وڭتۇستىكتە كادرلىق اۋىس-تۇيىستەر بولدى

شىمكەنت. 7 ءساۋىر. وڭتۇستىك قازاقستان وبلىسىندا ءبىراز كادرلىق وزگەرىستەر بولدى. بۇل تۋرالى egemen.kz ءتىلشىسى حابارلادى. اتاپ ايتقاندا, وبلىس اكىمىنىڭ ورىنباسارى بولىپ جاقىپ بوكەنباەۆ تاعايىندالدى. بۇعان دەيىن وبلىستىق ىشكى ساياسات جانە ءدىن ىستەرى باسقارماسىنىڭ باسشىسى بولىپ قىزمەت ىستەگەن الماس مامىتبەكوۆ ورداباسى اۋدانىنىڭ اكىمى قىزمەتىنە كىرىستى. ال, ورداباسى اۋدانىن باسقارىپ كەلگەن سامات ساپارباەۆ ديقانشىلىعىمەن اتى شىققان سايرام اۋدانىنا باردى. شاعالالى شاردارادا دا وزگەرىس بار. وبلىستىق ءماسليحاتتىڭ حاتشىسى بولىپ تاعايىندالعان حاميت ايتورەەۆتىڭ ورنىنا وبلىستا ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى بولىپ قىزمەت ەتكەن ارمان ابدۋللاەۆ تاعايىندالدى. «نۇر وتان» پارتياسى وقو فيليالىنىڭ توراعاسىنىڭ ءبىرىنشى ورىنباسارى بولىپ بەكىتىلگەن بولات قىستاۋوۆتىڭ ورنىنا قازىعۇرت اۋدانىنىڭ اكىمى بولىپ تولەگەن تەلعازاەۆ تاعايىندالدى. باقتيار تايجان. دەرەك, فوتو: egemen.kz