كەمشىلىكتەرمەن كۇرەسەر كەلەلى كەڭەس

ەلدەگى مەملەكەت ەسەبىنەن جاتىپىشەر ارامتاماقتارعا, سۇرقيا سىبايلاسقان جەمقورلارعا قارسى باعىتتالعان كۇرەس كۇننەن-كۇنگە قاناتىن كەڭ جايىپ, كۇشىنە ەنىپ كەلەدى. بۇل ورايدا سىبايلاس جەمقورلىققا قارسى كۇرەستى كۇشەيتۋ تۋرالى ەلباسىنىڭ بەرگەن تاپسىرمالارىنا ساي ەل يگىلىگى ءۇشىن اتقارىلىپ جاتقان ىستەر بارشىلىق.  وسى جالپىحالىقتىق ارداقتى ىسكە دەم بەرۋدە جاڭادان قايتا قۇرىلىپ جاتقان قوعامدىق كەڭەستەردىڭ ورنى بولەك بولىپ تۇر. ماسەلەن, سونىڭ ءبىر ايعاعى رەتىندە مەملەكەتتىك قىزمەت ىستەرى مينيسترلىگىنىڭ جانىنداعى قوعامدىق كەڭەس جۇمىسىن ايتۋعا بولادى.  بۇل سوزىمىزگە ناقتى دالەل, كەشە وسى قوعامدىق كەڭەستىڭ كەزەكتى وتىرىسى ءوتتى. وعان «جاڭارۋ» سىبايلاس جەمقورلىققا قارسى جالپىۇلتتىق قوزعالىسى» رەسپۋبليكالىق قوعامدىق بىرلەستىگىنىڭ باسشىسى و.ابدىكارىموۆ توراعالىق ەتتى. اتالعان ءىس-شاراعا كەڭەس مۇشە­لەرى, مينيسترلىكتىڭ قۇرىلىمدىق ءبو­لىم­­شەلەرى, ۆەدومستۆوعا قاراس­تى ۇيىم­داردىڭ – قازاقستان رەس­پۋب­ليكاسى پرەزيدەنتى جانىنداعى مەملەكەتتىك باسقارۋ اكادەمياسىنىڭ, «مەملەكەتتىك قىزمەتتىڭ پەرسونالىن باسقارۋ ۇلت­تىق ورتالىعى» اق-تىڭ باسشىلارى دا قاتىستى. جينالىس بارىسىندا قوعامدىق كەڭەس مۇشەلەرى كوميسسيا قىزمەتىنىڭ نەگىزگى باعىتتارىن قالىپتاستىرۋ, اعىم­داعى جىلدىڭ جۇمىس جوسپارىنا وزگەرتۋلەر ەنگىزۋ بويىنشا جاڭا ماسەلەلەردى قاراستىرىپ, سونداي-اق, مينيسترلىكتىڭ قۇرىلىمدىق ءبو­لىمشەلەر مەن ۆەدومستۆوعا قاراستى ۇيىمداردىڭ قىزمەتىمەن تانىستى. ءماجىلىستىڭ قورىتىندىسى نەگىزىندە قوعامدىق كەڭەستىڭ نەگىزگى باعىتتارى بويىنشا تومەندەگىدەي: مينيسترلىكتىڭ ستراتەگيالىق ماقساتتارىن جۇزەگە اسىرۋ مەن بيۋدجەتتىك باعدار­لا­ما­لاردىڭ ورىندالۋى مونيتورينگى بو­يىنشا; مەملەكەتتىك قىزمەت پەن مەم­لەكەتتىك قىزمەت كورسەتۋ سالاسىن جە­تىلدىرۋ ماسەلەلەرى جونىندە;  سىبايلاس جەمقورلىققا قارسى ءىس-قيمىل ماسەلەلەرى بويىنشا مەملەكەتتىك ورگانداردىڭ قىزمەتىن تالداۋ جونىندە; ادەپ ەرەجەسى مەن ادەپ جونىندەگى ۋاكىل ماسەلەلەرى بو­يىنشا 4 كوميسسيا قۇرى­لىپ, بەكىتىلدى. اتالعان كوميسسيا توراعالارى بولىپ مەملەكەتتىك قىزمەت سالاسىنا ەڭبەگى سىڭگەن ارداگەر قارابولات نۇر­تازين, پرەزيدەنت جانىنداعى مەملەكەتتىك باسقارۋ اكادەمياسى مەملەكەتتىك باسقارۋ مەن مەملەكەتتىك قىزمەت كا­فەدراسىنىڭ پروفەسسورى زينايدا فەدوتوۆا, پارلامەنت سەناتىنىڭ دەپۋتاتى گەورگي كيم جانە قازاق گۋمانيتارلىق-قۇقىق ۋنيۆەرسيتەتىنىڭ پروفەسسورى, پرە­زيدەنت جانىنداعى راقىمشىلىق جاساۋ كوميسسياسىنىڭ مۇشەسى تولەش كاۋدىروۆ تاعايىندالدى. وتىرىستا كەڭەس مۇشەلەرى «ادەپ جونىندەگى ۋاكىلدىڭ قىزمەتىنىڭ كەيبىر ماسەلەلەرى تۋرالى» بۇيرىق جوباسىن تالقىلادى. قازىرگى تاڭدا بارلىق ورتالىق مەملەكەتتىك ورگانداردا جانە وبلىس اكىمدىكتەرىندە ادەپ جونىندەگى ۋاكىلدەر تاعايىن­دالعان, ولار مەملەكەتتىك قىزمەتشىلەردىڭ مورالدىق-ادەپتىلىك نورمالارىن ساقتاۋىن قاداعالاۋعا مىندەتتەلگەن. ادەپ جونىندەگى ۋاكىلدەرگە مەملەكەتتىك قىزمەتشىلەرگە مەملەكەتتىك قىزمەت سالاسىنداعى زاڭناماسىنىڭ تالاپتارىن ساقتاۋ ماسەلەلەرى بويىنشا كونسۋلتاتسيالىق كومەك كورسەتۋ­گە, مەملەكەتتىك قىزمەتشىلەردىڭ قۇ­قىق­­­تارى مەن زاڭدى مۇددەلەرىن قور­عاۋعا جانە ۇجىمداعى مورالدىك-پسي­حولوگيالىق جاعدايدى زەرتتەۋگە قۇ­زىرەت بەرىلگەن. قوعامدىق كەڭەسكە ءوز دارەجەسىندە جۇمىس جاساۋدى قام­تاماسىز ەتۋ ماقساتىندا, سونداي-اق, كەڭەس مۇشەلەرى بەكىتىلگەن كەستەگە ءساي­­­كەس, اپتا سايىن ازاماتتارمەن جەكە قابىلداۋ وتكىزۋ ءۇشىن  مينيسترلىك تاراپىنان ارنايى بولمە ءبولىندى. مينيسترلىك جانىنداعى قوعامدىق كەڭەستىڭ قۇرىلۋ ماقساتى – بارلىق دەڭگەيدەگى مەملەكەتتىك ورگانداردىڭ شەشىم قابىلداۋ ۇدەرىسىندە كوممەر­تسيالىق ەمەس ۇيىمداردىڭ جانە جەكە ازاماتتاردىڭ كەڭىنەن قاتىسۋىن قام­تاماسىز ەتۋ, حالىق الدىندا ەسەپ بەرۋشى مەملەكەتتى قالىپتاستىرۋ سايا­­ساتىن جۇزەگە اسىرۋ بولىپ تابىلادى. ال كەڭەستىڭ العاشقى وتىرىسى اعىمداعى جىلدىڭ 29 اقپاندا ءوتىپ, ونىڭ توراعاسى, حاتشىسى جانە پرە­زيديۋم قۇرامى سايلانعان بولاتىن. الەكساندر تاسبولاتوۆ, «ەگەمەن قازاقستان».