كابۋلدا قازاقستاننىڭ ساۋدا ءۇيى اشىلدى

استانا. 4 ءساۋىر. اۋعانستاننىڭ استاناسى كابۋل قالاسىندا قازاقستاننىڭ ساۋدا ءۇيى اشىلدى. بۇل تۋرالى egemen.kz ءتىلشىسى حابارلادى. قازاقستاننىڭ سىرتقى ساۋدا پالاتاسىنىڭ حابارلاۋىنشا, اۋعان جەرىندە العاش رەت اشىلىپ وتىرعان ساۋدا ءۇيى «اۋعانستان ەكسپو ورتالىعى» ساۋدا-كورمە پاۆيلونىنىڭ اۋماعىندا ورنالاسقان.  ساۋدا ءۇيى قازاقستان سىرتقى ساۋدا پالاتاسى مەن ەلىمىزدىڭ اۋعانستان يسلام رەسپۋبليكاسىنداعى  ەلشىلىگىنىڭ كومەگىمەن اشىلدى. ەلىمىزدىڭ اۋعانستان يسلام رەسپۋبليكاسىنداعى توتەنشە جانە وكىلەتتى ەلشىسى ءومىرتاي ءبىتىموۆ ساۋدا ءۇيىنىڭ كاسىپكەرلەرىمىزدىڭ ءوز ونىمدەرىن تەگىن ساۋداعا شىعارۋعا مۇمكىندىك بەرەتىنىن, ەكى جاققا دا ءتيىمدى كەلىسىم-شارتتار جاساپ, ساۋدانىڭ ناعىز قىزعان ورداسىنا اينالاتىنىن اتاپ ءوتتى.ونىڭ ايتۋىنشا,جاقىن ارادا قازاق كاسىپكەرلەرى كابۋلعا كەلىپ, بىرقاتار ەكىجاقتى كەزدەسۋلەر مەن بيزنەس-فورۋمدار وتكۋدى جوسپارلاپ وتىر. وسى جەردە قازاقستاننىڭ سىرتقى ساۋدا پالاتاسى مەن اۋعانستاننىڭ ساۋدا-ونەركاسىپ پالاتاسى اراسىندا ىنتىماقتاستىق جونىندە مەموراندۋمعا قول قويىلادى. قولدا بار دەرەكتەرگە قاراعاندا, قازىر ەكى ەلدىڭ اراسىنداعى ەكونوميكالىق بايلانىستار جىل سايىن دامىپ كەلەدى. مىسالى, بىلتىر قازاقستان اۋعانستاننان 3 ملن. دوللار شاماسىندا تاۋارلار يمپورتتاعان بولسا, قازاقستاننىڭ اۋعانستانعا ەكسپورتى 333 ملن. دوللارعا جەتكەن. بۇل ۇزاق جىلدار بويى ازاماتتىق سوعىستان كوز اشپاي, قولىنا قارۋ ۇستاپ, تاۋلى-تاستى جەرلەردە اسىنعان قارۋىن تاستاماي جۇرگەن اۋعان حالقى ءۇشىن جاقسى كورسەتكىش.  ەكى ەلدىڭ اارسىنداعى ساۋدادا ۇن مەن مۇناي ونىمدەرى كوپ ساتىلادى. سوندىقتان ەلىمىزگە اۋعانستان سياقتى مۇناي شيكىزاتى مەن ەگىن القابى از, تاۋلى-تاستى جەرى باسىم ەلدەرگە ارپا, بيداي مەن قارا التىندى كوبىرەك ساتقان ءجون. داستان كەنجالين. دەرەك: قازاقستاننىڭ Cىرتقى ساۋدا پالاتاسى. فوتو: egemen.kz