پاۆلودار. 7 ءساۋىر. وبلىس ورتالىعىنداعى «ايرەنيك» ارميان ەتنومادەني بىرلەستىگىنىڭ جاستارى پەسچانوە اۋىلىندا تۇراتىن كوپبالالى وتباسىلارعا كومەك كورسەتىپ, ازىق-ت ۇلىك, كيىم-كەشەك جەتكىزدى. بۇل تۋرالى «دوستىق» ءۇيى ءباسپاسوز قىزمەتىنە سىلتەمە جاساعان egemen.kz حابارلادى.
جاستار قاناتىنىڭ كوشباسشىسى وگانەسيان ارايكتىڭ ايتۋىنشا, «جۇرەكتەن جۇرەككە» دەپ اتالاتىن بۇل باعدارلاما بارىسىندا اۋىلداعى كلۋب ۇيىندە كونتسەرت كورۋگە كەلگەن حالىقپەن زال تولدى. كونتسەرتتىك باعدارلامادا Nord wind ۆوكالدى-اسپاپتىق ءانسامبلى اندەر شىرقادى.وبلىستىق ارميان, كاباردا-بالقار جانە قاراشاي-چەركەس ەتنومادەني بىرلەستىكتەرنىڭ شىعارماشىلىق ۇجىمدارى دا بەلسەنە قاتىستى. ال «درۋگوي ۆزگلياد» رەپ توبى «مى يز كازاحستانا» اتتى پاتريوتتىق اندەرىن ورىنداسا, Just Fly بي توبى ەرەكشە بيلەر بيلەدى. اۋىلدىقتار قولدان جاسالعان قايتالانباس بۇيىمدار مەن تۋىندىلاردىڭ جارمەڭكەسىن تاماشالادى. وزدەرىنە ۇناعان زاتتى ساتىپ الا الادى.
فاريدا بىقاي.
دەرەك: egemen.kz.
فوتو: ماقسات ايتباي.
