يسپانيادا 40 كۇن بويى قازاق فيلمدەرى كورسەتىلەدى

 ءساۋىر ايىنىڭ باسىندا تاۋەلسىزدىگىمىزدىڭ 25 جىل­دى­عىنا وراي, بارسەلونا قا­لاسىندا «قازاقستاندىق كينو تسيكلدارى» شاراسى سالتاناتتى تۇردە اشىلدى. 19 ناۋ­رىزدان باستاپ, ءساۋىر ايىنىڭ اياعىنا دەيىن جالعاساتىن, ياعني قىرىق كۇن بويى كورسەتىلەتىن قازاق كينوسىنىڭ كۇندەرىن ۇيىمداستىرۋعا قازاقستاننىڭ يسپانياداعى ەلشىلىگى, ش­اكەن ايمانوۆ اتىنداعى «قازاق­فيلم» اكتسيونەرلىك قوعامى, «دوم ازي» قوعامدىق ۇيىمى مەن «Cinemes Girona» كينوتەات­رى ۇيىتقى بولۋدا. ال سالتاناتتى شارانىڭ اشىلۋىنا قازاق ەلشىلىگىنەن بولەك, بارسەلوناداعى كون­سۋلدىق كورپۋسى مەن يسپانيادا وقىپ جۇرگەن قازاق ستۋدەنتتەرى ات سالىسۋدا. ارينە, مۇنداي ايتۋلى ءما­دەني وقيعانىڭ باستى ماق­ساتى قازاقستاندى, ونىڭ حالقىن, ءداستۇرىن, تاريحى مەن وزگە جۇرتقا ۇلگى بولعان تاتۋلىعىن تانىتۋ عانا ەمەس, يسپانيا مەن قازاقستاننىڭ قارىم-قاتى­ناسىن جانداندىرا ءتۇسۋ ەكەنى ايان. سونىمەن, بارسەلونا قالا­سىندا باستالعان سالتانات­تى شارادا «دوم ازي» قوعام­دىق ۇيىمىنىڭ مادەنيەت جانە كورمەلەر جونىندەگى دەپارتامەنتىنىڭ ديرەكتورى ءارى يسپانياداعى مادەنيەت سا­لاسىنداعى بەدەلدى ساراپشىسى مەنەنە گراس قازاقستاندىق فيلمدەردىڭ الەمدىك كينەماتوگرافيادا وزىندىك ورنى بار ەكەنىن اتاي كەلە, ونىڭ ايعاعى رەتىندە وتاندىق كارتينالارعا بەرىلگەن حالىقارالىق كينوفەس­تيۆالداردىڭ باستى جۇلدەلەرىن اتاعان. مەنەنە گراس حانىمنىڭ ويىن­شا, «قازاقستاندىق كينو تسيكلدارى» قازاقستاندىق كينو­نىڭ بىرەگەيلىگىن عانا ەمەس, بۇكىل مەملەكەتتىڭ اۋىزبىرشىلىگىن ناسيحاتتايدى. بۇل كۇندەرى بارسەلونادا باستالىپ, مادريد پەن ۆا­لەنسيا قالالارىندا جال­عاسىن تاباتىن قازاقستاندىق كارتينالاردىڭ كورسەتىلىمىنە  يسپاندىقتار كوپتەپ كەلۋدە. ولار «قازاقفيلم» كينوستۋدياسىندا ءتۇسى­رىل­گەن رەجيسسەر ەر­مەك شىنار­باەۆتىڭ «دالا داۋى­سى», ەر­مەك تۇرسىنوۆتىڭ «كەن­جە» مەن «شال», ەرلان نۇر­مۇ­حام­بەتوۆتىڭ «جاڭعاق تال», راشيد سۇلەيمەنوۆتىڭ «ورا­لۋ» فيلمدەرى مەن قا­زىبەك ءامىر­جانوۆتىڭ قىسقا مەتراج­دى «باق» كارتيناسى, با­قىت قايىربەكوۆتىڭ «دەشتى قىپ­شاق. قۇپيا بەلگىلەر» دە­رەكتى فيلمدەرىن تاماشالاۋ­دا. فيلمدەردىڭ بارلىعى قازاق تىلىندە يسپان سۋبتيترىمەن ج­ۇرىپ جاتىر, دەپ حابارلايدى, ش.اي­مانوۆ اتىنداعى «قازاق­فيلم» كينوستۋدياسى» اق ءباسپاسوز قىزمەتى. ايناش ەسالي, «ەگەمەن قازاقستان». الماتى.