وزەكتى قۇجات

جوعارعى سوتتىڭ جالپى وتىرىسىندا سوتتاردىڭ بالا اسىراپ الۋ تۋرالى زاڭنامانى قولدانۋ پراكتيكاسى تالقىلاندى جوعارعى سوت توراعاسى قايرات ءمامي كەزەكتى جالپى وتىرىس وتكىزدى. ءىس-شاراعا جوعارعى سوتتىڭ سوت القا­لارىنىڭ توراعالارى مەن سۋديالارى, عىلىمي-كون­سۋلتاتيۆتىك كەڭەس مۇشەلەرى, كونستيتۋتسيالىق كەڭەستىڭ, باس پروكۋراتۋرانىڭ, ادىلەت مينيسترلىگىنىڭ, سونداي-اق, ءبىلىم جانە عىلىم مينيسترلىگىنىڭ وكىلدەرى قاتىستى. جالپى وتىرىستىڭ كۇن ءتار­تى­بىندە «سوتتاردىڭ بالا اسىراپ الۋ تۋرالى زاڭنامانى قولدانۋ پراكتيكاسى تۋرالى» جوعارعى سوتتىڭ نورماتيۆتىك قاۋلىسىنىڭ جوباسى مەن سوت ءجيۋريىنىڭ رەگلامەنتىن بەكىتۋ تۋرالى ەكى ماسەلە قارالدى. جوعارعى سوت توراعاسى نور­ما­تيۆتىك قاۋلىنىڭ جوباسىنا توقتالا كەلە, سوتتاردىڭ بالا اسىراپ الۋ تۋرالى زاڭنامانى قولدانۋ پراكتيكاسى تۋرالى ماسەلە وتە ماڭىزدى ءارى وزەكتى بولىپ تابىلاتىندىعىن اتاپ ءوتتى. ول قازاقستاندا بالالاردىڭ قۇ­قىقتارى مەن مۇددەلەرىن قور­عاۋ بويىنشا قۇقىقتىق جانە ۇيىم­­داس­تىرۋشىلىق مىزعى­ماس با­زا قۇرىلعانىن, وسى ماسە­لەگە قا­تىستى, سونىڭ ىشىندە با­لا اسى­راپ الۋ بويىنشا حالىق­­ارا­لىق نەگىزگى اكتىلەردىڭ راتي­في­كا­تسيا­لانعاندىعىن ايتتى. «قازاقستان-2050» ستراتە­گيا­سىندا انا مەن بالانى قورعاۋ مەم­لە­كەتىمىزدىڭ الەۋمەتتىك ساياساتى­نىڭ ماڭىزدى قۇرامداس بولىگى رە­تىندە بەلگىلەنگەن. «پرەزي­دەنت باسەكەگە قابىلەتتى بولاشاق ۇلت­تى قالىپتاستىرۋ ماسەلە­لەرىنە ايرىق­شا نازار اۋدارىپ كەلەدى. ەلبا­سىنىڭ وكىمىمەن ەلىمىز­دىڭ تاري­حىندا تۇڭعىش رەت بالا قۇ­قىق­تارى جونىندەگى ۋاكىل تاعايىندالدى», – دەدى جوعارعى سوت توراعاسى. ق.ءمامي تالقىلانىپ وتىرعان نور­ماتيۆتىك قاۋلىنىڭ جوباسى دەر كەزىندە ازىرلەنگەن ءارى وزەكتى قۇ­جات ەكەندىگىن اتاپ ءوتتى. ونىڭ پىكى­رىنشە, قۇجات اتا-انانىڭ اسىراۋىنا بەرىلەتىن بالالاردىڭ قۇقىقتارى مەن مۇددەلەرىن سوتتا قورعاۋ ءۇشىن ماڭىزدى قۇرالعا اي­نا­لىپ, سۋديالارعا وسى سالاداعى جان-جاقتى تۇيىتكىلدى ماسەلەلەر بويىنشا دۇرىس شەشىم قابىلداۋعا كومەكتەسەدى. «سوتتاردىڭ بالا اسىراپ الۋ تۋرالى زاڭنامانى قولدانۋ پراكتيكاسى تۋرالى» جوعارعى سوتتىڭ نورماتيۆتىك قاۋلىسىنىڭ جوباسىن تانىستىرا كەلە, جوعارعى سوت سۋدياسى عاليا اققۋوۆا سوڭ­عى جىلدارى قازاقستاندىقتار اسى­راپ العان بالالاردىڭ سانى ايتار­لىق­تاي ارتىپ, كەرىسىنشە, شەتەل­دىك­تەردىڭ بالا اسىراپ الۋ قار­قىنى باسەڭ­دەگەندىگىن اتاپ ءوتتى. «باسىنان ءتۇرلى وقيعالار كەشكەن بالانىڭ تاعدىرى شەشىلەتىن ساتتە, بالا اسىراپ الۋ سەكىلدى وتە شەتىن ماسەلەدە سوتتىڭ سوڭعى شە­شىم قابىلداۋى ولاردان ءىس بويىنشا بارلىق ءمان-جايدى مۇقيات زەرت­تەۋدى تالاپ ەتەتىنى ءسوزسىز», – دەدى ع.اققۋوۆا. ول ىستەردىڭ اتالعان سانا­تى يۋۆەنالدىق سوتتاردىڭ سوت­تى­لىعىنا جاتاتىنىن جانە قازىرگى تاڭدا بۇل باعىتتا بەلگىلى ءبىر سوت پراك­تيكاسى قالىپتاسقاندىعىن اتاپ ءوتتى. نورماتيۆتىك قاۋلىنى قابىل­داۋعا زاڭناماعا ەنگىزىلگەن وزگە­رىستەر ىقپال ەتتى. ونىڭ جوباسى بالا اسىراپ الۋ بويىنشا نور­ماتيۆتىك بازانى قامتيدى, بالا اسىراپ الۋ تۋرالى ءوتىنىش بەرۋدىڭ ءتارتىبىن, بالا اسىراپ الۋ ءراسىمىن باستاۋعا قۇزىرلى ورگاننىڭ جازباشا كەلىسىم ۇسىنۋ جانە بالا اسىراپ الۋ تۋرالى ءوتىنىش بەرۋ بارىسىندا مەملەكەتتىك باج سالىعىن تولەۋ ءتارتىبىن تۇسىندىرەدى. جوبانى تالقىلاۋ بارىسىندا جوعارعى سوت سۋدياسى سارا جارمۇحامبەتوۆا, استانا قالالىق كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ ءتورايىمى  ءنا­­زيليا راززاق جانە ءبىلىم جانە عى­لىم مينيسترلىگىنىڭ بالا قۇقىق­تارىن قورعاۋ كوميتەتىنىڭ ءتورايىمى ءزابيرا ورازاليەۆا ءسوز سويلەدى. سوت ءجيۋريىنىڭ رەگلامەنتىن بەكىتۋ تۋرالى ەكىنشى ماسەلە بويىن­شا ءسوز سويلەگەن جوعارعى سوت سۋدياسى, سوت ءجيۋريىنىڭ توراعا­سى مورياك شەگەنوۆ بۇل رەگلامەنت اتالعان ينستيتۋت پەن ونىڭ كوميس­سيالارىنىڭ جۇمىسىن ۇيىمداس­تىرۋدى كوزدەيتىن ماڭىزدى نور­ماتيۆتىك قۇجات بولىپ تابىلا­تىن­دىعىن اتاپ ءوتتى. جالپى وتىرىسقا قاتى­سۋشىلار نورماتيۆتىك قاۋلى جوباسىن تال­قىلاي كەلە, وعان ءوز ۇسى­نىستارى مەن ەسكەرتۋلەرىن ەنگىزدى, سونداي-اق, سوت ءجيۋريىنىڭ رەگلا­مەنتىن بەكىتۋگە داۋىس بەردى. «ەگەمەن-اقپارات».