ماتەماتيكتەر

فۋتبول ەرەجەسى ادىلەتسىز جاسالعان دەپ ەسەپتەيدى عالىمدار وتكەن عاسىردىڭ 70-شى جىلدارىنىڭ باسىندا ەنگىزىلگەن ويىننان كەيىنگى پەنالتي پروتسەدۋراسىن مۇلدەم ادىلەتسىز, ال ونىڭ ناتيجەسى كۇتپەگەن جايتتارعا بارىنشا تولى دەگەن تۇجىرىمعا قازىق بايلاپ وتىر. سوندىقتان دا نيۋ-يورك جانە مااستريحت ۋنيۆەرسيتەتتەرىنىڭ مامان­دارى پەنالتيدىڭ فۋتبول ماتچىنىڭ قورىتىندى ەسە­بىنە مەيلىنشە از اسەر ەتۋگە الىپ باراتىن ەرەجە ويلاپ شىعاردى. ويىننىڭ تەورياسى سالا­سىنداعى ساراپشى, پروفەسسور ستيۆەن برامس ماتچتان كەيىن بەلگىلەنەتىن ون ءبىر مەتر­لىك سوققىلاردى ورىنداۋ ەرەجەسىنىڭ ءداستۇرلى جۇيە­سىنىڭ مۇنى قاي كوماندانىڭ ءبىرىنشى بولىپ ورىنداي­تىنىن, وسى ارقىلى ولاردىڭ قايسىسىنىڭ ۇتىپ شىعاتىنىن دا انىقتاپ بە­رەتىنىن العا تارتادى. ءدا­لىرەگى, مۇنى جەرەبە شەشەدى. الايدا, سوققىنى باستايتىن كوماندانىڭ بۇكىل سەريا بويىنا دوپقا ىلعي ءبىرىن­شى بولىپ كەلىپ تۇراتىن بولعاندىقتان, تۇپتەپ كەلگەندە, پسيحولوگيالىق جاعى­نان ارتىقشىلىققا قول جەت­كىزۋ ارقىلى 60 پايىزدىق جاعدايدا جەڭىسكە جەتەتىنى دە بەلگىلى بولىپ وتىر. برامس پەن يسمايلدىڭ پىكىرلەرىنشە, 1990, 1998 جانە 2006 جىلدارعى الەم چەم­­پيوناتتارى كەزىندە ءوز­دەرى ويلاپ تاپقان وسى ەرەجە قولدانىلعاندا, انگليا قۇراماسى جارىس جولىنان كۇنى بۇرىن شىعىپ قالماعان بولار ەدى. وسىلاردىڭ بارىندە دە اعىلشىن فۋتبولشىلارى پەنالتيدەن وتە الماعان. جانە سولاردىڭ بارىندە دە ولار ەكىنشى بولىپ ون ءبىر مەتر­لىك سوققىلار جاساپ تۇر­عان. ماتەماتيكتەر پەنالتيدە وسىنداي ەسەپ-ەرەجەنىڭ كوپ نارسەنى شەشىپ كەتەتىنىنە يمانداي سەنىپ وتىر. دامير قوجامقۇل.