ايلىق باستالدى

كەشە ۇلتتىق اكادەميالىق كى­تاپ­­­حانادا «بۇل كىتاپ الەمى...» ات­تى كىتاپ ايلىعىنا ارنالعان باس­پاسوز كونفەرەنتسياسى بولىپ ءوتتى. اتالمىش شارا مادەنيەت جانە سپورت مينيسترلىگىنىڭ قولداۋىمەن ۇلت جوسپارى «100 ناق­تى قادام: بارشاعا ارنالعان قازىر­گى زامانعى مەملەكەت» بولاشاعى ءبىرتۇتاس ۇلت» باعىتىن جۇزەگە اسىرۋ جونىندەگى ءىس-شارالار اياسىندا جانە حالىقارالىق بالالار كىتابى كۇنى مەن بۇكىلالەمدىك كىتاپ جانە اۆتورلىق قۇقىق كۇنىنە وراي وتكىزدى. ونىڭ نەگىزگى ماقساتى – كىتاپتىڭ, مادەنيەت پەن ءبىلىمنىڭ ءمان-ماڭىزىن ءتۇسىندىرىپ, عالىمداردىڭ ەڭبەكتەرىن, قالامگەرلەردىڭ شىعار­ماشىلىعى مەن كىتاپ مەرەيتويلارىن ناسيحاتتاۋعا ۇندەيدى. – ۇلتتىق اكادەميالىق كىتاپحانادا 62 ءىس-شارا وتكىزىلەدى دەپ جوسپارلانىپ وتىر. ولاردىڭ ىشىندە 21 كىتاپ جانە ۆيرتۋالدى ەكسپوزيتسيالاردان كورمەلەر, ابايتانۋشى, شاكارىمتانۋشى, اقىن, جازۋ­شى, دراماتۋرگ, قازاق قسر ءانۇرانى ءسوزى  اۆتورلارىنىڭ ءبىرى قايىم مۇحامەدحانوۆتىڭ 100 جىل­دىق مەرەيتويىنا بايلانىس­تى «الاش مۇراسىنىڭ كوزى» تاقىرى­بىنداعى ەسكە الۋ كەشى, «ادەبي مەيمانجايداعى» زيالى قاۋىممەن وقىرمانداردىڭ كەزدەسۋى, كىتاپ مەرەيتويلارى – جۇسىپبەك ايماۋىتوۆتىڭ «قارتقوجا» روما­نىنىڭ (90 جىل), اكىم تارازيدىڭ «قۇيرىقتى جۇل­دىز» (50 جىل) پوۆەسىنىڭ, ءانۋار ءالىمجانوۆتىڭ «سۋۆەنير يز وتىرارا» (50 جىل) پوۆەسىنىڭ بەنەفيسى, «تاۋەلسىز قازاقستان ەنتسيكلوپەدياسى» ين­تەر­نەت-جوباسىنىڭ تۇساۋكەسەرى, 3 عىلىمي ءدارىس, سونىڭ ىشىندە «ءسوز­دىكتەر جانە سوزدىك جۇمىسىنىڭ دامۋى» تاقىرىبىنداعى ءدارىس, «مە­نىڭ سۇيىكتى شىعارمام» اتتى كىتاپ كونفەرەنتسياسى, «مەنىڭ ءومىرىمدى وزگەرتكەن كىتاپ» وقىرمان بەنەفيسى, بالالار كىتابى اپتالىعى, «ءداۋىر جانە تۇلعا. ز. شاشكين – جازۋشى, دارىگەر, دراماتۋرگ» تاقىرىبىنداعى دوڭگەلەك ۇستەل, حالىقارالىق بالالار كىتابى كۇنىنە بايلانىستى استانا قالاسىنداعى حەيليبەري استانا حالىقارالىق ۇلىبريتانيا مەكتەبىنىڭ ادەبي فەستيۆالى, ت.ب. بار. وسىلاردىڭ بارلىعى كىتاپ ايلىعىنىڭ اياسىندا وتەتىن شارالار, – دەدى العاش بولىپ ءسوز العان ۇلتتىق اكادەميالىق كىتاپحانانىڭ باسشىسى ءۇمىتحان مۇڭالباەۆا. سونداي-اق, جيىنعا اكادەميك, «ءبىر ەل – ءبىر كىتاپ» اكتسياسىن ۇيىم­داستىرۋ كوميتەتىنىڭ توراعاسى عا­ري­فوللا ەسىم, جازۋشى, فيلولوگيا عىلىمدارىنىڭ دوكتورى, پروفەس­سور تۇرسىن جۇرتباي, جازۋشى تولىمبەك ءابدىرايىم ۇلى قاتىسىپ, باستامانىڭ قادامىنا ساتتىلىك تىلەپ, ءوز ۇسىنىستارىن دا ورتاعا سالدى. راۋان قايدار, «ەگەمەن قازاقستان».