرشىلىك تۋىندايتىن, وسى زاڭدا ايقىندالعان جاعداي نەمەسە جاعدايلار جيىنتىعى;
3) كەپىلدىك جارنا – ۋاكىلەتتى كومپانيانىڭ تۇرعىن ءۇي قۇرىلىسىنا ۇلەستىك قاتىسۋعا كەپىلدىك بەرۋ تۋرالى شارت بويىنشا تۇرعىن ءۇي قۇرىلىسىنا كەپىلدىك بەرۋ قورىنا تولەيتىن اقشا سوماسى;
4) كەپىلدىك مەرزىمى – تۇرعىن ءۇي (تۇرعىن عيمارات) قۇرىلىسى وبەكتىلەرىنىڭ قازاقستان رەسپۋبليكاسىنىڭ ازاماتتىق كودەكسىنە جانە قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى تۋرالى زاڭناماسىنا سايكەس بەلگىلەنگەن پايدالانۋ مەرزىمى, وسى مەرزىم ىشىندە قۇرىلىس سالۋشى, ۋاكىلەتتى كومپانيا جانە مەردىگەر (باس مەردىگەر) جوبالاۋ-سمەتالىق قۇجاتتاماعا جانە تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا سايكەس تۇرعىن ءۇي (تۇرعىن عيمارات) قۇرىلىسى وبەكتىسى كورسەتكىشتەرىنىڭ ساپاسىن ساقتاۋعا كەپىلدىك بەرەدى;
5) كىدىرتۋ تالابى – كەپىلدىك بەرۋ جاعدايى تۋىنداعان كەزدە تاراپتاردا تالاپتار قويۋدىڭ باستالۋىمەن ۋاكىلەتتى كومپانيانىڭ داۋىس بەرەتىن اكتسيالارىن (جارعىلىق كاپيتالعا قاتىسۋ ۇلەستەرىن) سەنىمگەرلىك باسقارۋ شارتى بويىنشا قۇقىقتار مەن مىندەتتەر تۋىندايتىن تالاپ نەمەسە تالاپتار جيىنتىعى;
6) تۇرعىن ۇيدەگى (تۇرعىن عيماراتتاعى) ۇلەس – تۇرعىن ءۇي قۇرىلىسىنا ۇلەستىك قاتىسۋ تۋرالى شارتتى ورىنداۋ ءۇشىن سالىنعان تۇرعىن ءۇيدىڭ (تۇرعىن عيماراتتىڭ) قۇرامىنا كىرەتىن, ۇلەسكەرگە بەرىلەتىن تۇرعىن نەمەسە تۇرعىن ەمەس ءۇي-جاي;
7) تۇرعىن ءۇيدىڭ (تۇرعىن عيماراتتىڭ) جوبالاۋ قۇنى (بۇدان ءارى – جوبالاۋ قۇنى) – قۇرىلىس-مونتاجداۋ جۇمىستارىنىڭ قۇنى, جوبانى باسقارۋعا, اۆتورلىق جانە تەحنيكالىق قاداعالاۋعا جۇمسالاتىن شىعىندار, قارىزدار بويىنشا سىياقى جانە وسى زاڭدا كوزدەلگەن وزگە دە شىعىستار;
8) تۇرعىن ءۇيدىڭ (تۇرعىن عيماراتتىڭ) قاڭقاسى – اۋىرلىق پەن اسەردى كوتەرىپ تۇراتىن, تۇرعىن ءۇيدىڭ (تۇرعىن عيماراتتىڭ) بەرىكتىگىن, قاتتىلىعىن جانە ورنىقتىلىعىن قامتاماسىز ەتەتىن, تىرەك كونسترۋكتسيالارى, جابىن جانە توسەم كونسترۋكتسيالارى بار, تىرەك جۇيە (تىرەۋىش);
9) تۇرعىن ءۇي قۇرىلىسىنا كەپىلدىك بەرۋ قورى (بۇدان ءارى – كەپىلدىك بەرۋ قورى) – جارعىلىق كاپيتالىنا مەملەكەت تىكەلەي نەمەسە جاناما قاتىساتىن, اكتسيونەرلىك قوعامنىڭ ۇيىمدىق-قۇقىقتىق نىسانىنداعى, كەپىلدىك بەرۋ جاعدايى تۋىنداعان كەزدە قۇرىلىستى اياقتاۋعا جانە ۇلەسكەرلەرگە تۇرعىن ۇيدەگى (تۇرعىن عيماراتتاعى) ۇلەستەرىن بەرۋگە كەپىلدىك بەرەتىن كوممەرتسيالىق ەمەس ۇيىم;
10) تۇرعىن ءۇي قۇرىلىسىنا ۇلەستىك قاتىسۋ – تاراپتاردىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا نەگىزدەلگەن قاتىناستارى;
11) تۇرعىن ءۇي قۇرىلىسىنا ۇلەستىك قاتىسۋعا كەپىلدىك بەرۋ تۋرالى شارت (بۇدان ءارى – كەپىلدىك بەرۋ تۋرالى شارت) – كەپىلدىك بەرۋ قورى, قۇرىلىس سالۋشى جانە ۋاكىلەتتى كومپانيا اراسىندا وسى زاڭدا ايقىندالاتىن تارتىپپەن جانە تالاپتارمەن جاسالاتىن شارت;
12) تۇرعىن ءۇي قۇرىلىسىنا ۇلەستىك قاتىسۋعا قاتىسۋشىلار – قۇرىلىس سالۋشى, ۋاكىلەتتى كومپانيا, مەردىگەر (باس مەردىگەر), ەكىنشى دەڭگەيدەگى بانك, ينجينيرينگتىك كومپانيا, كەپىلدىك بەرۋ قورى جانە ۇلەسكەر;
13) تۇرعىن ءۇي قۇرىلىسىنا ۇلەستىك قاتىسۋ سالاسىنداعى ينجينيرينگتiك كومپانيا (بۇدان ءارى – ينجينيرينگتىك كومپانيا) – ساۋلەت, قالا قۇرىلىسى جانە قۇرىلىس قىزمەتى سالاسىندا ينجينيرينگتىك كورسەتىلەتىن قىزمەتتەردى جۇزەگە اسىراتىن, قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اككرەديتتەلگەن جانە وسى زاڭنىڭ تالاپتارىنا سايكەس كەلەتىن زاڭدى تۇلعا;
14) تۇرعىن ءۇي قۇرىلىسىنا ۇلەستىك قاتىسۋ سالاسىنداعى ينجينيرينگتىك كورسەتىلەتىن قىزمەتتەر – ساۋلەت, قالا قۇرىلىسى جانە قۇرىلىس قىزمەتى سالاسىندا, ونىڭ ىشىندە تۇرعىن ءۇيدىڭ (تۇرعىن عيماراتتىڭ) قۇرىلىسى بارىسىنا مونيتورينگ بويىنشا جانە تۇرعىن ءۇيدىڭ (تۇرعىن عيماراتتىڭ) قۇرىلىسىنا باعىتتالعان اقشانىڭ نىسانالى جۇمسالۋىنا باقىلاۋ جاساۋ بويىنشا ينجينيرينگتىك كورسەتىلەتىن قىزمەتتەر كەشەنى;
15) تۇرعىن ءۇي قۇرىلىسىنا ۇلەستىك قاتىسۋ سالاسىنداعى قۇرىلىس سالۋشى (بۇدان ءارى – قۇرىلىس سالۋشى) – ۋاكىلەتتى كومپانيانىڭ جارعىلىق كاپيتالىنا قاتىسۋ ارقىلى, تۇرعىن ءۇيدىڭ (تۇرعىن عيماراتتىڭ) تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ جونىندەگى قىزمەتتى ءوزىنىڭ مەنشىكتى جانە (نەمەسە) تارتىلعان اقشاسى ەسەبىنەن جۇزەگە اسىراتىن زاڭدى تۇلعا;
16) تۇرعىن ءۇي قۇرىلىسىنا ۇلەستىك قاتىسۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) – تۇرعىن ءۇي قۇرىلىسىنداعى ۇلەستىك قاتىسۋ سالاسىندا باسقارۋدى, سونداي-اق ءوز قۇزىرەتى شەگىندە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان;
17) تۇرعىن ءۇي قۇرىلىسىنا ۇلەستىك قاتىسۋ تۋرالى شارت – ۋاكىلەتتى كومپانيا مەن ۇلەسكەر اراسىندا جاسالاتىن, ءبىر تاراپ تۇرعىن ءۇيدىڭ (تۇرعىن عيماراتتىڭ) قۇرىلىسىن قامتاماسىز ەتۋگە جانە قۇرىلىس اياقتالعان سوڭ ەكىنشى تاراپقا تۇرعىن ۇيدەگى (تۇرعىن عيماراتتاعى) ۇلەسىن بەرۋگە مىندەتتەنەتىن, ال ەكىنشى تاراپ تولەم جۇرگىزۋگە جانە تۇرعىن ۇيدەگى (تۇرعىن عيماراتتاعى) ۇلەسىن قابىلداۋعا مىندەتتەنەتىن, تاراپتاردىڭ تۇرعىن ءۇي قۇرىلىسىنا ۇلەستىك قاتىسۋمەن بايلانىستى قۇقىقتىق قاتىناستارىن رەتتەيتىن شارت;
18) ۋاكىلەتتى كومپانيا – داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ءجۇز پايىزى قۇرىلىس سالۋشىعا تيەسىلى, تۇرعىن ءۇيدىڭ (تۇرعىن عيماراتتىڭ) ۇلەستىك قۇرىلىسىن جانە تۇرعىن ۇيدەگى (تۇرعىن عيماراتتاعى) ۇلەستەردى وتكىزۋدى قامتاماسىز ەتۋ جونىندەگى قىزمەتتى جۇزەگە اسىراتىن, ارنايى ەكونوميكالىق ايماقتارداعى قىزمەتتى قوسپاعاندا, قانداي دا ءبىر وزگە كوممەرتسيالىق قىزمەتپەن اينالىسۋعا قۇقىعى جوق زاڭدى تۇلعا;
19) ۇلەسكەر – تۇرعىن ۇيدەگى (تۇرعىن عيماراتتاعى) ۇلەستى الۋ ماقساتىندا تۇرعىن ءۇي قۇرىلىسىنا ۇلەستىك قاتىسۋ تۋرالى شارتتى جاساسقان جەكە تۇلعا (ۋاقىتشا بولاتىن شەتەلدىكتەردى قوسپاعاندا) نەمەسە زاڭدى تۇلعا;
20) شاعىن قاباتتى قۇرىلىس – جەر ۇستىندەگى بيىكتىگى ءۇش قاباتتان اسپايتىن (مانساردتى ەسەپتەمەگەندە) شاعىن قاباتتى تۇرعىن ۇيلەر (تۇرعىن عيماراتتار), ونىڭ ىشىندە ارقايسىسىنىڭ پاتەر ماڭىنداعى ۋچاسكەگە شىعۋ جولى بار وقشاۋلانعان تۇرعىن ۇيلەر (تۇرعىن عيماراتتار).
2-باپ. قازاقستان رەسپۋبليكاسىنىڭ تۇرعىن ءۇي قۇرىلىسىنا ۇلەستiك قاتىسۋ تۋرالى زاڭناماسى
1. قازاقستان رەسپۋبليكاسىنىڭ تۇرعىن ءۇي قۇرىلىسىنا ۇلەستiك قاتىسۋ تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە قازاقستان رەسپۋبليكاسىنىڭ ازاماتتىق كودەكسىنەن, وسى زاڭنان جانە قازاقستان رەسپۋبليكاسىنىڭ وزگە دە نورماتيۆتiك قۇقىقتىق اكتiلەرiنەن تۇرادى.
2. قازاقستان رەسپۋبليكاسىنىڭ تۇرعىن ءۇي قاتىناستارى تۋرالى جانە ساۋلەت, قالا قۇرىلىسى جانە قۇرىلىس قىزمەتi تۋرالى زاڭناماسى وسى زاڭدا رەتتەلمەگەن بولiگiندە تۇرعىن ءۇي قۇرىلىسىنا ۇلەستiك قاتىسۋ قاتىناستارىنا قولدانىلادى.
3. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا قامتىلعاننان وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.
3-باپ. وسى زاڭنىڭ قولدانىلۋ اياسى
1. وسى زاڭ ءبىر تاراپ تۇرعىن ءۇيدىڭ (تۇرعىن عيماراتتىڭ) قۇرىلىسىن قامتاماسىز ەتۋدى جانە قۇرىلىس اياقتالعان سوڭ ەكىنشى تاراپقا تۇرعىن ۇيدەگى (تۇرعىن عيماراتتاعى) تۇرعىن نەمەسە تۇرعىن ەمەس ءۇي-جايلارىن بەرۋگە مىندەتتەنەتىن, ال ەكىنشى تاراپ تولەم جۇرگىزۋگە جانە تۇرعىن ۇيدەگى (تۇرعىن عيماراتتاعى) تۇرعىن نەمەسە تۇرعىن ەمەس ءۇي-جايلارىن قابىلداۋعا مىندەتتەنەتىن قاتىناستارعا قولدانىلادى.
2. تۇرعىن ۇيلەردى (تۇرعىن عيماراتتاردى) سالۋ ءۇشىن جەكە جانە زاڭدى تۇلعالاردىڭ اقشاسىن وسى زاڭدا بەلگىلەنگەن تالاپتاردى بۇزا وتىرىپ تارتۋعا تىيىم سالىنادى. وسى زاڭنىڭ تالاپتارىن بۇزا وتىرىپ قۇرىلىس ءۇشىن جەكە جانە زاڭدى تۇلعالاردىڭ اقشاسىن تارتۋ جونىندە جۇرگىزىلگەن مامىلە جارامسىز دەپ تانىلادى.
3. وسى زاڭنىڭ ەرەجەلەرى تۇرعىن ءۇي قۇرىلىسىنا ۇلەستىك قاتىسۋ تۋرالى شارتتاردى جاساسۋ بولىگىندە قۇرىلىس سالۋشىنىڭ جانە (نەمەسە) ۋاكىلەتتى كومپانيانىڭ كونتراگەنتتەرىنە, ولارمەن تۇرعىن ۇيدەگى (تۇرعىن عيماراتتاعى) ۇلەستەرمەن ەسەپ ايىرىسقان جاعدايدا قولدانىلادى.
4. وسى زاڭنىڭ كۇشى:
1) مەملەكەتتىك ساتىپ الۋلارعا;
2) كەپىلدىك بەرۋ قورىن قوسپاعاندا, اكتسيالارىنىڭ باقىلاۋ پاكەتىنە تىكەلەي نەمەسە جاناما تۇردە مەملەكەت يەلىك ەتەتىن زاڭدى تۇلعالاردىڭ تۇرعىن ءۇي قۇرىلىسىنا نەمەسە قۇرىلىس ۇيىمدارىنا وبەكتىنى پايدالانۋعا بەرگەنگە دەيىن قۇرىلىس وبەكتىسىندەگى تۇرعىن جانە (نەمەسە) تۇرعىن ەمەس ءۇي-جايلاردى وتكىزۋ قۇقىعىنسىز ينۆەستيتسيالاۋعا;
3) سالىنىپ جاتقان تۇرعىن ۇيدەگى (تۇرعىن عيماراتتاعى) تۇرعىن جانە (نەمەسە) تۇرعىن ەمەس ءۇي-جايلاردى ول پايدالانۋعا بەرىلگەنگە دەيىن جەكە جانە (نەمەسە) زاڭدى تۇلعالارعا ساتۋ (تالاپ ەتۋ قۇقىقتارىن باسقاعا بەرۋ) قۇقىعىنسىز سالىنىپ جاتقان تۇرعىن ۇيدەگى (تۇرعىن عيماراتتاعى) تۇرعىن جانە (نەمەسە) تۇرعىن ەمەس ءۇي-جايلاردى زاڭدى تۇلعالاردىڭ عانا ساتىپ الۋىنا;
4) شاعىن قاباتتى قۇرىلىسقا بايلانىستى قاتىناستارعا قولدانىلمايدى.
2-تاراۋ. تۇرعىن ءۇي قۇرىلىسىنا ۇلەستىك قاتىسۋ سالاسىنداعى مەملەكەتتىك رەتتەۋ
4-باپ. قازاقستان رەسپۋبليكاسى ۇكىمەتىنىڭ تۇرعىن ءۇي
قۇرىلىسىنا ۇلەستىك قاتىسۋ سالاسىنداعى قۇزىرەتى
قازاقستان رەسپۋبليكاسى ۇكىمەتىنىڭ تۇرعىن ءۇي قۇرىلىسىنا ۇلەستىك قاتىسۋ سالاسىنداعى قۇزىرەتىنە:
1) تۇرعىن ءۇي قۇرىلىسىنا ۇلەستىك قاتىسۋ سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەۋ جانە ولاردى جۇزەگە اسىرۋدى ۇيىمداستىرۋ;
2) كەپىلدىك بەرۋ قورىن قۇرۋ (ايقىنداۋ);
3) وزىنە قازاقستان رەسپۋبليكاسىنىڭ كونستيتۋتسياسىندا, قازاقستان رەسپۋبليكاسىنىڭ وزگە دە زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە جۇكتەلگەن وزگە دە فۋنكتسيالاردى ورىنداۋ جاتادى.
5-باپ. ۋاكىلەتتى ورگاننىڭ قۇزىرەتى
ۋاكىلەتتى ورگان:
1) تۇرعىن ءۇي قۇرىلىسىنا ۇلەستىك قاتىسۋ سالاسىنداعى مەملەكەتتىك ساياساتتى ىسكە اسىرادى;
2) تۇرعىن ءۇي قۇرىلىسىنا ۇلەستىك قاتىسۋ تۋرالى شارتتىڭ ۇلگىلىك نىسانىن ازىرلەيدى جانە بەكىتەدى;
3) كەپىلدىك بەرۋ تۋرالى شارتتىڭ ۇلگىلىك نىسانىن ازىرلەيدى جانە بەكىتەدى;
4) جەرگىلىكتى اتقارۋشى ورگانداردىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارتتاردى, سونداي-اق ولار بويىنشا تالاپ ەتۋ قۇقىقتارىن باسقاعا بەرۋ تۋرالى شارتتاردى ەسەپكە الۋدى جۇرگىزۋ قاعيدالارىن ازىرلەيدى جانە بەكىتەدى;
5) قۇرىلىسى اياقتالماعان وبەكتىمەن بىرگە جەر ۋچاسكەسىن كەپىلگە قويۋ شارتىنىڭ ۇلگىلىك نىسانىن ازىرلەيدى جانە بەكىتەدى;
6) ۋاكىلەتتى كومپانيانىڭ داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) كەپىل شارتىنىڭ ۇلگىلىك نىسانىن ازىرلەيدى جانە بەكىتەدى;
7) ۋاكىلەتتى كومپانيانىڭ داۋىس بەرەتىن اكتسيالارىن (جارعىلىق كاپيتالعا قاتىسۋ ۇلەستەرىن) cەنىمگەرلىك باسقارۋ شارتىنىڭ ۇلگىلىك نىسانىن ازىرلەيدى جانە بەكىتەدى;
8) كەپىلدىك جارنانىڭ مولشەرىن ايقىنداۋ ادىستەمەسىن ازىرلەيدى جانە بەكىتەدى;
9) كاپيتالدىڭ جەتكىلىكتىلىك ءنورماتيۆىن ايقىنداۋ ادىستەمەسىن ازىرلەيدى جانە بەكىتەدى;
10) كەپىلدىك بەرۋ جاعدايلارىن رەتتەۋگە ارنالعان رەزەرۆتى ەسەپتەۋ جانە قالىپتاستىرۋ ادىستەمەسىن ازىرلەيدى جانە بەكىتەدى;
11) ۇلەسكەرلەردىڭ اقشاسىن تارتۋعا رۇقسات بەرۋ قاعيدالارىن ازىرلەيدى جانە بەكىتەدى;
12) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.
6-باپ. وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارىنىڭ قۇزىرەتى
وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ, اۋدانداردىڭ, وبلىستىق ماڭىزى بار قالالاردىڭ جەرگىلىكتى اتقارۋشى ورگاندارى تۇرعىن ءۇي قۇرىلىسىنا ۇلەستىك قاتىسۋ سالاسىندا:
1) قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس قىزمەتى تۋرالى زاڭناماسىنا سايكەس تۇرعىن ءۇي قۇرىلىسىنا ۇلەستىك قاتىسۋ وبەكتىلەرىنىڭ قۇرىلىسىنا قاتىسۋشىلاردىڭ قىزمەتىن مەملەكەتتىك رەتتەۋدى جۇزەگە اسىرادى;
2) ۇلەسكەرلەردىڭ اقشاسىن تارتۋعا رۇقساتتار بەرەدى;
3) ۇلەسكەرلەردىڭ اقشاسىن تارتۋعا بەرىلگەن رۇقساتتاردىڭ ەسەبىن جۇرگىزەدى;
4) توقسان سايىن, ەسەپتى كەزەڭنەن كەيىنگى ايدىڭ 15-ىنەن كەشىكتىرمەي ۋاكىلەتتى ورگانعا ۇلەسكەرلەردىڭ اقشاسىن تارتۋعا بەرىلگەن رۇقساتتار تۋرالى اقپارات بەرەدى;
5) تۇرعىن ءۇي قۇرىلىسىنداعى ۇلەستىك قاتىسۋ وبەكتىلەرىنىڭ قۇرىلىسى بارىسىنا مونيتورينگتى جۇزەگە اسىرۋ ءۇشىن قۇرىلىس سالۋشىلاردان, ۋاكىلەتتى كومپانيالاردان, ينجينيرينگتىك كومپانيالاردان جانە كەپىلدىك بەرۋ قورىنان قاجەتتى ماتەريالدار مەن قۇجاتتاردى سۇراتادى;
6) تۇرعىن ءۇي قۇرىلىسىنا ۇلەستىك قاتىسۋ سالاسىندا مەملەكەتتىك باقىلاۋدى جانە قاداعالاۋدى جۇزەگە اسىرادى;
7) وزدەرىنىڭ قۇزىرەتىنە جاتاتىن ماسەلەلەر بويىنشا مەملەكەتتىك ورگاندارمەن ءوزارا ءىس-قيمىلدى جانە ىنتىماقتاستىقتى جۇزەگە اسىرادى;
8) تۇرعىن ءۇي قۇرىلىسىنا ۇلەستىك قاتىسۋدىڭ قاتىسۋشىلارىمەن ءوزارا ءىس-قيمىلدى جۇزەگە اسىرادى;
9) تۇرعىن ءۇي قۇرىلىسىنا ۇلەستىك قاتىسۋ تۋرالى شارتتاردى,
سونداي-اق ولار بويىنشا تالاپ ەتۋ قۇقىقتارىن باسقاعا بەرۋ تۋرالى شارتتاردى ەسەپكە الۋدى جۇرگىزەدى;
10) جەرگىلىكتى مەملەكەتتىك باسقارۋ مۇددەلەرىندە جەرگىلىكتى اتقارۋشى ورگاندارعا قازاقستان رەسپۋبليكاسىنىڭ زاڭناماسىمەن جۇكتەلەتىن وزگە دە وكىلەتتىكتەردى جۇزەگە اسىرادى.
3-تاراۋ. تۇرعىن ءۇي قۇرىلىسىنا ۇلەستىك
قاتىسۋدى ۇيىمداستىرۋ
7-باپ. تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ تاسىلدەرى
1. تۇرعىن ءۇي قۇرىلىسىنا ۇلەستىك قاتىسۋ:
1) كەپىلدىك بەرۋ قورىنان كەپىلدىك الۋ;
2) ەكىنشى دەڭگەيدەگى بانكتىڭ جوباعا قاتىسۋى;
3) تۇرعىن ءۇيدىڭ (تۇرعىن عيماراتتىڭ) قاڭقاسى تۇرعىزىلعاننان كەيىن ۇلەسكەرلەردىڭ اقشاسىن تارتۋ تاسىلدەرىنىڭ ءبىرى ارقىلى ۇيىمداستىرىلادى.
2. تۇرعىن ۇيلەردىڭ (تۇرعىن عيماراتتاردىڭ) قۇرىلىسى ءۇشىن وسى باپتا كوزدەلمەگەن وزگە دە تاسىلدەرمەن جەكە جانە زاڭدى تۇلعالاردىڭ اقشاسىن تارتۋعا تىيىم سالىنادى.
8-باپ. كەپىلدىك بەرۋ قورىنىڭ كەپىلدىگىن الۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ
1. كەپىلدىك بەرۋ قورىنىڭ كەپىلدىگىن الۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ بويىنشا قىزمەتتى جۇزەگە اسىرۋ ءۇشىن قۇرىلىس سالۋشى مىناداي:
1) رەسپۋبليكالىق ماڭىزى بار قالالارداعى, استاناداعى قۇرىلىستا جالپى الاڭى كەمىندە ون سەگىز مىڭ شارشى مەتر جانە باسقا دا اكىمشىلىك-اۋماقتىق بىرلىكتەردەگى قۇرىلىستا كەمىندە توعىز مىڭ شارشى مەتر تۇرعىن ۇيلەر (تۇرعىن عيماراتتار) قۇرىلىسىنىڭ وبەكتىلەرىن وتكىزۋ, ونىڭ ىشىندە تاپسىرىس بەرۋشى, مەردىگەر (باس مەردىگەر) رەتىندە جيىنتىعىندا كەمىندە ءۇش جىل تاجىريبەسىنىڭ بولۋى;
2) ءوزىنىڭ قارجىلىق ەسەپتىلىگىنە سايكەس سوڭعى ەكى قارجى جىلىندا اۋديتورلىق قورىتىندىمەن راستالعان شىعىنسىز قىزمەتىنىڭ بولۋى;
3) قارىز جانە مەنشىكتى كاپيتالىنىڭ اراقاتىناسى ارقىلى ەسەپتەلگەن كوەففيتسيەنت شاماسى تۇرعىن ءۇيدىڭ (تۇرعىن عيماراتتىڭ) قۇرىلىسىن سالۋدىڭ ونى پايدالانۋعا قابىلداعانعا دەيىنگى بۇكىل مەرزىمى ىشىندە
جەتىدەن اسپاۋى تالاپتارىنا ساي بولۋعا مىندەتتى.
2. كەپىلدىك بەرۋ قورىنىڭ كەپىلدىگىن الۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ جونىندەگى قىزمەتتى جۇزەگە اسىرۋ ءۇشىن قۇرىلىس سالۋشى ءبىر مەزگىلدە ءبىر قۇرىلىس جوباسىنان كوپ ەمەس قىزمەتتى جۇزەگە اسىراتىن ۋاكىلەتتى كومپانيا قۇرادى.
تۇرعىن ءۇي (تۇرعىن عيمارات) قۇرىلىسىنىڭ جوباسى ءبىر جەر ۋچاسكەسىندە ء(بولىپ بەرۋدە) بىرنەشە قۇرىلىس وبەكتىلەرىن كوزدەۋى مۇمكىن.
قۇرىلىس سالۋشى وسى زاڭنىڭ 15-بابىنا سايكەس ۇلەسكەرلەرگە تۇرعىن ۇيدەگى (تۇرعىن عيماراتتاعى) ولاردىڭ ۇلەستەرىن بەرۋ جونىندەگى ءوز مىندەتتەمەلەرىن ورىنداعان ۋاكىلەتتى كومپانيانى تارتۋعا قۇقىلى.
3. كەپىلدىك بەرۋ قورىنىڭ كەپىلدىگىن الۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ ءۇشىن ۋاكىلەتتى كومپانيانىڭ:
1) مەملەكەت بەرگەن ۋاقىتشا وتەۋلى جەر پايدالانۋ (جالداۋ) قۇقىعىمەن نەمەسە مەنشىك قۇقىعىمەن تيەسىلى جەر ۋچاسكەسى;
2) كەشەندى ۆەدومستۆودان تىس ساراپتامانىڭ وڭ قورىتىندىسىمەن تۇرعىن ءۇي (تۇرعىن عيمارات) قۇرىلىسى جوباسىنىڭ جوبالاۋ-سمەتالىق قۇجاتتاماسى;
3) وسى زاڭنىڭ 20-بابىنا سايكەس جۇمساۋ ءۇشىن جوسپارلانعان اقشاسى جانە (نەمەسە) ەگەر جەر ۋچاسكەسى مەنشىك قۇقىعىمەن تيەسىلى بولسا, جوبالىق قۇنىنىڭ كەمىندە ون پايىزى كولەمىندە نەمەسە ەگەر جەر ۋچاسكەسى مەملەكەت بەرگەن ۋاقىتشا وتەۋلى جەر پايدالانۋ (جالداۋ) قۇقىعىمەن تيەسىلى بولسا, جوبالىق قۇنىنىڭ كەمىندە ون بەس پايىزى كولەمىندە ورىندالعان جۇمىستار اكتىلەرىمەن راستالعان اياقتالماعان قۇرىلىسى;
4) قۇجاتتاردى قاراعانى ءۇشىن كوميسسيانى, كەپىلدىك بەرۋ تۋرالى شارت بويىنشا كەپىلدىك جارنانى تولەۋگە ارنالعان اقشاسى;
5) تۇرعىن ءۇي (تۇرعىن عيمارات) قۇرىلىسىنىڭ مەردىگەرلىك شارتى بولۋى مىندەتتى.
4. وسى باپتىڭ 3-تارماعىندا ايقىندالعان م ۇلىك قانداي دا ءبىر اۋىرتپالىقتاردان, قۇقىقتاردان جانە ءۇشىنشى تۇلعالاردىڭ تالاپتارىنان ەركىن بولۋعا ءتيىس.
5. قۇرىلىس سالۋشى مەن ۋاكىلەتتى كومپانيا وسى باپتا بەلگىلەنگەن تالاپتارعا ساي بولعان كەزدە كەپىلدىك بەرۋ قورى تۇرعىن ءۇيدىڭ (تۇرعىن عيماراتتىڭ) قۇرىلىس جوباسى بويىنشا قۇجاتتاردى ۋاكىلەتتى ورگان بەكىتكەن تارتىپپەن تەكسەرۋدى جۇرگىزەدى جانە كەپىلدىك بەرۋ تۋرالى شارت جاساسادى.
6. كەپىلدىك بەرۋ تۋرالى جاسالعان شارت ۇلەسكەرلەردىڭ اقشاسىن تارتۋ ءۇشىن نەگىز بولىپ تابىلادى جانە قۇرىلىس سالۋشىنىڭ جانە ۋاكىلەتتى كومپانيانىڭ ۇلەسكەرلەردىڭ اقشاسىن تارتۋعا جەرگىلىكتى اتقارۋشى ورگاننان رۇقسات الۋىن قاجەت ەتپەيدى.
7. وسى زاڭنىڭ تالاپتارىن ورىنداۋ ماقساتىندا قۇرىلىس سالۋشى كەپىلدىك بەرۋ قورىنا اۋديتورلىق قورىتىندىمەن راستالعان جىلدىق قارجىلىق ەسەپتىلىكتى جانە ۋاكىلەتتى كومپانيا قازاقستان رەسپۋبليكاسىنىڭ
بۋحگالتەرلىك ەسەپ جانە قارجىلىق ەسەپتىلىك تۋرالى زاڭناماسىنا سايكەس توقسان سايىنعى قارجىلىق ەسەپتىلىكتى كەپىلدىك بەرۋ تۋرالى شارتتىڭ قولدانىلۋى ىشىندە ۇسىنادى.
9-باپ. ەكىنشى دەڭگەيدەگى بانكتىڭ جوباعا قاتىسۋى تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ
1. ەكىنشى دەڭگەيدەگى بانكتىڭ جوباعا قاتىسۋى تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ بويىنشا قىزمەتتى جۇزەگە اسىرۋ ءۇشىن قۇرىلىس سالۋشىنىڭ رەسپۋبليكالىق ماڭىزى بار قالالارداعى, استاناداعى قۇرىلىستا جالپى الاڭى كەمىندە ون سەگىز مىڭ شارشى مەتر جانە باسقا دا اكىمشىلىك-اۋماقتىق بىرلىكتەردەگى قۇرىلىستا كەمىندە توعىز مىڭ شارشى مەتر تۇرعىن ۇيلەر (تۇرعىن عيماراتتار) قۇرىلىسىنىڭ وبەكتىلەرىن وتكىزۋ, ونىڭ ىشىندە تاپسىرىس بەرۋشى, مەردىگەر (باس مەردىگەر) رەتىندە جيىنتىعىندا كەمىندە ءۇش جىل تاجىريبەسى بولۋى ءتيىس.
2. ەكىنشى دەڭگەيدەگى بانكتىڭ جوباعا قاتىسۋى تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ ءۇشىن قۇرىلىس سالۋشى ءبىر مەزگىلدە ءبىر قۇرىلىس جوباسىنان كوپ ەمەس قىزمەتتى جۇزەگە اسىراتىن ۋاكىلەتتى كومپانيا قۇرادى.
تۇرعىن ءۇي (تۇرعىن عيمارات) قۇرىلىسىنىڭ جوباسى ءبىر جەر ۋچاسكەسىندە ء(بولىپ بەرۋدە) بىرنەشە قۇرىلىس وبەكتىلەرىن كوزدەۋى مۇمكىن.
قۇرىلىس سالۋشى وسى زاڭنىڭ 15-بابىنا سايكەس ۇلەسكەرلەرگە تۇرعىن ۇيدەگى (تۇرعىن عيماراتتاعى) ولاردىڭ ۇلەستەرىن بەرۋ جونىندەگى ءوز مىندەتتەمەلەرىن ورىنداعان ۋاكىلەتتى كومپانيانى تارتۋعا قۇقىلى.
3. ەكىنشى دەڭگەيدەگى بانكتىڭ جوباعا قاتىسۋى تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ ءۇشىن ۋاكىلەتتى كومپانيانىڭ:
1) مەملەكەت بەرگەن ۋاقىتشا وتەۋلى جەر پايدالانۋ (جالداۋ) قۇقىعىمەن نەمەسە مەنشىك قۇقىعىمەن تيەسىلى جەر ۋچاسكەسى;
2) كەشەندى ۆەدومستۆودان تىس ساراپتامانىڭ وڭ قورىتىندىسىمەن تۇرعىن ءۇي (تۇرعىن عيمارات) قۇرىلىسى جوباسىنىڭ جوبالاۋ-سمەتالىق قۇجاتتاماسى بولۋى مىندەتتى.
4. وسى باپتىڭ 3-تارماعىندا ايقىندالعان م ۇلىك, ءبىر جەر ۋچاسكەسىندە ء(بولىپ بەرۋدە) قۇرىلىستى قارجىلاندىراتىن ەكىنشى دەڭگەيدەگى بانكتە كەپىلدە بولۋى مۇمكىن جەر ۋچاسكەسىن قوسپاعاندا, قانداي دا ءبىر اۋىرتپالىقتاردان, قۇقىقتاردان جانە ءۇشىنشى تۇلعالاردىڭ تالاپتارىنان ەركىن بولۋعا ءتيىس.
5. قۇرىلىس سالۋشى جانە ۋاكىلەتتى كومپانيا وسى باپتا بەلگىلەنگەن تالاپتارعا ساي بولعان كەزدە قۇرىلىس سالۋشى جانە (نەمەسە) ۋاكىلەتتى كومپانيا قۇرىلىستى اياقتاۋ ءۇشىن جەتكىلىكتى سوماعا تۇرعىن ءۇي (تۇرعىن عيمارات) قۇرىلىسىن قارجىلاندىرۋعا ازىرلىگى تۋرالى ەكىنشى دەڭگەيدەگى
بانكتىڭ شەشىمىن الۋ ءۇشىن ەكىنشى دەڭگەيدەگى بانككە ءوتىنىش جاسايدى.
ەكىنشى دەڭگەيدەگى بانك تۇرعىن ءۇيدى (تۇرعىن عيماراتتى) قارجىلاندىرۋعا ءازىر بولعان جاعدايدا ينجينيرينگتىك كومپانيامەن شارت جاساسادى.
6. قۇرىلىس سالۋشى جانە ۋاكىلەتتى كومپانيا وسى باپتا بەلگىلەنگەن تالاپتارعا ساي بولعان جاعدايدا, قۇرىلىس سالۋشى مەن ۋاكىلەتتى كومپانيا وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنا وسى زاڭنىڭ 18-بابىندا بەلگىلەنگەن تارتىپپەن ۇلەسكەرلەردىڭ اقشاسىن تارتۋعا رۇقسات الۋ ءۇشىن ءوتىنىش جاسايدى.
7. ەكىنشى دەڭگەيدەگى بانك ينجينيرينگتىك كومپانيا راستاعان, تۇرعىن ءۇيدىڭ (تۇرعىن عيماراتتىڭ) قاڭقاسى تۇرعىزىلعاننان كەيىن عانا وسى زاڭنىڭ 20-بابىندا بەلگىلەنگەن تالاپتاردى ەسكەرە وتىرىپ, ۋاكىلەتتى كومپانيانىڭ بانكتىك شوتىنداعى ۇلەسكەرلەردىڭ اقشاسىن پايدالانۋ تۋرالى شەشىم قابىلداۋعا قۇقىلى.
8. وسى باپتىڭ 3-تارماعىنىڭ 1) جانە 2) تارماقشالارىندا كورسەتىلگەن م ۇلىك تۇرعىن ءۇي قۇرىلىسىنا ۇلەستىك قاتىسۋ تۋرالى شارت جەرگىلىكتى اتقارۋشى ورگاندا تىركەلگەن كەزدەن باستاپ ۇلەسكەرلەردىڭ كەپىلدىگىندە دەپ ەسەپتەلەدى.
9. ەكىنشى دەڭگەيدەگى بانك وسى باپتىڭ 3-تارماعىنىڭ 1) جانە
2) تارماقشالارىندا كورسەتىلگەن كەپىلگە قويىلعان م ۇلىكتى وتكىزۋ تۋرالى شەشىم قابىلداعان كەزدە كەپىلگە قويىلعان م ۇلىكتى وتكىزۋدەن تۇسكەن اقشا اقشانى قايتارۋ تۋرالى تالاپ قويعان ۇلەسكەرلەردىڭ جانە ەكىنشى دەڭگەيدەگى بانكتىڭ تالاپتارىن قاناعاتتاندىرۋعا باعىتتالادى. كەپىلگە قويىلعان م ۇلىكتى وتكىزۋدەن تۇسكەن اقشا جەتكىلىكسىز بولعان كەزدە وسى م ۇلىككە ءوندىرىپ الۋدى قولدانۋعا جانە ونى وتكىزۋگە بايلانىستى شىعىستاردى جابۋ ءۇشىن قاجەتتى سومالاردى ۇستاپ قالعاننان كەيىنگى ايىرما ۇلەسكەرلەر مەن ەكىنشى دەڭگەيدەگى بانك اراسىندا وسى تالاپتاردى قاناعاتتاندىرۋ كەزىندەگى ولاردىڭ تالاپتارىنىڭ مولشەرلەرىنە پروپورتسيونالدى تۇردە بولىنەدى.
10. كەپىلگە قويىلعان م ۇلىك وتكىزىلگەن جاريا ساۋدا-ساتتىق وتكىزۋ كۇنىنە دەيىن ءوز تالاپتارىن مالىمدەمەگەن ۇلەسكەرلەرگە بەرىلۋگە ءتيىستى اقشا تۇرعىن ءۇي قۇرىلىسىنا ۇلەستىك قاتىسۋ تۋرالى شارتتىڭ تالاپتارىنا سايكەس بانكتىك سالىم شوتىنا باعىتتالادى.
كەپىلگە قويىلعان م ۇلىككە ءوندىرىپ الۋدى قولدانعان جانە ونى وتكىزگەن كەزدە ەكىنشى دەڭگەيدەگى بانك تۇرعىن ءۇي قۇرىلىسىنا ۇلەستىك قاتىسۋ تۋرالى شارت جاسالعان كەزدەن باستاپ ۇلەسكەرلەردىڭ سەنىم بىلدىرىلگەن تۇلعاسى دەپ تانىلادى.
11. ۋاكىلەتتى كومپانيا وسى زاڭنىڭ 17-بابىندا بەلگىلەنگەن تارتىپپەن ۇلەسكەرگە تۇرعىن ۇيدەگى (تۇرعىن عيماراتتاعى) ۇلەسىن بەرگەن كەزدەن باستاپ كەپىل قۇقىعى توقتاتىلادى.
10-باپ. تۇرعىن ءۇيدىڭ (تۇرعىن عيماراتتىڭ) قاڭقاسى
تۇرعىزىلعاننان كەيىن ۇلەسكەرلەردىڭ اقشاسىن تارتۋ
تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ
1. تۇرعىن ءۇيدىڭ (تۇرعىن عيماراتتىڭ) قاڭقاسى تۇرعىزىلعاننان كەيىن ۇلەسكەرلەردىڭ اقشاسىن تارتۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ بويىنشا قىزمەتتى جۇزەگە اسىرۋ ءۇشىن قۇرىلىس سالۋشى سوڭعى بەس جىل بويى, ونىڭ ىشىندە تاپسىرىس بەرۋشى, مەردىگەر (باس مەردىگەر) رەتىندە رەسپۋبليكالىق ماڭىزى بار قالالارداعى, استاناداعى قۇرىلىس كەزىندە جيىنتىعىندا جالپى الاڭى كەمىندە الپىس مىڭ شارشى مەتر جانە باسقا دا اكىمشىلىك-اۋماقتىق بىرلىكتەردەگى قۇرىلىس كەزىندە كەمىندە وتىز مىڭ شارشى مەتر تۇرعىن ۇيلەردى (تۇرعىن عيماراتتاردى) قازاقستان رەسپۋبليكاسىنىڭ اۋماعىندا سالۋعا جانە پايدالانۋعا بەرۋگە مىندەتتى. بۇل رەتتە قۇرىلىس سالۋشىنىڭ ەنشىلەس مەكەمەلەرىنىڭ جيىنتىق تاجىريبەسى ەسكەرىلەدى.
2. تۇرعىن ءۇيدىڭ (تۇرعىن عيماراتتىڭ) قاڭقاسى تۇرعىزىلعاننان كەيىن ۇلەسكەرلەردىڭ اقشاسىن تارتۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ ءۇشىن قۇرىلىس سالۋشى ءبىر مەزگىلدە ءبىر قۇرىلىس جوباسىنان كوپ ەمەس قىزمەتتى جۇزەگە اسىراتىن ۋاكىلەتتى كومپانيانى قۇرادى.
تۇرعىن ءۇي (تۇرعىن عيمارات) قۇرىلىسىنىڭ جوباسى ءبىر جەر ۋچاسكەسىندە ء(بولىپ بەرۋدە) بىرنەشە قۇرىلىس وبەكتىلەرىن كوزدەۋى مۇمكىن.
قۇرىلىس سالۋشى وسى زاڭنىڭ 15-بابىنا سايكەس ۇلەسكەرلەرگە تۇرعىن ۇيدەگى (تۇرعىن عيماراتتاعى) ولاردىڭ ۇلەستەرىن بەرۋ جونىندەگى ءوز مىندەتتەمەلەرىن ورىنداعان ۋاكىلەتتى كومپانيانى تارتۋعا قۇقىلى.
3. تۇرعىن ءۇيدىڭ (تۇرعىن عيماراتتىڭ) قاڭقاسى تۇرعىزىلعاننان كەيىن ۇلەسكەرلەردىڭ اقشاسىن تارتۋ تاسىلىمەن تۇرعىن ءۇي قۇرىلىسىنا ۇلەستىك قاتىسۋدى ۇيىمداستىرۋ ءۇشىن ۋاكىلەتتى كومپانيانىڭ:
1) مەملەكەت بەرگەن ۋاقىتشا وتەۋلى جەر پايدالانۋ (جالداۋ) قۇقىعىمەن نەمەسە مەنشىك قۇقىعىمەن تيەسىلى جەر ۋچاسكەسى;
2) كەشەندى ۆەدومستۆودان تىس ساراپتامانىڭ وڭ قورىتىندىسىمەن تۇرعىن ءۇي (تۇرعىن عيمارات) قۇرىلىسى جوباسىنىڭ جوبالاۋ-سمەتالىق قۇجاتتاماسى;
3) ينجينيرينگتىك كومپانيانىڭ ەسەبىمەن راستالعان تۇرعىن ءۇيدىڭ (تۇرعىن عيماراتتىڭ) قاڭقاسىنىڭ اياقتالعان قۇرىلىسىنىڭ بولۋى;
4) ينجينيرينگتىك كومپانيامەن شارتى بولۋى مىندەتتى.
4. وسى باپتىڭ 3-تارماعىندا ايقىندالعان م ۇلىك قانداي دا ءبىر اۋىرتپالىقتاردان, قۇقىقتاردان جانە ءۇشىنشى تۇلعالاردىڭ تالاپتارىنان ەركىن بولۋعا ءتيىس.
5. قۇرىلىس سالۋشى جانە ۋاكىلەتتى كومپانيا وسى باپتا بەلگىلەنگەن تالاپتارعا ساي بولعان جاعدايدا, قۇرىلىس سالۋشى مەن ۋاكىلەتتى كومپانيا وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنا وسى زاڭنىڭ 18-بابىندا بەلگىلەنگەن تارتىپپەن ۇلەسكەرلەردىڭ اقشاسىن تارتۋعا رۇقسات الۋ ءۇشىن ءوتىنىش جاسايدى.
6. ۋاكىلەتتى كومپانيا ۇلەسكەرلەردىڭ اقشاسىن تارتۋعا رۇقسات العاننان كەيىن تۇرعىن ءۇيدىڭ (تۇرعىن عيماراتتىڭ) قۇرىلىسىن وسى زاڭنىڭ 20-بابىنىڭ تالاپتارىنا سايكەس ۇلەسكەرلەردىڭ اقشاسىن تارتۋ تاسىلىمەن ۇيىمداستىرادى.
7. وسى باپتىڭ 3-تارماعىنىڭ 1), 2) جانە 3)تارماقشالارىندا كورسەتىلگەن م ۇلىك تۇرعىن ءۇي قۇرىلىسىنا ۇلەستىك قاتىسۋ تۋرالى شارت جەرگىلىكتى اتقارۋشى ورگاندا تىركەلگەن كەزدەن باستاپ ۇلەسكەرلەردىڭ كەپىلدىگىندە دەپ ەسەپتەلەدى.
8. وسى باپتىڭ 3-تارماعىنىڭ 1), 2) جانە 3) تارماقشالارىندا كورسەتىلگەن م ۇلىكتى كەپىلگە بەرۋگە جول بەرىلمەيدى.
9. ۋاكىلەتتى كومپانيا تۇرعىن ءۇي (تۇرعىن عيمارات) قۇرىلىسىن اياقتاۋ جونىندەگى مىندەتتەمەلەردى ورىنداماعان نەمەسە تيىسىنشە ورىنداماعان جاعدايدا ۇلەسكەرلەر قازاقستان رەسپۋبليكاسىنىڭ وڭالتۋ جانە بانكروتتىق تۋرالى زاڭناماسىنا سايكەس ۋاكىلەتتى كومپانيانىڭ بانكروتتىق راسىمىنە باستاماشىلىق جاساۋعا قۇقىلى.
10. ۋاكىلەتتى كومپانيا بانكروت بولعان جاعدايدا ۇلەسكەرلەر تۇرعىن ءۇي (تۇرعىن عيمارات) قۇرىلىسىن اياقتاۋ ءۇشىن قازاقستان رەسپۋبليكاسىنىڭ تۇرعىن ءۇي زاڭناماسىنا سايكەس تۇرعىن ءۇي قۇرىلىسى كووپەراتيۆىن قۇرۋعا قۇقىلى.
11. ۋاكىلەتتى كومپانيا وسى زاڭنىڭ 17-بابىندا بەلگىلەنگەن تارتىپپەن ۇلەسكەرگە تۇرعىن ۇيدەگى (تۇرعىن عيماراتتاعى) ۇلەسىن بەرگەن كەزدەن باستاپ كەپىل قۇقىعى توقتاتىلادى.
4-تاراۋ. تۇرعىن ءۇي قۇرىلىسىنا ۇلەستىك
قاتىسۋ تۋرالى شارت
11-باپ. تۇرعىن ءۇي قۇرىلىسىنا ۇلەستىك قاتىسۋ تۋرالى شارت
1. تۇرعىن ءۇي قۇرىلىسىنا ۇلەستىك قاتىسۋ تۋرالى شارت جازباشا نىساندا جاسالادى جانە وسى زاڭنىڭ 12-بابىندا كوزدەلگەن تارتىپپەن تۇرعىن ءۇيدىڭ (تۇرعىن عيماراتتىڭ) ورنالاسقان جەرىندەگى جەرگىلىكتى اتقارۋشى ورگاندا ونى ەسەپكە قويعان كەزدەن باستاپ جاسالعان بولىپ ەسەپتەلەدى.
2. تۇرعىن ءۇي قۇرىلىسىنا ۇلەستىك قاتىسۋ تۋرالى شارتتىڭ تاراپتارى ءىس جۇزىندەگى مەكەنجايىنىڭ جانە (نەمەسە) باسقا جەكە دەرەكتەرىنىڭ وزگەرۋى تۋرالى كۇنتىزبەلىك وتىز كۇن ىشىندە ءبىر-بىرىنە جازباشا حابارلاۋعا ءتيىس.
12-باپ. تۇرعىن ءۇي قۇرىلىسىنا ۇلەستىك قاتىسۋ تۋرالى شارتتاردى ەسەپكە الۋ
تۇرعىن ءۇي قۇرىلىسىنا ۇلەستىك قاتىسۋ تۋرالى شارت, وعان ەنگىزىلەتىن وزگەرىستەر جانە (نەمەسە) تولىقتىرۋلار, سونداي-اق تالاپ ەتۋ قۇقىعىن باسقاعا بەرۋ تۋرالى شارت ۋاكىلەتتى كومپانيانىڭ ۇسىنىسى بويىنشا تۇرعىن ءۇيدىڭ (تۇرعىن عيماراتتىڭ) ورنالاسقان جەرىندەگى جەرگىلىكتى اتقارۋشى ورگاندا ەسەپكە الۋعا جاتادى.
2. تۇرعىن ءۇي قۇرىلىسىنا ۇلەستىك قاتىسۋ تۋرالى شارتتى ەسەپكە الۋ ۋاكىلەتتى ورگان بەكىتكەن تۇرعىن ءۇي قۇرىلىسىنا ۇلەستىك قاتىسۋ تۋرالى شارتتاردى, سونداي-اق ولار بويىنشا تالاپ ەتۋ قۇقىعىن باسقاعا بەرۋ تۋرالى شارتتاردى ەسەپكە الۋدى جۇرگىزۋ قاعيدالارىنا سايكەس جۇزەگە اسىرىلادى.
13-باپ. تۇرعىن ءۇي قۇرىلىسىنا ۇلەستىك قاتىسۋ تۋرالى شارتتى وزگەرتۋ جانە بۇزۋ
تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا ول جاسالعاننان كەيىن تاراپتاردىڭ كەلىسۋى بويىنشا قازاقستان رەسپۋبليكاسىنىڭ ازاماتتىق زاڭناماسىندا كوزدەلگەن تارتىپپەن وزگەرىستەر جانە (نەمەسە) تولىقتىرۋلار ەنگىزىلۋى مۇمكىن. مۇنداي جاعدايلاردا تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا قوسىمشا كەلىسىمدەر دە جەرگىلىكتى اتقارۋشى ورگانداردا ەسەپكە الۋعا جاتادى.
ۇلەسكەردىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تالاپ ەتۋ قۇقىعىن باسقاعا بەرۋىنە ول شارتتىڭ باعاسىن تولەگەننەن كەيىن نەمەسە ءبىر مەزگىلدە, ۋاكىلەتتى كومپانيا كەلىسكەن جاعدايدا, قازاقستان رەسپۋبليكاسىنىڭ ازاماتتىق زاڭناماسىنا سايكەس بورىشىن قولما-قول ەمەس تارتىپپەن جاڭا ۇلەسكەرگە اۋدارعاننان كەيىن عانا جول بەرىلەدى.
3. ۇلەسكەردىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تالاپ ەتۋ قۇقىعىن باسقاعا بەرۋىنە تۇرعىن ءۇي قۇرىلىسىنا ۇلەستىك قاتىسۋ تۋرالى شارت تۇرعىن ءۇيدىڭ (تۇرعىن عيماراتتىڭ) ورنالاسقان جەرىندەگى جەرگىلىكتى اتقارۋشى ورگاندا ەسەپكە الىنعان كەزدەن باستاپ تاراپتار سالىنعان تۇرعىن ۇيدەگى (تۇرعىن عيماراتتاعى) ۇلەستى بەرۋ تۋرالى تاپسىرۋ اكتىسىنە قول قويعان كەزگە دەيىن جول بەرىلەدى.
4. ۇلەسكەر – جەكە تۇلعا قايتىس بولعان نەمەسە ول قايتىس بولدى دەپ جاريالانعان جاعدايدا, ونىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا قۇقىقتارى مەن مىندەتتەرى قازاقستان رەسپۋبليكاسىنىڭ ازاماتتىق زاڭناماسىنا سايكەس مۇراگەرلەرىنە اۋىسادى.
14-باپ. ۇلەسكەردىڭ قۇقىقتارى مەن مىندەتتەرى
1. ۇلەسكەر:
1) وسى زاڭنىڭ 22-بابىندا ايقىندالعان اقپاراتتى الۋعا;
2) قازاقستان رەسپۋبليكاسىنىڭ ازاماتتىق زاڭناماسىندا ايقىندالعان تارتىپپەن تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تالاپ ەتۋ قۇقىعىن باسقاعا بەرۋگە;
3) تۇرعىن ءۇي قۇرىلىسىنا ۇلەستىك قاتىسۋ تۋرالى شارتتىڭ تالاپتارىن ۋاكىلەتتى كومپانيانىڭ تيىسىنشە ورىنداۋىن تالاپ ەتۋگە قۇقىلى.
2. ۇلەسكەر:
1) تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا سايكەس ۋاكىلەتتى كومپانيانىڭ بانكتىك شوتىنا قولما-قول ەمەس تارتىپپەن اقشا سالۋعا;
2) تۇرعىن ءۇي قۇرىلىسىنا ۇلەستىك قاتىسۋ تۋرالى شارتتىڭ تالاپتارىن ۋاقتىلى ورىنداۋعا;
3) تۇرعىن ءۇيدى (تۇرعىن عيماراتتى) تىركەلگەن پايدالانۋعا قابىلداۋ اكتىسى بولعان كەزدە ۇلەسكەر ۋاكىلەتتى كومپانيادان حابارلاما العان كەزدەن باستاپ كۇنتىزبەلىك وتىز كۇن ىشىندە ۇلەسىن بەرۋ تۋرالى شارتقا قول قويا وتىرىپ, تۇرعىن ۇيدەگى (تۇرعىن عيماراتتاعى) ۇلەسىن قابىلداۋعا;
4) ءىس جۇزىندەگى مەكەنجايى جانە (نەمەسە) باسقا دا دەربەس دەرەكتەرى وزگەرگەن جاعدايدا بۇل تۋرالى ۋاكىلەتتى كومپانيانى كۇنتىزبەلىك وتىز كۇن ىشىندە جازباشا حاباردار ەتۋگە مىندەتتى.
15-باپ. تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا مىندەتتەمەلەردى ورىنداۋ
1. ۇلەسكەردىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا كوزدەلگەن ۇلەستىڭ قۇنىن تولەۋى تولەمدەردى شارتتا بەلگىلەنگەن مەرزىمدە ۋاكىلەتتى كومپانيانىڭ بانك شوتىنا سالۋ ارقىلى جۇرگىزىلەدى.
2. ۇلەسكەردىڭ مىندەتتەمەلەرى ول ۇلەستىڭ قۇنىن تولىق كولەمدە تولەگەن جانە ونى تۇرعىن ۇيدەن (تۇرعىن عيماراتتان) تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا سايكەس قابىلداپ العان كەزدەن باستاپ ورىندالعان بولىپ ەسەپتەلەدى.
3. قۇرىلىس سالۋشىنىڭ جانە (نەمەسە) ۋاكىلەتتى كومپانيانىڭ تۇرعىن ۇيدەگى (تۇرعىن عيماراتتاعى) ۇلەستى بەرۋ جونىندەگى مىندەتتەمەلەرى تۇرعىن ءۇي (تۇرعىن عيمارات) پايدالانۋعا قابىلداپ الىنعان جانە تۇرعىن ۇيدەگى (تۇرعىن عيماراتتاعى) ۇلەسىن بەرۋ تۋرالى شارتقا تاراپتار قول قويعان كەزدەن باستاپ ورىندالعان بولىپ ەسەپتەلەدى.
4. مەردىگەردىڭ (باس مەردىگەردىڭ) كەپىلدىكتى مەرزىم بويىنشا مىندەتتەمەلەرى ول كەپىلدىكتى مەرزىم كەزەڭىندە تۋىنداعان, جوبالاۋ-سمەتالىق قۇجاتتامادا جانە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا كورسەتىلگەن تۇرعىن ءۇي (تۇرعىن عيمارات) قۇرىلىسى كورسەتكىشتەرى سايكەستىگىنىڭ بۇزۋشىلىقتارىن جويۋ جونىندەگى مىندەتتەمەلەرىن ورىنداعاننان كەيىن ورىندالعان بولىپ ەسەپتەلەدى.
5. تۇرعىزىلعان تۇرعىن ۇيدەگى (تۇرعىن عيماراتتاعى) ۇلەس ۇلەسكەرگە ءىس جۇزىندە بەرىلگەنگە دەيىن ونىڭ كەزدەيسوق جويىلۋ نەمەسە كەزدەيسوق ءب ۇلىنۋ تاۋەكەلىن ۋاكىلەتتى كومپانيا كوتەرەدى. تۇرعىن ۇيدەگى (تۇرعىن عيماراتتاعى) ۇلەس ءىس جۇزىندە بەرىلگەننەن كەيىن كەزدەيسوق جويىلۋ نەمەسە كەزدەيسوق ءب ۇلىنۋ تاۋەكەلى ۇلەسكەرگە وتەدى.
16-باپ. تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا تاراپتاردىڭ جاۋاپكەرشىلىگى
1. ۋاكىلەتتى كومپانيا قۇرىلىستىڭ بارىسى مەن ساپاسىنا باقىلاۋدى قامتاماسىز ەتۋ بويىنشا جاۋاپتى بولادى.
2. ۋاكىلەتتى كومپانيا ۇلەسكەرلەرمەن جاسالعان, تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا ايقىندالعان تالاپتاردا تۇرعىن ءۇيدىڭ (تۇرعىن عيماراتتىڭ) قۇرىلىسى ءۇشىن ەنگىزىلگەن اقشاعا بيلىك ەتەدى جانە مىنالار:
1) ۇلەسكەرلەر اقشاسىنىڭ نىسانالى جانە ۋاقتىلى پايدالانىلۋى;
2) وبەكتىنى سالۋ كەزىندە نورماتيۆتىك-تەحنيكالىق قۇجاتتاردىڭ تالاپتارىن ساقتاۋ;
3) پايدالانىلاتىن قۇرىلىس ماتەريالدارىنىڭ, كونسترۋكتسيالاردىڭ, جابدىقتاردىڭ ساپاسى جانە قۇرىلىس-مونتاجداۋ جۇمىستارىن جۇرگىزۋ;
4) وبەكتىنى پايدالانۋعا تاپسىرۋ مەرزىمدەرى;
5) ۇلەسكەرگە ونىڭ ۇلەسىن بەرۋ ءۇشىن قازاقستان رەسپۋبليكاسىنىڭ زاڭناماسىندا نەمەسە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا كوزدەلگەن جاۋاپتىلىقتا بولادى.
3. ۋاكىلەتتى كومپانيا قويىلعان بىلىكتىلىك تالاپتارى ارقىلى مەردىگەردى (باس مەردىگەردى) تاڭداۋ ءۇشىن جاۋاپتى بولادى.
4. ۋاكىلەتتى كومپانيا ۇلەسكەردى كەزەكتى تولەمدى تولەمەگەنى تۋرالى پوشتا ارقىلى حاباردار ەتۋگە مىندەتتى. مۇنداي حابارلاما سالىم تىزىمدەمەسىمەن تاپسىرىس حاتپەن جۇزەگە اسىرىلۋى نەمەسە ۇلەسكەرگە قولحاتپەن جەكە وزىنە تاپسىرىلۋى ءتيىس.
ۇلەسكەردىڭ شارتتىق مىندەتتەمەلەردى ورىنداۋدان باس تارتۋ فاكتىسىن تانۋ ءۇشىن تولەمدى (تولەمدەردى) كەشىكتىرۋدىڭ جالپى مەرزىمى كەمىندە ءۇش اي بولاتىن تولەمدى (تولەمدەردى) تولەمەگەنى تۋرالى كەمىندە ءۇش حابارلامانىڭ بولعانى بەلگىلەنۋى قاجەت.
5. ۇلەسكەر كەزەكتى تولەمدى تولەمەگەن جانە تۇرعىن ءۇي قۇرىلىسىنا ۇلەستىك قاتىسۋ تۋرالى شارت تالاپتارىنا سايكەس وسى باپتىڭ 4-تارماعىندا ايقىندالعان مەرزىم ىشىندە جازباشا ءوتىنىش بەرمەگەن جاعدايدا, ۋاكىلەتتى كومپانيا مىناداي شەشىمدەردىڭ ءبىرىن قابىلداۋعا:
1) كەيىننەن تالاپ ەتۋ قۇقىعىن باسقاعا بەرۋدى رەسىمدەۋدە جاردەم كورسەتە وتىرىپ (بۇرىنعى ۇلەسكەرگە ەنگىزىلگەن اقشالارىن قايتارا وتىرىپ), ءۇشىنشى تۇلعادان وسىنداي ۇلەستى تولەۋگە ارنالعان قارجىلاندىرۋدى (اقشالاردى) قابىلداپ الۋعا;
2) شارتتى بۇزۋعا جانە ۇلەستى ءۇشىنشى تۇلعاعا وتكىزۋگە جانە ساتۋدان تۇسكەن اقشانى تۇرعىن ءۇيدى (تۇرعىن عيماراتتى) پايدالانۋعا قابىلداپ العان كۇننەن باستاپ ءۇش اي ىشىندە ۇلەسكەرگە قايتارىپ بەرۋگە نە بۇرىنعى ۇلەسكەر وسى اقشا ءۇشىن جۇگىنگەنگە دەيىن ونىڭ بانكتىك شوتتا ساقتالۋىن قامتاماسىز ەتۋگە قۇقىلى.
17-باپ. تۇرعىن ۇيدەگى (تۇرعىن عيماراتتاعى) ۇلەستى بەرۋ
1. ۋاكىلەتتى كومپانيا ۇلەسكەردiڭ سالىنعان تۇرعىن ۇيدەگى (تۇرعىن عيماراتتاعى) ۇلەسiن وعان تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا كوزدەلگەن مەرزiمنەن كەشiكتiرمەي بەرۋگە مiندەتتi.
2. ۋاكىلەتتى كومپانيا ۇلەسكەرگە ونىڭ تۇرعىن ۇيدەگى (تۇرعىن عيماراتتاعى) ۇلەسiن بەرۋدi سالىنعان تۇرعىن ءۇيدى (تۇرعىن عيماراتتى) پايدالانۋعا قابىلداۋ اكتىسىنە قول قويىلعاننان كەيىن جۇزەگە اسىرادى.
3. سالىنعان تۇرعىن ءۇيدى (تۇرعىن عيماراتتى) پايدالانۋعا قابىلداۋ اكتىسىنە قول قويىلعاننان كەيىن ۋاكىلەتتى كومپانيا ۇلەسكەرلەرگە تۇرعىن ۇيدەگى (تۇرعىن عيماراتتاعى) ۇلەستەرiن بەرۋ جونiندەگi مiندەتتەمەلەردى مەرزiمiنەن بۇرىن ورىنداۋعا قۇقىلى.
4. ۋاكىلەتتى كومپانيا تۇرعىن ءۇي قۇرىلىسىنا ۇلەستىك قاتىسۋ تۋرالى شارتقا سايكەس تۇرعىن ءۇي (تۇرعىن عيمارات) قۇرىلىسىنىڭ اياقتالعانى تۋرالى جانە ۇلەستىڭ بەرۋگە دايىن ەكەندىگى تۋرالى ۇلەسكەرگە حات جىبەرۋگە, سونداي-اق ۇلەسكەردى ۇلەستى قابىلداپ الۋ قاجەتتىگى تۋرالى جانە ۇلەسكەردىڭ تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا كوزدەلگەن ارەكەتسىزدىگىنىڭ سالدارلارى تۋرالى الدىن الا ەسكەرتۋگە مىندەتتى. حات تاپسىرىس حاتپەن جانە پوشتا جونەلتىلىمىن ادرەساتتىڭ العانى تۋرالى حابارلامامەن پوشتا ارقىلى جىبەرىلۋگە نەمەسە ۇلەسكەرگە قولحاتپەن جەكە وزىنە تابىس ەتىلۋگە
ءتيىس.
5. ۋاكىلەتتى كومپانيانىڭ تۇرعىن ءۇي (تۇرعىن عيمارات) قۇرىلىسىنىڭ اياقتالعانى تۋرالى جانە تۇرعىن ۇيدەگى (تۇرعىن عيماراتتاعى) ۇلەستىڭ بەرۋگە دايىن ەكەندىگى تۋرالى جازباشا حابارلاماسىن العان ۇلەسكەر تۇرعىن ءۇي قۇرىلىسىنا ۇلەستىك قاتىسۋ تۋرالى شارتتا كوزدەلگەن مەرزىمدە نەمەسە, ەگەر مۇنداي مەرزىم بەلگىلەنبەگەن بولسا, كورسەتىلگەن حابارلامانى العان كۇننەن باستاپ ون جۇمىس كۇنى ىشىندە ونى قابىلداۋعا كىرىسۋگە مىندەتتى.
6. جۇمىس ناتيجەلەرىن قابىلداۋ ۋاقىتىندا ونداعى جوبالاۋ-سمەتالىق قۇجاتتامادان جانە تۇرعىن ءۇي قۇرىلىسىنا ۇلەستىك قاتىسۋ تۋرالى شارتتان كەرى شەگىنۋلەردى انىقتاعان ۇلەسكەر ۋاكىلەتتى كومپانيادان تاراپتارمەن كەلىسىلگەن مەرزىمدە انىقتالعان كەمشىلىكتەردى جويۋدى تالاپ ەتۋگە قۇقىلى.
5-تاراۋ. تۇرعىن ءۇي قۇرىلىسىنا ۇلەستىك قاتىسۋ ءتارتىبى جانە ەرەكشەلىكتەرى
18-باپ. ۇلەستىك تۇرعىن ءۇي قۇرىلىسىن ۇيىمداستىرۋ
كەزىندە ەكىنشى دەڭگەيدەگى بانكتىڭ جوباعا قاتىسۋى تاسىلىمەن نەمەسە تۇرعىن ءۇيدىڭ (تۇرعىن عيماراتتىڭ) قاڭقاسى تۇرعىزىلعاننان كەيىن ۇلەسكەرلەردىڭ اقشاسىن تارتۋعا رۇقسات بەرۋ ءتارتىبى
1. ۋاكىلەتتى كومپانيا ۇلەسكەرلەردىڭ اقشاسىن تارتۋدى وبلىستىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ, وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ ۇلەسكەرلەردىڭ اقشاسىن تارتۋعا رۇقساتىنىڭ نەگىزىندە جۇزەگە اسىرادى.
2. ۇلەسكەرلەردىڭ اقشاسىن تارتۋعا رۇقسات بەرۋ «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.
3. ۇلەسكەرلەردىڭ اقشاسىن تارتۋعا ر
سوڭعى جاڭالىقتار
«Boran–بۋران»: جادى مەن كەڭىستىكتى توعىستىرعان كورمە
قوعام • بۇگىن, 18:18
جىلدىق ينفلياتسيانىڭ باياۋلاۋى باعا تومەندەۋىنە اسەرىن تيگىزە الدى ما؟
قارجى • بۇگىن, 18:03
جەكە دەرەكتەر مەن گادجەتتەردى الاياقتاردان قالاي قورعاۋعا بولادى؟
قوعام • بۇگىن, 17:50
ەرىكسىز نەكە مەن ەرتە ءولىم: نەلىكتەن قازاق قىزدارىنىڭ قۇقىعى قورعالماي جاتىر؟
قوعام • بۇگىن, 17:40
پەداگوگتەرگە ارنالعان بايقاۋ جاريالاندى: ءوتىنىم قابىلداۋ قاشان باستالادى؟
ءبىلىم • بۇگىن, 17:25
ەندى مەرزىمى وتكەن جۇرگىزۋشى كۋالىگىن ونلاين اۋىستىرۋعا بولادى
قوعام • بۇگىن, 17:12
الماتىدا داڭقتى كينوگەرلەرگە ارنالعان كورمە اشىلدى
قوعام • بۇگىن, 17:08
الماتىدا 13 جاستاعى قىزدى زورلادى دەگەن كۇدىكتى قاماۋعا الىندى
قوعام • بۇگىن, 16:53
جاساندى ينتەللەكت مۇعالىمدى الماستىرا ما؟
ءبىلىم • بۇگىن, 16:35
قازاقستاننىڭ رۋاندا رەسپۋبليكاسىنداعى ەلشىسى تاعايىندالدى
تاعايىنداۋ • بۇگىن, 16:17
پرەزيدەنت: بارشا وليمپيادا چەمپيوندارىنىڭ اتى الەم سپورتىنىڭ جىلناماسىنا جازىلادى
سپورت • بۇگىن, 16:04
وقۋشىلاردى جالعان تىركەۋ: 2 966 مەكتەپتە زاڭبۇزۋشىلىق انىقتالدى
ءبىلىم • بۇگىن, 15:58
ميحايل شايدوروۆ: مەن وليمپيادا التىنىمەن شەكتەلمەيمىن
سپورت • بۇگىن, 15:45
ۆيتسە-پرەمەر قاراعاندى وبلىسىنداعى بوگەتتەر مەن سۋ قويمالارىن تەكسەردى
ۇكىمەت • بۇگىن, 15:42
