«ارلاندار» ازۋ كورسەتتى

وسكەمەنگە «استانا ارلاندارى» كاسىپقوي بوكس كلۋبىنىڭ شەبەرلەرى كەلەدى دەگەن جاڭالىق قالا تۇرعىندارىن ءبىر سەرپىلتىپ تاستادى. جەرلەستەرىمىز مۇنىڭ الدىندا استانا, الماتى, قارا­عاندى, شىمكەنت جانە پەتروپاۆل قالالارىندا ونەر كورسەتكەن بولاتىن. وڭىرلەردە مۇنداي مارتەبەلى دە ءدۇبىرلى جارىستى وتكىزۋدىڭ تاربيەلىك ءمانى بار ەكەنى ايتپاسا دا تۇسىنىكتى. التاي اياسىندا «استانا ارلاندارى» «ازگەن جولبارىستارى» كومانداسىمەن كەزدەستى. شايقاس «جەكپە-جەك» سارايىندا ءوتتى. ونى ەكى مىڭنان استام جانكۇيەر تاماشالادى. ءتۋرنيردىڭ باسىندا جۇرگىزۋشى قازاقستاندىق بوكسشى زاكير ءسافيۋلليننىڭ (60 كگ) وتباسى جاعدايىنا بايلانىستى كەشە شۇعىل تۇردە شىمكەنتكە ۇشىپ كەتكەنىن, سوندىقتان وزبەكتەردىڭ 1:0 ەسەبىمەن العا شىققانىن حابارلادى. زاكيردىڭ قارسىلاسى وزبەكستاندا تۇراتىن قازاق جىگىتى ەلنۇر ابدۋرايىموۆ بولاتىن. 52 كيلودا سىنعا تۇسكەن ازات ماحمەتوۆ قارسىلاسى ابرورجان قادىروۆتى قۋىپ ءجۇرىپ سابادى دەسەك, ءجون بولار. العاشقى راۋندتان باستاپ سوققىلارىن ۇدەتە تۇسكەن. ازات ايقىن باسىم­دىق­پەن جەڭىستى ج ۇلىپ الدى. سونىمەن, ەسەپ 1:1. بۇدان كەيىن 69 كيلوعا دەيىنگى سالماقتا اس­لان­بەك شىم­بەرگەنوۆ قارسى­لاسى ماحمۋد گاي­پوۆتى ايقىن با­سىمدىقپەن ۇتتى. جاسىراتىنى جوق, 81 كيلوداعى ارمان رىسبەك رينگكە شىققاندا قوبالجىدىق. سەبەبى, قارسىلاسى شۋحرات ابدۋللاەۆقا قاراعاندا ونىڭ دەنە ءبىتىمى قوراشتاۋ كو­رىندى. ونىڭ ۇستىنە ءبىر كۇن بۇ­رىن ءباسپاسوز ءماسليحاتىندا ار­مان­نان باسىم تۇسەمىن دەگەن بولاتىن. الايدا, ارمان ەر ەكەن. رينگتە قايتپاي شايقاسقان جىگىتىمىز وسىلاي تاعى ءبىر جەڭىستى اكەلدى. ول كوماندانىڭ جەڭىسىن دە ايقىنداپ بەردى. ال سوڭىنان شارشى الاڭعا شىققان اۋىر سالماقتاعى قامشىبەك قوڭقاباەۆ ءبىراز اتاعى بار ميرزوحيدجون ابۋللاەۆتى ەرسىلى-قارسىلى سوق­قىلادى. مۇنىڭ سوڭى ونىڭ تولاسسىز جەڭىسىنە نەگىز بولدى. ءسويتىپ, وسكەمەندەگى سايىس قىزىقتى ءارى تارتىستى ءوتتى. قالاداعى بوكس سۇيەر قاۋىم وسى سپورت كەشىن ۇيىمداس­تىرۋ­شىلارعا العىسىن ايتتى. وڭداسىن ەلۋباي, جۋرناليست. سۋرەت اۆتوردىكى.