زيكا بەزگەگى 47 مەملەكەتكە تارادى

استانا. 3 ءساۋىر. قاۋىپتى زيكا بەزگەگى الەمنىڭ 47 ەلىندە ءورشىپ تۇر. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وسىعان دەيىن اتالعان ەپيدەميانىڭ 43 مەملەكەتكە تاراعانى جونىندە اقپارات تاراعان. ال وسى جىلدىڭ قاڭتار ايىندا ەلىمىزدىڭ تۇتىنۋشىلار قۇقىعىن قورعايتىن كوميتەت وڭتۇستىك امەريكادا تارالعان زيكا بەزگەگىنە اسا ساقتىقپەن قاراۋدى ەسكەرتكەن بولاتىن. ايتا كەتەيىك, زيكا اسىرەسە, جۇكتى ايەلدەر ءۇشىن قاۋىپتى. جۇكتىلىكتىڭ العاشقى 12-16 اپتاسىندا جۇقتىرعان بولاشاق انادان ميكروتسەفاليامەن اۋىرعان نارەستە دۇنيەگە كەلەدى. ميكروتسەفاليا ءسابيدىڭ باس سۇيەگى مەن مي قۇرىلىسىنىڭ دامۋىنا كەرى اسەرىن تيگىزەدى. بۇل كەزدە ارنايى ۆاكتسينالار ەش كومەكتەسپەيدى. دۇنيەجۇزىلىك دەنساۋلىق ساقتاۋ ۇيىمى بۇل ىندەتتىڭ 2015 جىلى برازيليادان تارالعانىن مالىمدەدى. بۇگىندە بۇل ەلدە 6800-گە جۋىق نارەستەدە ميكروتسەفاليا مەن نەۆرولوگيالىق اۋىتقۋلار بايقالعان. وسىنىڭ سالدارىنان 208 ءسابي شەتىنەپ كەتتى. ايان ءابدۋالي. دەرەك, فوتو: ريا «نوۆوستي».