«اقبوبەك»

– جاس تالانتتاردى تالپىندىرعان بايقاۋ «اقبوبەك» بالالار ور­تالىعىندا وسى اتتاس كوم­پانيانىڭ ۇيىمداس­تىرۋى­مەن بيىل «اقبوبەك – ءىىى» رەسپۋبليكالىق بالالار شىعارماشىلىعى بايقاۋى وتكىزىلدى. قازاقستان رەسپۋب­ليكاسىنىڭ 25 جىلدىعىنا ارنالعان بۇل بايقاۋدا استانا قالاسىنان, قىزىل­وردا, اتى­راۋ, ماڭعىستاۋ, باتىس قازاقستان جانە اقتو­بە وبلىس­تارىنان دارىندى بالالار باق سىنادى. 985 بالا قاتىسىپ, ءۇش كۇنگە سوزىلعان بايقاۋ ۆوكال, مۋزىكالىق اسپاپتاردا ويناۋ, حورەوگرافيا, شىعارما جازۋ, مانەرلەپ وقۋ جانە سۋرەت سالۋ نوميناتسيالارى بويىنشا, جاس ەرەكشەلىكتەرىنە قاراي ءۇش توپتا وتكىزىلدى. بايقاۋ نەگىزىنەن «اقبوبەك» رەسپۋبليكالىق بالالار گازەتىنىڭ وقىرماندارى اراسىندا ۇيىمداستىرىلدى. «شىعارما» نوميناتسياسى بويىنشا باس جۇلدەگە كىشى توپ بويىنشا اقتوبە وبلىسى تەمىر اۋدانى كەڭەستۋ ورتا مەكتەبىنىڭ 3-سىنىپ وقۋشىسى اقداۋلەت كوشكىنباەۆ, ورتا توپ بويىنشا شالقار اۋدانى №1 مەكتەپ-گيمنازيا وقۋشىسى جانساۋلە قا­ناتوۆا, جوعارى توپ بويىنشا تەمىر اۋدانىنداعى اباي اتىنداعى ورتا مەكتەپتىڭ 8-سىنىپ وقۋشىسى البينا ارعىنباي يە بولدى. «سۋرەت» نوميناتسياسىن­دا جۇلدەلى 1-ورىندى كىشى توپ بويىنشا اقتوبە قالا­سىنداعى №45 ورتا مەك­تەپتىڭ وقۋشىسى ءادىلجان باشيموۆ, ورتا توپ بويىنشا №3 ورتا مەكتەپتىڭ وقۋشىسى ءادىلحان دۋلات, جوعارى توپ بويىنشا قارعالى ونەر مەكتەبىنىڭ وقۋشىسى اقدانا باقىتقاليەۆا جەڭىپ الدى. «حورەوگرافيا» نومينا­تسياسى بويىنشا باس جۇلدە اقتاۋ قالاسىنان كەلگەن اياۋ­لىم قاناتقاليعا جانە اقتوبە قالاسىنىڭ «مەگا-ستارس» حالىقتىق بي انسامبلىنە بەرىلدى. دومبىرادان باس جۇلدەنى اتىراۋ وبلىسىنان كەلگەن ماديار جاسانباەۆ, قوبىزدان اقتوبەلىك ايكۇن شانوۆا, بايان, اككوردەون­نان اقتوبەلىك كاميل اب­دۋل­زاليەۆ, فورتەپيانودان اناس­تاسيا كيريچەنكو, فلەيتادان باس جۇلدەنى اقتو­بەلىك ديانا ءداۋىتوۆا ولجالادى. مانەرلەپ وقۋدان باس ءجۇل­دەنى اتىراۋلىق ءاديا نۇري­دەن, ءداستۇرلى اننەن اتى­راۋ­لىق اسەلحان بەلگى جەڭىپ الدى. ءوز توبىندا بيدەن باس جۇلدەگە يە بولعان تاعى ءبىر اتىراۋلىق وقۋشى ارايلىم مولداشەۆا «اققۋ» ءبيىن ادەمى بيلەپ شىققانىن جەتكىزدى. اتىراۋ قالاسىنداعى اعىل­شىن ءتىلىن تەرەڭدەتىپ وقى­تاتىن تەحنيكالىق گيمنا­زيانىڭ بەسىنشى سىنىبىندا وقيتىن ارايلىم بولاشاقتا دارىگەر بولعىسى كەلەتىنىن جاسىرمادى, بىراق, ونەردى جانىنا سەرىك ەتەتىنىن ايتتى. ول بي بيلەۋمەن بىرگە دوم­بىرادا دا جاقسى وينايدى ەكەن. وسى بايقاۋعا قاتىسقان ءار بالانىڭ بويى­نان وسىنداي ونەرگە دەگەن قىزىعۋشىلىقتى اڭعارۋعا بولادى. مۇنى بايقاۋدى ۇيىم­داستىرۋشىلار دا اتاپ ءوتتى. بايقاۋ بارىسىندا «اقبو­بەك» رەسپۋبليكالىق گازەتىنە جازىلۋشىلار اراسىندا ۇيىمداستىرىلعان ۇتىس ويىنى قورىتىندىلاندى.بايقاۋ جەڭىمپازدارى مەن جۇلدەگەرلەرىنە «اقبوبەك» كومپانياسى دايىنداعان ديپلومدار مەن ەسكەرتكىش سىيلىقتار تاپسىرىلدى. ساتىبالدى ءساۋىرباي, «ەگەمەن قازاقستان». اقتوبە وبلىسى.