شەكاراداعى ءۇي

ءومىر بويى گاز شارۋاشى­لى­عىندا جۇمىس ىستەگەن ۆلاديمير فەدورچەنكو ءوزى تۇراتىن تاراز قالاسىنىڭ ىرگەسىندەگى بايتەرەك اۋىلىنداعى وسى مەكەمە ءۇيىن جە­كەشەلەندىرۋ ناۋقانى كەزىندە ءوزىنىڭ اتىنا اۋدارىپ العىسى كە­لەدى. بۇعان گاز شارۋاشىلىعىنىڭ باسشىلارى دا قارسى بولمايدى. بىراق, «قىرسىق شالعاندا, قىمىران ءىريدى» دەگەن, كەيىنىرەك بۇل ءۇيدىڭ كورشى قىرعىز ەلىمەن اراداعى شەكارا سىزىعىندا جاتقانى بەلگىلى بولىپتى. ءسوي­تىپ, تۇراتىن ءۇي مەن اۋىل اراسىن ەكى ەلدىڭ شەكاراشىلارى ەكى جاققا ءبولىپ تاس­تايدى. قازىر ول ۇيىنەن شىعىپ, جاقىن ماڭداعى اۋىلىنا بارۋ ءۇشىن شەكاراشىلاردىڭ رۇقساتىن الىپ, ارنايى قالدىرىلعان جولمەن ءجۇرىپ-تۇرادى. شەكاراشىلار بولىمشەسىنىڭ باسشىسى بۇل ازاماتتىڭ باسىنداعى جاعدايدى ءتۇسىنىپ, تۋرا ءۇيدىڭ ۇستىنەن ءوتۋى ءتيىس شەكارا سىزىعىن ۋاقىتشا وزگەرتىپ وتىر. وسى ءساتتى پايدالانعىسى كەل­گەن ۆ.فەدورچەنكو تاعى دا جە­كەشەلەندىرۋ ىسىنە كىرىسكەنىمەن, جولى بولمادى. ويتكەنى, بۇل جەر ۇقك-عا تيەسىلى اۋماققا جاتا­تىن­دىقتان, جەكەشەلەندىرۋ مۇلدەم مۇمكىن ەمەس ەكەن. – سوڭعى ەكى جىلدان بەرى ءبىزدى بۇل ماسەلە بويىنشا ەش­كىم ما­زالاعان جوق, – دەيدى ۆلادي­مير فە­دورچەنكو. – بىراق جەكەشەلەندىرۋ ناۋقانى وتكەننەن كەيىن ءبىزدىڭ ءۇيىمىزدى تراكتورمەن سىرىپ تاستاۋى مۇمكىن. سوندا ءبىز دالادا قالامىز با؟ سوندىقتان, جامبىل وبلىسى اكىمدىگى وسى ماسەلەدەن شىعاتىن جول تاۋىپ, بىزگە كومەك قولىن سوز­سا, دۇرىس بولار ەدى... ورالحان ءداۋىت, «ەگەمەن قازاقستان». جامبىل وبلىسى.