باعىت-باعدارى بەلگىلەنگەن باسقوسۋ

الەمنىڭ كوپتەگەن ەلىندە وتكىزى­لىپ جۇرگەن يادرولىق قاۋىپ­سىزدىك جونىندەگى ءسامميتتىڭ بۇگىنگى تاڭدا ماڭىزى ارتىپ كەلەدى. سەبەبى, وسى ارقىلى جاھاندىق قاھارلى سيپات العان تەررورلىق ارەكەتتەرگە باس­تايتىن يادرولىق قارۋدى قولدانۋ قاۋپىن تومەندەتۋگە مۇمكىندىك بار. ال ءبىزدىڭ مەملە­كەتىمىز مۇنداي الاپاتتىڭ زاردابىن الدىن الا سەزىپ, وسىدان 25 جىل بۇرىن-اق يادرولىق قارۋدان باس تارتۋدىڭ عالامات ۇلگىسىن كورسەتكەندى. ياعني, سەمەي يادرولىق پوليگونىن جاۋىپ, يادرولىق قارۋدى سىناۋ جۇمىستارىنا تۇبەگەيلى نۇكتە قويعان ەلباسى نۇرسۇلتان نازارباەۆتىڭ كورەگەندىگى تۋرالى ءوز ەلىمىزدە عانا ەمەس, الەم ەلدەرىندە ايتىلىپ جاتتى. ءبىزدىڭ «نەۆادا-سەمەي» انتيادرولىق قوزعالى­سى­­مىز­دان العان تاجىريبەلەرىمىزدى وزگەلەر باقىلادى. حالىقارالىق قاۋىمداستىقپەن بىرىگە وتىرىپ, وسى سياقتى بەس يادرولىق دەرجاۆانىڭ پوليگوندارىن جابۋعا قول جەتكىزدىك. بەيبىت ءومىردى قولدايتىن, سوعىسسىز جانە تىنىش الەمدە ءومىر سۇرۋگە باستاي­تىن ارەكەتتەردىڭ بولىپ جاتقاندىعى كوڭىل قۋانتقانىمەن, الەمدە ءالى دە بولسا بۇل قاۋىپتەر ساقتالىپ وتىر. سون­دىقتان دا يادرولىق جانە باسقا دا قاتەرلى قارۋلاردان ازات بولعان الەمدى قۇرۋ ءۇشىن مۇنداي كەزدەسۋلەردىڭ ورنى بولەك, ماڭىزى ايرىقشا. تۇڭعىش پرەزيدەنتىمىز نۇرسۇلتان نازارباەۆتىڭ يادرولىق قاۋىپسىزدىك ماسەلەسىندەگى بەرىك جانە كەزەكتى پوزيتسياسى الەم كوشباسشىلارى­نىڭ نازارىنا ىلىكتى. قازاقستان يران­­داعى پروبلەمانىڭ شەشىلۋىنە ىق­پال ەتكەن يادرولىق دەرجاۆالاردىڭ ديالوگ الاڭىنا اينالدى. جانە دە الەم بويىنشا ۋران قورى جاعىنان الدا كەلەتىن سونداي-اق, ونىڭ كەنىن ءوندىرۋ جونىنەن الەمدىك كوشباسشى مەملەكەتىمىز ماگاتە-مەن بىرلەسىپ تومەن بايىتىلعان ۋران بانكىن قۇرۋدا ءوز مۇمكىندىكتەرىن جۇزەگە اسىرۋدا. وسى ارقىلى يادرولىق ەنەرگيانى بەيبىت ماقساتتا پايدالانعىسى كەلەتىندەر بانك رەسۋرسىن قولدانۋىنا بولادى. جالپىادامزاتتىق ماسەلەلەر تالقى بولا­تىن وسىنداي كەلەلى كەزدەسۋلەرگە قا­تى­سىپ, ۇدايى وزىندىك پايىم-پاراساتىن ءبىل­دىرىپ جۇرەتىن ەلباسىمىز الەمدى يادرولىق قاتەر­دەن ارىلتۋعا شاقىرادى. سوندىقتان دا, پرە­زي­دەنتىمىزدىڭ الەمدىك اۋقىمدا ساياسي تۇلعا بولىپ تابىلاتىنىن بارشا مويىندايدى. جانە ونىڭ ادامزاتتىڭ قاۋىپسىزدىگىن ساقتاۋ جولىنداعى ەرەن ەڭبەگى جوعارى قۇرمەتكە لايىق. احمەت مۋرادوۆ, پارلامەنت ءماجىلىسىنىڭ دەپۋتاتى.