نارىكباەۆ كىتاپحاناسىندا – ءبىلىم ءنارى

قازاق تاريحىندا ەلەۋلى ەڭبەك ءسىڭىرىپ, تۋعانىنا ەل قۋانعان, رۋحىنا جەر قۋانعان تۇعىرلى تۇلعالار از ەمەس. سونداي اسىل ازاماتتاردىڭ ءبىرى بولعان, قازاق گۋمانيتارلىق زاڭ ۋنيۆەرسيتەتىن باسقارعان, زاڭ عىلىمدارىنىڭ دوكتورى – ماقسۇت نارىكباەۆ. ول كىسى جايلى جازىلعان ما­قالا دا, اقپارات تا, ەرەن ەڭبەگى ءۇشىن العان اتاق-داڭقى دا جەتەرلىك. دەگەنمەن, وسى ءۇر­دىستى ۇزبەي جاقسىنىڭ اتى جات­تالا بەرسىن دەگەن نيەتپەن قازاق گۋمانيتارلىق زاڭ ۋني­ۆەرسيتەتىندە ماقسۇت سۇل­تان ۇلىنىڭ اتىنا بەرىلگەن كىتاپحانانىڭ اشىلۋ سالتاناتى بولدى. كىتاپحانا بىرنەشە زالدان تۇرادى. ولاردىڭ ىشىندە, ەلەكتروندى قورلار زالى, شەتەل ادەبيەتى زالى, كىشى وقۋ زالى, مەرزىمدى باسىلىمدار زالى, پروفەسسور م.س.نارىكباەۆتىڭ جەكە كىتاپحاناسى زالى, امبەباپ وقۋ زالى, سيرەك جانە قۇندى كىتاپتار زالى, نورماتيۆتىك-قۇقىقتىق ادەبيەتتەر زالى, عىلىمي ادە­بيەتتەر زالى بار. ءار زالدىڭ وزىنە ءتان ەرەكشەلىگى دە جوق ەمەس. مىسالى, سيرەك جانە قۇندى كىتاپتار زالى ەنتسيكلوپەديالار­دان, سونىمەن قاتار, كوركەم, عى­لىمي, بيبليوگرافيالىق, پولي­­گرافيالىق نەمەسە وزگە دە قۇن­دىلىعىمەن ەرەكشەلەنەتىن اۆتورلىق قولتاڭبالار قويىلعان كىتاپ­تاردان تۇرادى. ال شەت ەل ادە­بيەتى زالىنا انىق­تامالىق باسىلىمدار, ەنتسي­كلوپەديالار, سوزدىكتەر, اعىلشىن تىلىندەگى جۋرنالدار قويىلعان. قۇ­قىق­تانۋ, الەۋمەتتىك عىلىمدار, فيلوسوفيا, ءدىن, ەكولوگيا, ەكونوميكا, اعىلشىن ءتىلىن زەرتتەۋ مەن وقىتۋدىڭ ادىستەمەسى, ونەر, ادەبيەت, تاريح سياقتى سان سالالى عىلىمدار جايلى ما­ڭىزدى ماعلۇماتتاردى دا وسى زالدان كەزدەستىرۋگە بولادى. پرو­فەسسور م.نارىكباەۆتىڭ جە­كە كىتاپحاناسى زالىندا ول كىسى­نىڭ ءار جىلدارى جارىق كورگەن كىت­اپتارى, مەرزىمدى باسىلىمدار مەن جيناقتاردا جاريالانعان ما­قالالارى توپتاستىرىلعان. سونداي-اق, عالىمنىڭ جەكە كىتاپ­حانالىق قورى ەلەكتروندى كاتالوگقا, «NAR TULGA» ءمالى­مەتتەر بازاسىنا ەنگەن. قوناق ابونەمەنتىن پايدالانا وتىرىپ, استانا قالاسىنىڭ بارلىق تۇرعىندارى اتالمىش كىتاپحانانىڭ وقىرمانى اتانا الاتىنىن ەستەرىڭىزگە سالامىز. راۋان قايدار, «ەگەمەن قازاقستان».