كونە ۆيرۋستىڭ «كورىپكەلدىگى»

عالىمدار بۇدان 1,5 ميلليون جىل بۇرىن ءومىر سۇرگەن تىش­قاننىڭ, وسى سايىپتان كەلگەندە, سونداي-اق, ادام بالالارىنىڭ جىنىستارىن انىقتايتىن ءمۇم­كىندىكتىڭ تۋعانىن مالىمدەپ وتىر. يەل ۋنيۆەرسيتەتىنىڭ وقى­­تۋشىلارى مۇنى سول زامان­دارداعى سۇتقورەكتىلەر بويلارىندا ساقتالىپ قالعان ۆيرۋستار ارقىلى انىقتاۋعا بولاتىنىنا كوز جەتكىزىپتى. زەرتتەۋشىلەر حابارلاعانداي, ادام بالاسى گەنومدارىنىڭ 40 پايىزى بۇدان ميلليونداعان جىل بۇرىن كىرگەن ۆيرۋس­تاردىڭ قاڭقالارىنان قۇرالادى. ول ح-حروموسومىنداعى وسى ۆيرۋس­تار­دىڭ ءبىرىنىڭ ەندى ءدۇ­نيەگە كەلگەلى تۇرعان بالانىڭ جىنى­سىن ايعاقتاپ بەرۋگە دە كومەكتەسەتىنىن انىقتاعان. وسى ۆيرۋس بەلسەندى بولىپ تۇرعان كەزدە ۇل بالالار مەن قىز بالالار تەڭ قالىپتا تۋىلىپ تۇرعان. ال ونى «ىستەن شىعارا قويسا», ۇلداردىڭ قاتارى بىردەن ەكى ەسەگە ارتىپ كەتىپ وتىرعان. ازىرگە بۇل سحەمانىڭ قان­شالىقتى ناقتىلى دالدىك بەرە الاتىنى تولىق انىقتالىپ بول­عان جوق. دەگەنمەن, ادامنىڭ ح-حروموسومى تاجىريبە جاسالعان تىشقاندارداعى ۆيرۋستارعا تولى ەكەن. بۇعان قوسا, زەرتتەۋشىلەر ەمبريوننىڭ كومەگىمەن ۆيرۋس­تى «ىستەن شىعارۋ» ءتاسىلىن راك جاسۋشالارىنىڭ كەڭ ەتەك الۋىنىڭ جولىن كەسۋ ءۇشىن پايدالانۋعا بولاتىنىن بولجاپ وتىر. دامير قوجامقۇل.