سولتۇستىك قازاقستاندا تاسقىن سۋ قاۋپى سەيىلەر ەمەس

پەتروپاۆل. 7 ءساۋىر. وبلىستىق اكىمدىكتە ايماق باسشىسى ەرىك سۇلتانوۆتىڭ باسشىلىعىمەن جەدەل شتابتىڭ كەزەكتى وتىرىسى بولىپ ءوتتى. وندا تۇرعىن ۇيلەردى سۋ باسۋ بويىنشا اعىمداعى جاعداي, تاسقىنعا قارسى ءىس-شارالار بارىسى جانە زارداپ شەككەن وتباسىلارعا شىعىندى وتەۋ ماسەلەلەرى قارالدى. بۇل تۋرالى اكىمدىكتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. بۇگىندە وبلىس اۋداندارىندا ونداعان ەلدى مەكەندەردى قارعىن سۋ باسىپ, 6 اۋىلدىڭ تۇرعىندارى قاۋىپسىز جەرلەرگە شىعارىلعان. دونەتسكوە اۋىلىندا ولگەن مالدىڭ قۇنىن باعالاۋ بويىنشا كوميسسيا ءوز جۇمىسىن اياقتادى. تاسقىن سۋدان زارداپ شەككەن 12 ءۇي-جايدىڭ يەلەرىنىڭ ەسەپتىك شوتتارىنا اقشالاي وتەماقى اۋدارىلاتىن بولدى.تۇرعىن ۇيلەر, قۇرىلىستار مەن جولدارعا كەلتىرىلگەن ماتەريالدىق شىعىندار ەسەپتەلۋدە. ايماقتا توتەنشە جاعدايلار سالدارلارىن جويۋ ءۇشىن 300 ميللليون تەڭگە قاراستىرىلعان. قاجەتتىلىك تۋىنداعان جاعدايدا ۇكىمەتى قورىنان قوسىمشا اقشالاي قاراجات بولىنەتىن بولادى. ىشكى ىستەر مينيسترلىگى توتەنشە جاعدايلارجونىندەگى كوميتەتتىڭ قوسىمشا كۇشتەرى, ونىڭ ىشىندە جەكە قۇرامنىڭ 123 ادامى, 25 تەحنيكاسى كومەك بەرۋدە. تۇتاستاي العاندا, قۇتقارۋ جۇمىستارىنا جەكە قۇرىلىمداردان 700 ادام, 196 تەحنيكا بىرلىگى, 10 ءجۇزۋ قۇرالدارى, 33 موتوپومپا جۇمىلدىرىلعان. دەسەك تە, تاسقىن قاۋپى سەيىلەر ەمەس. تايىنشا اۋداندا توتەنشە جاعداي جاريالانىپ, كراسنايا پوليانا اۋىلىندا-21, كەللەروۆكادا- 20, دوبروجانوۆكادا- 24 ءۇيدى سۋ شايعانى بەلگىلى بولدى. ءومىر ەسقالي. دەرەك, فوتو: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.