«قارا ريەلتوردىڭ» ءىسى سوتقا جەتتى

قازىر جىلجىمايتىن م ۇلىكپەن ساۋدا جاسايتىندار اراسىندا اڭقاۋلاردى الداپ سوعاتىندار ءجيى كەزدەسەدى. پاتەرىن سونداي الاياق­تار سىرتتاي ساتىپ جىبەرگەن زەي­نەتكەر تاتيانا دەرەۆيانكو ءبۇ­گىندە زاڭنامالىق تەرميندەردى ءبىر زاڭگەردەي-اق بىلەتىن بولدى. بىلمەگەندە امالى قانشا, باسىنداعى باسپاناسىنان ايىرىلىپ قالىپ, سوڭعى ەكى جىلدان بەرى شاقشاداي باسى شاراداي بولىپ, بارماعان جەرى, كىرمەگەن ەسىگى قالماعان. ونىڭ 2014 جىلدان بەرى ءۇيى جوق دەۋگە كەلەدى. ءىستىڭ قالاي وربىگەنىن جابىرلەنۋشىنىڭ ءوزى دە ءالى ءتۇسىندىرىپ بەرە المايدى. ول پاتەرىنىڭ ساتىلىپ كەتكەنىن قولىندا دالەلدى قۇجاتتارى بار پاتەردىڭ جاڭا يەلەرى كەلىپ, «ۇيدەن شىق» دەگەندە ءبىر-اق بىلگەن. ەڭ قىزىعى, ساتۋ-ساتىپ الۋ جونىندەگى كەلىسىم قۇجاتىنا تاتيانا دەرەۆيانكو قول قويىپتى. – نوتاريۋس بەردى دەگەن سەنىم­حات ساراپتامادان وتكىزىلدى. ساراپ­تاماسىز-اق مەنىڭ قولىم ەمەس ەكە­نى كورىنىپ تۇر, – دەيدى تاتيانا دەرەۆيانكو. الاياق ريەلتورلار ويلاعانداي, باس­پاناسىز قالعان زەينەتكەر اۋزى اڭقيىپ قالا بەرمەدى. شىندىققا جەتۋ ءۇشىن تاباندىلىقپەن سوڭىنا ءتۇستى, ەكى جىلدان بەرى تەرگەۋ امالدارى جۇرگىزىلدى. وسى ۋاقىت ىشىندە تەرگەۋشى 5 رەت اۋىستىرىلدى. جابىرلەنۋشى بۇگىندە ءىستىڭ سوتقا جەتكەنىنە «وتىرىك پە, شىن با» دەپ, شۇكىرشىلىك ەتىپ وتىر. جاقىندا پوليتسەيلەر كۇدىكتىنى قولعا ءتۇسىردى. پاتەر ساتۋدىڭ ايلالى جولىن جاساعان الاياق راحات قۇتلىمۇراتوۆ دەگەن جاس جىگىت ەكەن. وعان بەس ءتۇرلى قىلمىستىق ايىپ تاعىلدى. ارىن بەلىنە بۋعان بەيباقتان الاياقتىق تا, بۇزاقىلىق تا, قاراقشىلىق تا قالماپتى. جالعىزىلىكتى زەينەتكەردىڭ ادال ماڭ­دايتەرىمەن تاپقان باسپاناسىن ولجا­لاعان الاياق جالعىز ەمەس ەكەن. ونىڭ ەكى سىبايلاسى دا ەندى سوت الدىندا جاۋاپ بەرەتىن بولادى. ءنازيرا جارىمبەتوۆا, «ەگەمەن قازاقستان». قوستاناي.