بۇگىن ەلىمىزدىڭ باسىم بولىگىندە تۇمان تۇسەدى

استانا. 8 ءساۋىر. بۇگىن ەلىمىزدىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى تۇمان ءتۇسىپ, اۋا-رايى جاۋىن-شاشىندى بولادى. بۇل تۋرالى ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. اقمولا, سولتۇستىك قازاقستان, قوستاناي, قاراعاندى وبلىستارىنىڭ كەي جەرلەرىندە تۇمان ءتۇسىپ, كوكتايعاق بولادى. جەلدىڭ جىلدامدىعى سەكۋندىنا 15-20 مەترگە دەيىن بارادى. جامبىل وبلىسىنىڭ كەي جەرلەرىندە تۇمان تۇسەدى, كۇندىز جەلدىڭ كۇشى سەكۋندىنا 15-20 مەترگە دەيىن جەتەدى. وڭتۇستىك قازاقستان وبلىسىنىڭ كەي جەرلەرىندە تۇمان تۇسەدى, جەلدىڭ كۇشى سەكۋندىنا 15-20 مەترگە دەيىن بارادى. قىزىلوردا, پاۆلودار وبلىستارىنىڭ كەي جەرلەرىندە جەلدىڭ ەكپىنى سەكۋندىنا 15-20 مەترگە دەيىن كۇشەيەدى. ماڭعىستاۋ, باتىس قازاقستان وبلىستارىنىڭ كەي جەرلەرىندە تۇمان تۇسەدى دەگەن بولجام بار. ال 7-11 ءساۋىر ارالىعىندا اقتوبە, قوستاناي, اقمولا, سولتۇستىك قازاقستان جانە قاراعاندى وبلىستارىندا سۋ تاسقىنى مەن سۋ باسۋ قاۋپى ساقتالادى. ايان ءابدۋالي. دەرەك: ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتى. فوتو: kaztv.kaztrk.kz.