قازاقستان رەسپۋبليكاسىنىڭ زاڭى № 485-V قرز

ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسيانى راتيفيكاتسيالاۋ تۋرالى 1970 جىلعى 18 ناۋرىزدا گااگادا جاسالعان ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسيا وسى زاڭعا 1 جانە 2-قوسىمشالارعا سايكەس مالىمدەمەلەرمەن جانە ەسكەرتپەمەن قوسا راتيفيكاتسيالانسىن. قازاقستان رەسپۋبليكاسىنىڭ پرەزيدەنتى ن. نازارباەۆ استانا, اقوردا, 2016 جىلعى 6 ءساۋىر № 485-V قرز «ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسيانى راتيفيكاتسيالاۋ تۋرالى» 2016 جىلعى 6 ساۋىردەگى قازاقستان رەسپۋبليكاسىنىڭ № 485-V قرز زاڭىنا 1-قوسىمشا ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسياعا مالىمدەمەلەر قازاقستان رەسپۋبليكاسى ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسياعا (بۇدان ءارى – كونۆەنتسيا) سايكەس مىناداي مالىمدەمەلەر جاسايدى: 1) ەكىنشى ۋاعدالاسۋشى مەملەكەتتەردىڭ ديپلوماتيالىق نەمەسە كونسۋلدىق وكىلدىكتەرى كونۆەنتسيانىڭ 15-بابىندا كوزدەلگەن ازاماتتىق نەمەسە ساۋدا ىستەرى بويىنشا دالەلدەمەلەردى قازاقستان رەسپۋبليكاسى قۇزىرەتتى ورگانىنىڭ رۇقساتى بولعاندا عانا ماجبۇرلەۋسىز الۋى مۇمكىن; 2) كونۆەنتسيانىڭ 16 جانە 17-باپتارىمەن كوزدەلگەن ازاماتتىق نەمەسە ساۋدا ىستەرى بويىنشا دالەلدەمەلەردى قازاقستان رەسپۋبليكاسى قۇزىرەتتى ورگانىنىڭ الدىن الا رۇقساتىنسىز ماجبۇرلەۋسىز الۋى مۇمكىن; 3) دالەلدەمەلەردى الۋ ءۇشىن تاعايىندالعان ديپلوماتيالىق نەمەسە كونسۋلدىق وكىل نەمەسە ۋاكىلەتتى ادام كونۆەنتسيانىڭ 18-بابىندا اتالعان كومەك كورسەتۋ تۋرالى وتىنىشپەن, ەگەر ول قازاقستان رەسپۋبليكاسىنىڭ زاڭناماسىنا سايكەس بولسا, قازاقستان رەسپۋبليكاسىنىڭ قۇزىرەتتi ورگانىنا جۇگىنە الادى; 4) كونۆەنتسيانىڭ 23-بابى نەگىزىندە قازاقستان رەسپۋبليكاسىنىڭ اۋماعىندا قۇجاتتاردى سوتقا دەيىن اشۋ سياقتى كادىمگى قۇقىق قولدانىلاتىن مەملەكەتتەردە بەلگىلى ماتەريالداردى الۋ ماقساتىندا جىبەرىلەتىن سوت تاپسىرمالارى ورىندالمايدى; 5) قازاقستان رەسپۋبليكاسىنىڭ زاڭدارى شەڭبەرىندە كونۆەنتسيانىڭ 27-بابىنىڭ b) جانە c) تارماقتارىنا سايكەس ءىس-قيمىلداردى ورىنداۋعا جانە دالەلدەمەلەردى الۋدىڭ باسقا تاسىلدەرىن پايدالانۋعا رۇقسات ەتىلەدى. «ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسيانى راتيفيكاتسيالاۋ تۋرالى» 2016 جىلعى 6 ساۋىردەگى قازاقستان رەسپۋبليكاسىنىڭ № 485-V قرز زاڭىنا 2-قوسىمشا ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسياعا ەسكەرتپە ازاماتتىق نەمەسە ساۋدا ىستەرى بويىنشا شەتەلدە دالەلدەمەلەردى الۋ تۋرالى كونۆەنتسيانىڭ 4 جانە 33-باپتارىنا سايكەس قازاقستان رەسپۋبليكاسى ءوز اۋماعىندا سۇراۋ سالۋشى ۋاعدالاسۋشى مەملەكەتتەردىڭ سوت تاپسىرمالارىن, ەگەر ولار اعىلشىن تىلىندە جاسالسا جانە ءتيىستى تۇردە كۋالاندىرىلعان قازاق جانە (نەمەسە) ورىس تىلدەرىندەگى اۋدارماسىمەن بىرگە بەرىلسە, ورىنداۋعا قابىلدايدى.