اتاقتى اقىن ۆلاديمير ماياكوۆسكيدىڭ قىزى قايتىس بولدى

استانا. 4 ءساۋىر. اقش-تا ورىستىڭ اتاقتى اقىنى ۆلاديمير ماياكوۆسكيدىڭ قىزى – جازۋشى جانە فيلوسوف پاتريتسيا تومپسون (ەلەنا ماياكوۆسكايا) 89 جاسىندا قايتىس بولدى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. پاتريتسيا تومپسوننىڭ اناسى, ورىس مۇعادجىرى – ەليزاۆەتا زيبەرت اقىنمەن 1925 جىلى نيۋ-يوركتە تانىسادى. «دوستار… قاتتى قايعىرىپ وتىرىپ, حابارلايمىن… جۇما كۇنى (1 ءساۋىر) نيۋ-يوركتە پاتريسيا تومپسون (ەلەنا ۆلاديميروۆنا ماياكوۆسكايا) قايتىس بولدى», – دەپ جازدى ماياكوۆسكي مۋزەيىنىڭ ديرەكتورى الەكسەي لوبوۆ Facebook-تەگى پاراقشاسىنا. پاتريسيا تومپسون (ەلەنا ماياكوۆسكايا) ءومىر بويى اقش-تا تۇرىپ, جۇمىس ىستەدى. ول ءوزىنىڭ شىعارماشىلىق ءومىر جولىندا 15-تەن استام كىتاپ شىعارىپ ۇلگەردى. پاتريتسيا تومپسون رەسەيگە ءۇش رەت ەلىپ-كەتكەن. ءبىرىنشى رەت ول 1991 جىلى ۇلى رودجەرمەن بىرگە كەلەدى. ەكىنشى مارتە 2002 جىلى ۋفادا وتكەن ۆ. ماياكوۆسكيدىڭ تۋعانىنا 110 جىل تولۋىنا ارنالعان شاراعا قاتىسادى. ال سوڭعى رەت 2008 جىلى «ادەبيەت مۇرالارى. قىزىقتى كەزدەسۋلەر» جوباسى بويىنشا وتكەن كەشتىڭ قوناعى بولادى. 2015 جىلعى ماۋسىمدا پاتريسيا تومپسون رەسەيدىڭ ازاماتتىعىن الىپ, اكەسىنىڭ وتانىنا كەلىپ تۇرعىسى كەلەتىنىن جاريالاعان بولاتىن. بىراق وعان ۇلگەرە المادى. تالعات رايىمبەك. دەرەك, سۋرەت: ras.kz.