لاڭكەستەر 250 ادامدى تۇتقىنعا الدى

استانا. 8 ءساۋىر. سيريادا لاڭكەستەر تسەمەنت زاۋىتىندا جۇمىس ىستەيتىن 250-دەن استام ادامدى تۇتقىنعا الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سودىرلار داماسك قالاسىنىڭ سولتۇستىك-باتىسىنداعى دۋماير قالاسىنا تاياۋ ماڭايداعى «باديا» زاۋىتىنا شابۋىل جاساعان. سيريانىڭ ونەركاسىپ مينيسترلىگىنىڭ مالىمدەۋىنشە, قىزمەتكەرلەرمەن اراداعى بايلانىس ۇزىلگەن. ال دۋماير قالاسىنىڭ تۇرعىندارى تۋىسقاندارىمەن 4 ساۋىردەن بەرى بايلانىسا الماعانىن ايتتى. لاڭكەستەر اەروپورت پەن داماسك قالاسىنا تاياۋ جەردەگى ەلەكتروستانتسياعا دا شابۋىل جاساماق بولعان. بىراق, ۇكىمەت اسكەريلەرى تويتارىس بەردى. ايتا كەتەيىك, سوڭعى كەزدەرى دۋماير قالاسىندا ەكسترەميستەر مەن ۇكىمەت اسكەريلەرى اراسىندا قاقتىعىستار ءجيى ورىن الۋدا. الدىن الا بولجام بويىنشا, بۇل جولعى لاڭكەستىك ارەكەتتى دايش لاڭكەستىك ۇيىمىنىڭ سودىرلارى جاساعان. پوليتسيا قىزمەتكەرلەرى وقيعا ورنىندا تەرگەۋ امالدارىن جۇرگىزىپ جاتىر. ايان ءابدۋالي. دەرەك: ريا «نوۆوستي». فوتو: apostrophe.com.ua.