ءتارتىپ قاشان ورنايدى؟

تەلەديداردا, كۇندەلىكتى گازەت-جۋرنالدا دا ماس كۇيىندە رولگە يە بولا الماي, جول-كولىك اپاتىنا ۇشىراۋشىلار تۋرالى كوپ ايتىلىپ, جازىلدى. ال ادام ولىمىنە اكەلىپ سوقتىراتىن وسىنداي اپاتقا جول بەرگەندەردى بىرەر جىلعا عانا سوتتاپ جاتىر. سوندا دا بالالار مەن ازاماتتارىمىزدىڭ ءومىرىن قيىپ جاتقان مۇنداي جول اپاتى وقي­عالارىنىڭ سانى ازايار ەمەس. جول-كولىك اپاتىنا جول بەرىپ, ادام ولىمىنە سەبەپشى بولعان ماساڭ جۇرگىزۋشىلەر نەبارى 3 نەمەسە 5 جىلعا باس بوستاندىعىنان ايى­رىلادى ەكەن. كەيدە سوتتار مۇنداي جۇرگىزۋشىلەردى 2-3 جىلعا جۇرگى­زۋشىلىك كۋالىگىنەن دە ايىرىپ جاتادى. ارينە, مۇنداي شە­شىم ازدىق ەتەدى. قازىرگى زاماندا ءجۇر­گىزۋشىلىك كۋالىكتى ساتىپ الۋ تۇككە دە تۇرماي قالدى. كەيدە ونى اعايىن-تۋمالارى جينالىپ, سىيعا دا تارتادى. دەمەك, مەنىڭ پايىمىمشا, ادام ولىمىنە دۋشار ەتكەن جۇرگىزۋشىلەرگە مۇنان دا قاتاڭ شارا قولدانىلسا, وندا 3-4 جىلدا وسىنداي وقيعالار سانى 20-30 پايىزعا دەيىن ازايار ەدى. قايعىلى جاعدايعا ۇشىراعان وتباسىلاردىڭ باسىنداعى قيىنشىلىقتاردى كورگەندە ەرىكسىز بىرگە قينالاسىڭ. جول-كولىك اپاتىنان و دۇنيەلىك بولعانداردىڭ وتباسىن ويلاپ جاتقان جان جوق. سوندىقتان, وسى ماسەلەنى بۇكىل حالىق بولىپ تال­قىلاعاندى ورىندى دەپ تاۋىپ وتىر­مىن. بۇل رەتتە پارلامەنت دەپۋتاتتارى وسىنداي ادام ءولىمىن ازايتۋ جولىنداعى تال­قىلارىن وتكىزسە جانە وسى ءما­سە­لەنىڭ وڭتايلى شەشىمىن تاۋىپ, زاڭعا وزگەرىستەر ەنگىزۋ سياقتى ناقتى ۇسى­نىس­­تارىمەن شىعىپ جاتسا, ءجون بولار ەدى. ەرداحمەت دوستەمەس ۇلى, ەڭبەك ارداگەرى. جامبىل وبلىسى, مويىنقۇم اۋدانى.