يراكتا جارىلىستاردان 14 ادام قازا تاپتى

استانا. 4 ءساۋىر. يراك اۋماعىنداعى بىرنەشە جارىلىستان 14 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سوڭعى مالىمەتتەرگە سايكەس, العاشقى جارىلىس يراك استاناسى باعدادتىڭ وڭتۇستىگىندەگى دي-كار پروۆيتسياسىندا بولدى. بۇل جەردە 5 اسكەري ادام وپات بولىپ, 27 ادام ءتۇرلى دەڭگەيدە جاراقات الدى. ءتارتىپ ساقشىلارىنىڭ ايتۋىنشا, بەلگىسىز بىرەۋلەر كەتىپ بارا جاتقان جولدارىنا جارىلعىش زات ورناتقان. Reuters اگەنتتىگى وسىعان دەيىن مەرت بولعانداردىڭ سانى 20 ادامعا جەتكەنىن مالىمدەدى. ءدال وسى ۋاقىتتا سادر-ەل-كانا ايماعىندا ەمحانا جانىندا جانكەشتى ءوزىن ءوزى جارىپ جىبەردى. سالدارىنان 5 ادام قازا تاۋىپ, 9 تۇرعىن زارداپ شەكتى. سونداي-اق, باعداد پەن باسرا قالاسىنىڭ ارالىعىنداعى مەيرامحانالاردىڭ بىرىندە تاعى ءبىر سودىر جارىلىس ۇيىمداستىرىپ, 4 بەيبىت ادام مەرت بولدى جانە 20 ادام جاراقات الدى. ازىرگە لاڭكەستىك شابۋىلداردى ەشبىر ۇيىم ءوز موينىنا العان جوق. ايان ءابدۋالي. دەرەك, فوتو: تاسس.