ءماجىلىس ءوز مىندەتتەرىن مەجەلەدى

كەشە التىنشى سايلانعان پارلامەنت ءماجىلىسىنىڭ العاشقى جالپى وتىرىسى بولىپ, ونى پالاتا توراعاسى باقتىقوجا ىزمۇحامبەتوۆ اشىپ, جۇرگىزىپ وتىردى. جالپى وتىرىستا ءماجىلىس توراعاسى ب.ىزمۇحامبەتوۆ قىسقاشا ءسوز سويلەدى. بۇگىن ءماجىلىستىڭ التىنشى شاقىرىلىمى ءوز جۇمىسىنا تولىعىمەن كىرىستى دەۋگە بولادى, دەپ باستادى ول ءوزىنىڭ ءسوزىن. ەلباسى ن.نازارباەۆ سەسسيانىڭ اشىلۋىن­دا اتاپ وتكەنىندەي, ەلىمىزدى تۇبەگەيلى جاڭعىرتاتىن اۋقىمدى ىستەردى, ىسكە اسىرىلىپ جاتقان ۇلت جوسپارىن زاڭنامالىق تۇرعىدان ودان ءارى قامتاماسىز ەتۋ بىزدەرگە جۇكتەلەدى. سونىڭ ىشىندە بىرىڭعاي سالىقتىق جانە كەدەندىك كودەكستى, جەر قويناۋى مەن جەر قويناۋىن پايدالانۋ كودەكسىن قابىلداپ, باسەكەلەستىك, ەلەكتر قۋاتى جانە كەيبىر مەملەكەتتىك فۋنكتسيالاردى باسەكەلى ورتاعا بەرۋ سالاسىنداعى زاڭنامانى جەتىلدىرۋىمىز قاجەت, دەدى ول. ودان ءارى توراعا جەرگىلىكتى ءوزىن-ءوزى باسقارۋ ورگاندارىنىڭ بيۋد­جەتتەرى مەن مەنشىگىن ءتيىمدى باس­قارۋ ءىسىن زاڭنامالىق تۇرعىدان قام­تا­ماسىز ەتۋ مىندەت ەكەنىن اتاپ ءوتتى. ۇكىمەتتىڭ 2016 جىلعى جۇمىس جوسپارىنا سايكەس اتالمىش ماسەلەلەر بويىنشا ازىرلەنەتىن زاڭ جوبالارى ءماجىلىستىڭ قاراۋىنا كۇزدە ەنگىزىلەدى ەكەن. بىراق ءبىز بۇل مەرزىمدى كۇتپەستەن وسىناۋ زاڭ جوبالارىن ساپالى دايىنداۋ ماقساتىمەن ۇكىمەت قۇرعان 5 جۇمىس توبىنىڭ قاتارىنا دەپۋتاتتارىمىزدى ەنگىزىپ, بىرلەسكەن جۇمىستارىمىزدى باستاپ كەتتىك, دەدى توراعا. ب.ىزمۇحامبەتوۆتىڭ ايتۋىنا قاراعاندا, قازىر ءماجى­لىستىڭ قورجىنىندا 20 زاڭ جو­باسى قارالۋدى كۇتىپ جاتىر ەكەن. ونىڭ بەسەۋى دەپۋ­تات­­تار­دىڭ باستاماسىمەن ءازىر­­لەنىپتى. ءسوزىنىڭ سوڭىندا ءماجىلىس توراعاسى دەپۋتاتتارعا بار­لىق ۇيىمداستىرۋشىلىق ماسە­لەلەردى شۇعىل تۇردە شەشىپ, ناقتى زاڭ شىعارۋ پروتسە­سىنە بەلسەنە ارالاسۋ كەرەك­تىگىن ايتتى. بارلىق پارلا­مەنتتىك فراكتسيالار مەن دەپۋتاتتىق توپتار ۇكى­مەت جانە قوعاممەن بىرلە­سىپ, جەدەل, كاسىبي جانە اشىق جۇمىس ىستەپ, ساپالى زاڭ­دار قابىلداۋىمىز قاجەت. وعان ءۇش ساياسي پارتيا جانە اس­سامبلەيا وكىلدەرىنەن تۇراتىن ءماجىلىس قۇرامىنىڭ ءبىلىمى, كۇش-جىگەرى, جيناقتالعان تاجىريبەسى, جاۋاپكەرشىلىگى جەتكىلىكتى دەگەن سەنىمدەمىن, دەپ قورىتتى ءوزىنىڭ ءسوزىن ب.ىزمۇحامبەتوۆ. كۇن تارتىبىنە سايكەس جالپى وتىرىستىڭ قاراۋىنا ءتورت ماسەلە شىعارىلدى. سو­نىڭ ىشىندە قازاقستان رەسپۋب­ليكاسى ۇكىمەتى مەن حالىق­ارالىق قايتا قۇرۋ جانە دامۋ بانكى اراسىنداعى قازاقستاندا وفيستەر قۇرۋ مەن ولاردىڭ جۇمىس ىستەۋى تۋرالى كەلىسىمدى جانە قازاقستان مەن ماكەدونيا اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلى­سىمدى راتيفيكاتسيالاۋ تۋرا­لى زاڭ جوبالارى بويىنشا قورىتىندى ازىرلەۋ ماسەلە­لەرى ەكەن. وسى ەكى زاڭ جوبا­سى تۋرالى بايانداعان حالىق­ارالىق ىستەر, قورعانىس جانە قاۋىپسىزدىك كوميتە­تىنىڭ توراعاسى ماۋلەن ءاشىم­باەۆتىڭ قورىتىندى ازىرلەۋگە سۇراعان مەرزىمىمەن دەپۋتاتتار كەلىستى. سونداي-اق, ءۇشىنشى ماسەلە بولىپ ۇسىنىلعان كەيبىر زاڭنامالىق اكتىلەرگە ازاماتتىق زاڭنامانى جەتىل­دىرۋ ماسەلەلەرى بويىن­شا وزگە­رىستەر مەن تولىقتىرۋلار ەن­گىزۋ تۋرالى زاڭ جوباسىمەن جۇمىستى جالعاستىرۋ مەر­زىمىن 2017 جىلدىڭ 20 ناۋ­رىزىنا دەيىن ۇزارتۋعا دا كەلى­سىم بەرىلدى. ءتورتىنشى ماسەلە بويىنشا پالاتا توراعاسىنىڭ ورىنباسارى گۇلميرا يسىمباەۆا التىنشى سايلانعان ءماجىلىستىڭ وكىلەتتىكتەرىن ىسكە اسى­رۋدىڭ ءبىرىنشى سەسسياعا ار­نال­عان نەگىزگى ءىس-شارالار جوس­پارىنىڭ جوباسى تۋرالى باياندادى. جوسپاردىڭ جوباسى پارلامەنت ءماجىلىسى جۇمىسىنىڭ ءارتۇرلى قىرلارىن قامتيتىن 8 تاراۋ­دان تۇرادى. سەسسيا بارى­سىندا پارلامەنت قىز­مەتىنىڭ اسا وزەكتى ماسە­لەلەرى بويىنشا 4 ۇكىمەت ساعاتىن, كوميتەتتەردىڭ 5 كوشپەلى وتىرىسىن وتكىزۋ ۇسىنىلادى. كەڭ اۋقىمداعى جۇرتشىلىق وكىلدەرى جانە ازا­ماتتىق سەكتوردىڭ قاتى­سۋىمەن پارلامەنتكە كەلىپ تۇسكەن زاڭ جوبالارىن جان-جاقتى تالقىلاۋ ماق­ساتىندا 7 دوڭگەلەك ۇستەل وتكىزۋ كوزدەلىپ وتىر. ءماجى­لىس دەپۋتاتتارىنىڭ حالىق­ارالىق جانە پارلامەنت­ارالىق قىزمەتكە قاتىسۋى جەكە كەستە بويىنشا جۇزە­گە اسىرىلاتىن بولادى. سونى­مەن قاتار, جۇمىس بارىسىندا دەپۋتاتتاردىڭ باستاما­شى­لىعىمەن قوسىمشا ءىس-شا­رالار وتكىزۋ جانە ۇيىم­داستىرۋ قاجەتتىگى تۋىنداۋى مۇمكىن. ولاردى قوسىم­شا تۇردە قاراپ, پالاتا بيۋرو­سىنىڭ ءتيىستى شەشىمىمەن جوس­پارعا ەنگىزۋگە بولادى. وسى ايتىلعانداردى ەسكەرە وتىرىپ, التىنشى سايلانعان ءماجىلىستىڭ ءبىرىنشى سەسسياسىنا ارنالعان نەگىزگى ءىس-شارالار جوسپارىنىڭ ۇسىنىلىپ وتىرعان جوباسىن بەكىتۋلەرىڭىزدى جانە ءتيىستى قاۋلى قابىلداۋلارىڭىزدى سۇرايمىن, دەدى گ.يسىمباەۆا. دەپۋتاتتار ۇسىنىلعان جۇمىس جوسپارىنىڭ جوباسىن ءبىراۋىزدان بەكىتتى. وسىمەن التىنشى سايلانعان ءماجىلىستىڭ العاشقى جالپى وتىرىسى ءوز جۇمىسىن اياقتادى. جاقسىباي سامرات, «ەگەمەن قازاقستان».