اقتوبەدە «نەو-فولكلور» اتتى بايقاۋ وتكىزىلەدى

اقتوبە. 8 ءساۋىر. اقتوبەدە «نەو-فولكلور» اتتى بايقاۋ وتكىزىلەدى. بۇل تۋرالى وسى بايقاۋدى ۇيىمداستىرۋ كوميتەتىنىڭ اقپارى بويىنشا egemen.kz ءتىلشىسى حابارلادى. «ايەلدەردىڭ قۇقىقتارى مەن مۇمكىندىكتەرىن كەڭەيتۋ» اتتى بۇۇ-نىڭ قازاقستانداعى دامۋ باعدارلاماسى جانە قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا جوباسىنىڭ اياسىندا «نەو-فولكلور» كيىمدەر ديزاينەرلەرى مەن ۇمىتىلىپ بارا جاتقان جانە جاڭعىرتىلعان قازاق ۇلتتىق تاعامدارى رەسپۋبليكالىق بايقاۋلارىنىڭ قالالىق كەزەڭى وتەدى. بايقاۋ «استانا» EXPO – 2017» حالىقارالىق كورمەسىنە ايەلدەردىڭ دە قاتىسۋىنا دايىندىق ماقساتىندا ۇيىمداستىرىلىپ وتىر. بايقاۋلاردى وتكىزۋ ءۇشىن ۇيىمداستىرۋ كوميتەتى قۇرىلىپ, «نەو-فولكلور» كيىمدەر ديزاينەرلەرى مەن ۇمىتىلىپ بارا جاتقان جانە جاڭعىرتىلعان قازاق ۇلتتىق تاعامدارى بايقاۋلاردىڭ ەرەجەسى بەكىتىلدى. بايقاۋلاردىڭ ۇيىمداستىرۋشىسى — اقتوبە قالاسى اكىمىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيا. «ۇمىتىلىپ بارا جاتقان جانە جاڭعىرتىلعان قازاق ۇلتتىق تاعامدارى» بايقاۋىنىڭ ماقساتى — قازاق ۇلتتىق تاعامدارىن ساقتاپ قالۋ جانە كوپعاسىرلىق داستۇرلەرىن ناسيحاتتاۋ. ۇمىتىلا باستاعان تاعامداردى قايتا جاڭعىرتا وتىرىپ, جاڭا زاماناۋي تاعامداردى ازىرلەۋ. بايقاۋعا اقتوبە قالاسىنىڭ تۇرعىندارى قاتىسا الادى, سونداي-اق بارلىق مەنشىك نىسانىنداعى كاسىپورىندار مەن ۇيىمداردىڭ ءوز اسحانالارىندا قىزمەت جاسايتىن اسپازدارىن قاتىستىرا الادى. «نەو-فولكلور» كيىمدەر ديزاينەرلەرى بايقاۋى قازاقتىڭ ۇلتتىق كيىمدەرىنىڭ بىرەگەي قۇندىلىقتارىنا, ونىڭ قازىرگى ءسان ۇلگىسىنىڭ ۇردىستەر ۇيلەسىمدىلىگىنە سايكەس ەتنيكالىق-تۇرمىستىق قۇندىلىعى مەن الۋاندىلىعىنا نازار اۋدارتۋدى كوزدەيدى. بايقاۋعا كاسىبي مودەلەرلەر, كيىم ديزاينەرلەرى, كيىم تىگەتىن شىعارماشىلىق ورتالىقتار, شىعارماشىلىق ۇجىمدار, دەكوراتيۆتى-قولدانبالى ونەر شەبەرلەرى, ورتا ارناۋلى  جانە جوعارى وقۋ ورىندارىنىڭ وقۋشىلارى مەن پەداگوگتاردان تۇراتىن شىعارماشىل ماماندارى, جالپى ءبىلىم بەرەتىن مەكتەپتەر, ءسان ورتالىقتارى مەن تەاترلار, ۇلتتىق كيىممەن اينالىساتىن ماماندار قاتىسا الادى. بايقاۋلاردىڭ قالالىق كەزەڭى 27 ءساۋىر كۇنى وتەدى. بايقاۋعا قاتىسۋ ءۇشىن وتىنىشتەر 2016 جىلدىڭ 15 ساۋىرىنە دەيىن, اقتوبە قالاسى, ت.احتانوۆ كوشەسى, 50 (27-كابينەت) مەكەنجايى بويىنشا قابىلدانادى.  قالالىق كەزەڭدەگى بايقاۋدىڭ جەڭىمپازدارى ءى, ءىى جانە ءىىى دارەجەلى ديپلومدارىمەن, باعالى سىيلىقتارمەن ماراپاتتالىپ, وبلىستىق كەزەڭگە جولدانادى. ساتىبالدى ءساۋىرباي. دەرەك, فوتو: egemen.kz