قوعامدىق كومەكشىلەر ينستيتۋتى ەنگىزىلدى

وبلىس اكىمىنىڭ قوعامدىق كومەكشىلەرى ينستيتۋتى ءوڭىر باسشىسى بەردىبەك ساپارباەۆتىڭ باستاماسىمەن ەنگىزىلىپ وتىر. قوعامدىق كومەكشىلەردىڭ باستى ماقساتى وبلىس باسشىسى مەن تۇرعىندار اراسىنداعى بايلانىستى كۇشەيتۋ, تۇرعىنداردى مازالايتىن ماسەلەلەر مەن اۋىل-ايماقتارداعى جاعدايلار جونىندە وبلىس باسشىسىن اقپاراتتاندىرۋ بولىپ تابىلادى. وبلىس اكىمىنىڭ كومەكشىلەرى, سونىمەن بىرگە, تۇرعىنداردى قابىلداپ, كەزدەسۋ بارىسىندا كەلىپ تۇسكەن اقپاراتتاردى وبلىس اكىمدىگىنە جەتكىزىپ وتى­رادى. «ءبىز اۋدان اكىمدەرى ۇسىن­عان مالىمەتتەرگە سەنەمىز, الاي­دا ولار وزدەرىنە ءتيىمدى ءمالى­مەت­تەردى بەرەدى. ال سىزدەردىڭ ءمىن­­دەت­تەرىڭىز – وبلىس باسشىسىن شىنايى جاعدايدان حاباردار ەتىپ وتىرۋ. اسىرەسە, ءبىلىم بەرۋ, مەديتسينالىق قىزمەت كورسەتۋ, نەگىزگى ازىق-ت ۇلىك تۇرلەر­ىنىڭ باعاسى, اۋىل شارۋا­شى­لىعىن دامىتۋ سەكىلدى الەۋ­مەتتىك سالا­لارعا نازار اۋدارۋ­لارى­ڭىزدى سۇراي­مىن», – دەپ اتاپ ءوتتى بەردىبەك ماشبەك ۇلى. ايماق باسشىسىنىڭ كومەك­شىلەرى قاتارىندا اقتوبە وبلى­سى­نىڭ 12 اۋدانىنىڭ بەدەلدى وكىل­دەرى بار, ولار – ايماقتىڭ الەۋ­­مەتتىك-ەكونوميكالىق دامۋى­­نا ۇلەس قوسقان, قوعام ءومى­رى­نە بەلسەندى ارالاسىپ جۇرگەن جاندار. ال ب.ساپارباەۆ ءوزىنىڭ قوعامدىق كومەكشىلەرىمەن كەزدەسىپ, ولارعا كۋالىكتەرىن تابىس ەتتى. سونىمەن, وبلىس اكىمىنىڭ العا اۋدانىنداعى كومەكشىسى بو­­لىپ قايرات قازماعامبەتوۆ, ءاي­­ت­ەكە بيدەن رىسقالي بوزبەتوۆ, باي­عانين اۋدانىنان يبراھيم ەرمەكباەۆ, ىرعىزدان نۇرقاسىم سارسەنباي ۇلى, قارعالى اۋدا­نىن­داعى كومەكشى امانعوس تولەۋوۆ, مارتوكتەن يرينا تسىبا, مۇعالجار اۋدانىنان ايت­­باي بەركىمباەۆ, تەمىر اۋ­دا­نىن­داعى كومەكشى بەرىك دان­دى­باەۆ, ويىل اۋدانىنان سان­سىز­­باي وتكەلباەۆ, قوبدادان جاۋعاشتى جۇماعاليەۆ, حرومتاۋ اۋدانىنان بەكبولات كەلباتىروۆ جانە شالقار اۋدانىنان يلياس رەزۆانوۆ بەكىتىلدى. ايتا كەتەرلىك جايت, قوعام­دىق كومەكشىلەردىڭ جۇمىس ءىس­تەۋى­نە ىڭعايلى بولۋ ءۇشىن ءبول­مە مەن تەلەفون, سونىمەن بىرگە, اۋدانداعى ەلدى مەكەندەرگە قاتى­ناۋىنا كولىك بەرىلەتىن بولا­دى. كومەكشىلەر اي سايىن اۋ­دان­­دار­داعى الەۋمەتتىك-ەكو­نو­مي­كا­لىق جانە قوعامدىق-ساياسي جا­ع­­دايدى جاقسارتۋ ءجونىن­دە ۇسى­­نىستارىن وبلىس باسشى­سى­مەن بولعان كەزدەسۋدە جەتكىزىپ وتىرماق. حالىق پەن ايماق باسشىسى اراسىنداعى التىن كوپىر بولعالى تۇرعان قوعامدىق كومەكشىلەرگە جاۋاپتى دا ابىرويلى مىندەت جۇكتەلىپ وتىر. وسى ارقىلى جەر­گىلىكتى بيلىك وزەكتى ماسەلە­لەردىڭ قوردالانىپ قالماي, تەز شەشىمىن تابۋىنا جول اشپاق. سونداي-اق, جەرگىلىكتى بيلىك پەن حالىقتىڭ اراسىنداعى باي­لانىستى بۇرىنعىدان گورى دە نىعايتۋ كوزدەلۋدە.  ساتىبالدى ءساۋىرباي, «ەگەمەن قازاقستان». اقتوبە وبلىسى.