يمپورت كولەمى كەمىپ كەلەدى

«اتامەكەن» ۇلتتىق كاسىپكەرلەر پالاتاسى وتاندىق ءونىمدى ارتتىرۋ مەن ەلدەگى تاۋار وندىرۋشىلەرگە قولداۋ كورسەتۋ ماقساتىندا يمپورتتى الماستىرۋ ءتاسىلىن ۇسىنعان بولاتىن. وسى ورايدا ەل ەكونوميكاسىنا ايتارلىقتاي ۇلەس قوسۋعا باعىت العان بۇل باستامانىڭ بولاشاعى باياندى بولارىنا سەنىم مول. بۇل رەتتە اتالعان تىڭ ءتاسىل تۋرالى   پرەزيدەنت جانىنداعى ورتا­لىق كوممۋنيكاتسيالار قىز­مەتىندە ءباسپاسوز ءماسليحاتىن وتكىزگەن «اتامەكەن» ۇكپ باس­قارۋشى ديرەكتورى ەۆگەني بول­گەرت تىلشىلەر قاۋىمىنا ءبىر­قاتار مالىمەتتەردى جەتكىزدى. بار­شاڭىزعا بەلگىلى, ەلباسى وڭدەۋ ونەركاسىبىن دامىتۋعا  ەرەكشە ءمان بەرىپ كەلەدى. ارينە, بۇل سالادا قازىرگى تاڭدا باسەكەلەستىك جوعارى, دەگەن ول ءارى قاراي پالا­تا تاراپىنان  وتاندىق ءونىم­­دەرگە  قولداۋ كورسەتۋ ءۇشىن يم­­پورت­تى الماستىرۋ بويىنشا جۇ­مىستاردىڭ جۇرگىزىلىپ جات­قاندىعىن حابارلادى. سونىمەن قاتار, ۇلتتىق پا­لا­تانىڭ ساراپشىلىق قىز­مەتى­نىڭ ارقاسىندا قازاقستاندىق كومپانيالار بەلگىلى ءبىر تاۋار توپتارىن يمپورتتاماي, ونى قازاقستانداعى وتاندىق ءون­دىرۋشىلەردەن الۋ مۇمكىندىگىنە يە بولماق. بۇل رەتتە جاسالعان تالداۋ بارىسىندا ەلىمىزدە يمپورت ورنىن الماستىراتىن 150 تاۋار بەلگىلەندى. ونىڭ ىشىندە مەتاللۋرگيا, ماشينا جاساۋ, حيميا, قۇرىلىس ماتە­ريالدارىن ءوندىرۋ, جەڭىل ونەر­­­­كاسىپ پەن  تاعام, قاپتاۋ, جيھاز, اعاش وڭدەۋ سەكىلدى وڭدەۋ ونەركاسىبىنىڭ بىرنەشە سالا­­سىنا تالداۋ جاسال­دى. جانە دە ەۆگەني بول­گەرت­تىڭ ايتۋى بويىنشا, ەلى­مىز­دە قۇرىلىس سالاسىندا يم­پورت كولەمىنىڭ ۋاقىت ساناپ ازايىپ كەلە جاتقاندىعى كوڭىل قۋانتادى. وسى ورايدا قۇرىلىس جۇمىستارىنا وتاندىق قۇرىلىس ماتەريالدارىنىڭ 74%-ى قول­­دانىلاتىنى بەلگىلى بولدى. ال وسى سالانىڭ العا جىلجۋىنا زور سەپتىگىن تيگىزىپ وتىرعان ءىرى قۇرىلىس سالۋشىلار مەن وتاندىق وندىرۋشىلەردىڭ جۇيەلى جۇمىستارىن ايتا كەتۋ كەرەك. سونداي-اق, ەلىمىزدە تاماق ونەر­كاسىبى بويىنشا 2000-عا جۋىق كاسىپورىن جۇمىس ىستەۋدە. تاعام ونىمدەرىمەن ەلىمىز  80% قامتاماسىز ەتىلىپ وتىر. ال قالعان 20%-ى ءبىزدىڭ ەلدە ءوندى­رىلمەيتىن, ياعني ەكزوتيكالىق ونىمدەر بولىپ تابىلادى. سونى­­مەن قاتار, بۇگىنگى تاڭدا تابيعي, تازا ونىمدەرگە سۇرانىس ارتۋدا. قىتاي نارىعى ءبىزدىڭ ەت ونىمدەرىنە, وسىمدىك مايلارىنا سۇرانىس جاساپ وتىر. الداعى ۋاقىتتا پالاتا تاراپىنان  ءوز نارىعىمىزدى تولىق قامتاماسىز ەتۋ بويىنشا جانە وتاندىق ونىمدەردى ەكسپورتقا شىعارۋ باعىتىندا جۇيەلى جۇمىستار جۇرگىزىلمەك. ەلميرا ماتىباەۆا, «ەگەمەن قازاقستان».