وڭتۇستىكتە ەنەرگيا قاجەتتىلىگى 20 پايىزعا ازايادى

شىمكەنت. 7 ءساۋىر. وڭتۇستىك قازاقستان وبلىسىندا ەنەرگيا قاجەتتىلىگى 20 پايىزعا ازايادى. بۇل تۋرالى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ اقپارى بويىنشا egemen.kz ءتىلشىسى حابارلادى. «ەلباسى ۇسىنعان 100 ناقتى قادامدا ەنەرگەتيكا سالاسى بويىنشا دا بىرقاتار مىندەتتەر ايتىلعان بولاتىن. ال, اتالعان قادامداردى ىسكە اسىرۋ بويىنشا جاۋاپتى ورىنداۋشىلار – بولىپ ەنەرگەتيكا مينيسترلىگى, «كەگوك» اكتسيونەرلىك قوعامى جانە ۇلتتىق كاسىپكەرلەر پالاتاسى» دەلىنگەن باسقارمانىڭ حابارلاماسىندا. قازىرگى كەزدە وبلىستا تۇتىنىلاتىن ەلەكتر قۋاتىنىڭ 60 پايىزدان استامى ەلىمىزدىڭ سولتۇستىك ايماقتارىنان جانە جامبىل ماەس-نان تاسىمالدانۋدا. وسى قاجەتتىلىكتى ءبىرشاما ازايتۋ ماقساتىندا باسقارما ەنەرگەتيكا مينيسترلىگىمەن بىرلەسە بىرقاتار جۇمىستاردى جۇرگىزۋدە. ماسەلەن, 2009-2017 جىلدارى «شاردارا سەس» اق-نىڭ قۋاتىن 100 مۆت-تان 126 مۆت-قا ۇلعايتىلسا, 2017-2018 جىلدارى «3-ەنەرگوورتالىق» اق-نا ورناتىلعان قۋاتىن 160 مۆت-تان 210 مۆت-قا كوبەيتىلمەك. وسى جۇمىستار ىسكە اسىرىلعان جاعدايدا, 2019 جىلدان باستاپ, وبلىسقا تاسىمالداناتىن ەلەكتر ەنەرگيا كولەمىن 20 پايىزعا ازايتۋ كوزدەلۋدە. باقتيار تايجان. دەرەك, فوتو: egemen.kz