سامۋرايدىڭ سەمسەرى

شەكارالىق باقىلاۋ كەزىندە قازاقستاندىق شەكاراشىلار سيرەك زاتتاردى زاڭسىز الىپ وتۋگە تىرىساتىنداردىڭ جولىن كەسىپ جاتادى, دەپ حابارلادى قر ۇقك شق ءباسپاسوز قىزمەتى. قازاقستان-رەسەي شەكاراسىندا ورنالاسقان قوستاناي شەكارا وتريادىنا قاراستى «قايراق تەمىرجول» باقىلاۋ-وتكىزۋ بەكەتىنىڭ شەكاراشىلارى استانادان سانكت-پەتەربۋرگ قالاسىنا كەتىپ بارا جاتقان ازاماتقا شەكارالىق با­قىلاۋ جاساعاندا ونىڭ ءسوم­كەسىنەن سۋىق قارۋ تاپتى. سۋىق قارۋ اناۋ-مىناۋ ەمەس, سامۋرايدىڭ سەمسەرى بولىپ شىق­تى. ونى 27 جاستاعى رەسەي ازاماتىنا دوستارى سىيلاعان كو­رىنەدى. سەمسەردىڭ ۇزىندىعى جارتى مەترگە جۋىق, ەنى – 2,5 سم, قا­لىڭ­دىعى –  5 مم, قىلپىلداعان ۇس­تارا­سىنىڭ ۇزىندىعى 29 سم بولىپ شىق­تى. سالماعى 1 100 گرامم ەكەن. شەكاراشىلاردىڭ قىراعىلىعى بول­ماعاندا, بۇل جادىگەر شەكارا اسىپ كەتە بارعان بولار ەدى. اتالعان دەرەك بويىنشا قۇقىق قورعاۋ ورگاندارى حابارلاندىرىلدى.