شىمكەنتتە 3 ملن استام اعاش كوشەتتەرى وتىرىعىزىلۋدا

شىمكەنت. 7 ءساۋىر. شىمكەنتتىڭ 2475 گەكتار بولاتىن جاسىل بەلدەۋىنە 3 ملن. 281 مىڭ اعاش كوشەتتەرى وتىرعىزىلدى. بۇل تۋرالى egemen.kz ءتىلشىسى حابارلادى. جاسىل جەلەكتەردى ەگۋ مەن كۇتىم جاساۋ جۇمىسىن جۇرگىزەتىن «جاسىل ايماق» كوممۋنالدىق مەكەمەسى 2248 گا جەرگە -– 2 810 000 دانا قاراعاش, 125 گا جەرگە – 416 600 دانا تەرەك, 52 گا جەرگە – 21 700 ەمەن كوشەتتەرىن ەكتى. سونىمەن قاتار مۇندا 50 گا جەرگە 33 مىڭنان استام الما, الشا, شابدالى, المۇرت سىندى بىرقاتار جەمىس كوشەتتەرى دە وتىرعىزىلدى. «جاسىل ايماق» باعدارلاماسى اياسىندا كوشەت ەگۋ جۇمىستارى قالانىڭ ءتورت بولىگىندە جۇرگىزىلدى.ولار 1700 گا القاپتى الىپ جاتقان «ايكول», 385 گا قۇرايتىن «اقتاس», اۋماعى 300-گە جۋىق گەكتار بولاتىن «ءبورجار» مەن 100 گەكتارلىق «قايناربۇلاق» ۋچاسكەلەرى. وسىعان دەيىن قالاداعى 2564 گا جەرگە اعاش كوشەتتەرى ەگىلىپ, ناتيجەسىندە, جاسىل ايماقتىڭ اۋماعى 5 مىڭ گەكتارعاجەتتى. وتىرعىزىلعان كوشەتتەردىڭ بارلىعى دەرلىك جەرگىلىكتى تالىمباقتاردان الىنىپ وتىر. سونىمەن قاتار, الداعى ۋاقىتتا كوشەتتەردى وزىمىزدە ءوسىرۋ ءۇشىن ارنايى 20 گەكتار جەرگە تۇقىمباق سالىنباق. وندا قىلقان جاپىراقتى اعاش تۇرلەرى مەن اق قايىڭ ءوسىرۋ جانە باسقادا اعاش كوشەتتەرىن ءوسىرۋ قولعا الىنادى دەپ جوسپارلانۋدا. باقتيار تايجان. دەرەك, فوتو: egemen.kz