استانا. 2 ءساۋىر. مەملەكەت باسشىسى يادرولىق قاۋىپسىزدىك جونىندەگى سامميت اياسىندا جاپونيا پرەمەر-ءمينيسترى سيندزو ابەمەن كەزدەستى. بۇل تۋرالى akorda.kz حابارلادى.
كەزدەسۋ بارىسىندا تاراپتار ەكىجاقتى ىنتىماقتاستىقتىڭ, سونىڭ ىشىندە ساۋدا-ەكونوميكالىق, ساياسي جانە مادەني-گۋمانيتارلىق سالالارداعى ءوزارا ءىس-قيمىلدىڭ نەگىزگى باعىتتارىن تالقىلادى.
نۇرسۇلتان نازارباەۆ سيندزو ابەنىڭ استاناعا تاياۋداعى ساپارى قازاقستان مەن جاپونيا قارىم-قاتىناسىن جاڭا ساپالى دەڭگەيگە كوتەرگەنىن, قول جەتكەن ۋاعدالاستىقتاردى جۇزەگە اسىرۋ تۇرعىسىنان ەكى ەل ۇكىمەتتەرىنىڭ بۇگىندە بەلسەنە جۇمىس ىستەپ جاتقانى سونىڭ ايعاعى ەكەنىن اتاپ ءوتتى.
مەملەكەت باسشىسى بۇگىنگى ءسامميتتىڭ تاقىرىبى يادرولىق قارۋ سىناعىنان زارداپ شەككەن ەكى ەل حالقىنا دا جاقىن ەكەنىنە, سول سەبەپتى قازاقستان مەن جاپونيانىڭ جاھاندىق انتيادرولىق قوزعالىستاعى ۇستانىمدارىنىڭ دا ۇقساس ەكەنىنە نازار اۋداردى.
نۇرسۇلتان نازارباەۆ پەن قازاقستان حالقىن جاپونيا پرەمەر-ءمينيسترى الداعى تاۋەلسىزدىكتىڭ 25 جىلدىعىمەن جانە پارلامەنت ءماجىلىسى سايلاۋىنىڭ تابىستى وتۋىمەن قۇتتىقتادى.
سيندزو ابە قازاقستان-جاپونيا بايلانىستارىنىڭ بەلسەندىلىگى ارتىپ كەلە جاتقانىنا دا ريزاشىلىق ءبىلدىردى.
ايان ءابدۋالي.
دەرەك, فوتو: akorda.kz.
