قازاقشا سويلەگەن «ماۋگلي»

«دجۋنگلي كىتابى» نەگى­زىندە تۇسىرىلگەن بالالار كينو­سىنىڭ قازاق تىلىندەگى ۇلگىسى استانا جانە الماتى قالالارىندا كور­سەتىلە باستادى. ۇلكەندى دە, كىشىنى دە تەلەەكرانعا تەلمىرىپ قويا­تىن تۋىندى – قازىرگى زاماناۋي ۇلگىدە تۇسىرىلگەن Disney كينوستۋدياسىنىڭ ءونى­­مى. مۇندا اڭدار­دىڭ قي­مى­لى مەن ءىس ارەكەتى ناعىز ءومىر­دەگىدەي سۋرەتتەلگەن. فيل­م­نىڭ دۋبليا­جى وتاندىق كاسىبي Aray Media Group دىبىس جازۋ ستۋدياسىندا جاسالىپ, لون­دوننىڭ Shepperton ستۋدياسىندا وڭدەلدى. – ءدۋبلياجدىڭ رەجيسسەرى ايجان جامشيتوۆا. ول وسىعان دەيىن «كۇلبيكە», «مالەفيسەنتا», «كولىكتەر» سىندى با­لالار فيلمدەرىنىڭ قازاق تىلىندە شىعۋىنا سەپتى­گىن تيگىزگەن, – دەدى جوبا ۇي­ىم­­­داستىرۋشىلارى. سونداي-اق, دىبىس جازۋ ىسىنە وننان استام قازاق­ستاندىق اكتەرلەر اتسالىستى. باستى رولدەگى كەيىپكەرلەردىڭ داۋىسىن بەكبولات قۇر­مانعوجاەۆ (باگيرا), يسلام زەينوللاەۆ (شەر-حان), اي­نۇر بەرماعانبەتوۆا (كاا), اقارىس وتەۋىلوۆ (ماۋگلي) وقىدى. ايتا كەتەيىك, رەديارد كيپ­لينگتىڭ بۇل تۋىندىسى ال­عاش رەت 1967 جىلى Disney انيماتسيالىق فيل­­مىندە ەكرانعا شى­عا­رىلعان. شاعىن اڭگى­مەلەردەن قۇ­رال­عان «دجۋن­گلي كىتابى» 1980 جى­­لى جازىلىپ, جۇرت­شى­لىققا ۇسىنىلعان. بۇگىندە «ماۋگلي» فيل­مىنىڭ قازاق تىلىندەگى جوبا­سىنا مۇرىندىق بولعان «بو­لاشاق» اسسوتسياتسياسى. تورەبەك تۇرمانوۆ.