تالعات ەرمەگياەۆتىڭ ىسىنە قاتىستى 14 ايىپتالۋشى كىنالارىن مويىندادى

استانا. 4 ءساۋىر. استانا قالاسىندا ءوتىپ جاتقان «ەكسپو-2017» ۇلتتىق كومپانياسىنىڭ قارجىلارىن تالان-تاراجعا سالۋعا قاتىستى قىلمىستىق ءىستى قاراۋ بارىسىندا 14 ايىپتالۋشى وزدەرىنىڭ كىنالارىن مويىندادى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. ەسكە سالا كەتەيىك, بۇگىن استانا مامانداندىرىلعان اۋدانارالىق سوتىندا پروكۋرورلاردىڭ اتالعان قىلمىستىق ءىس بويىنشا سوتتالۋشىلاردى ايىپتاۋلارى وقىلدى. «ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگياەۆ ءوزىنىڭ كىناسىن مويىندامادى. «ايىپتاۋ ماعان تۇسىنىكسىز. كىنامدى مويىندامايمىن, پروكۋرورلارمەن جانە زارداپ شەگۋشىلەرمەن كەلىسىمگە قول قويمايمىن», – دەپ مالىمدەدى ول. سوتتا تالعات ەرمەگياەۆ پەن تاعى 23 فيگۋرانتقا ءىرى كولەمدە جەمقورلىق ءتارتىپ بۇزۋشىلىعىن جاساپ, مەملەكەتتىڭ 10 ملرد. تەڭگە اقشاسىن تالان-تاراجعا سالدى دەگەن ايىپ تاعىلىپ وتىر. سونىڭ ىشىندە ءبىر ەرمەگياەۆتىڭ 4,2 ملرد. تەڭگەنى جەپ كەتكەنى ايتىلۋدا تالعات رايىمبەك. دەرەك, فوتو: ras.kz.