قازاقستان رەسپۋبليكاسى ۇكىمەتىنىڭ قاۋلىسى  №150

2016 جىلعى 18 ناۋرىز, استانا, ۇكىمەت ءۇيى «عارىشكەرلىككە كانديداتتىڭ, عارىشكەردىڭ جىل سايىنعى پروفيلاكتيكالىق تەكسەرىلۋىن, مەديتسينالىق جانە ساناتوريلىك-كۋرورتتىق ەمدەلۋىن قامتاماسىز ەتۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 8 مامىرداعى № 596 قاۋلىسىنا وزگەرىس ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «عارىشكەرلىككە كانديداتتىڭ, عارىشكەردىڭ جىل سايىنعى پروفيلاكتيكالىق تەكسەرىلۋىن, مەديتسينالىق جانە ساناتوريلىك-كۋرورتتىق ەمدەلۋىن قامتاماسىز ەتۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 8 مامىرداعى №596 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №48, 662-قۋجات) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن عارىشكەرلىككە كانديداتتىڭ, عارىشكەردىڭ جىل سايىنعى پروفيلاكتيكالىق تەكسەرىلۋىن, مەديتسينالىق جانە ساناتوريلىك-كۋرورتتىق ەمدەلۋىن قامتاماسىز ەتۋ قاعيدالارىندا: 8-تارماق مىناداي رەداكتسيادا جازىلسىن: «8. تۋا بىتكەن جانە جۇرە پايدا بولعان اۋرۋلاردان, سونداي-اق ءجىتى, سوزىلمالى اۋرۋلار مەن جاراقاتتاردىڭ سالدارىنان زارداپ شەگەتىن عارىشكەرلىككە كانديدات, عارىشكەر جانە ولاردىڭ وتباسى مۇشەلەرى دەنساۋلىق ساقتاۋ سالاسىنداعى ۋاكىلەتتى ورگان بەكىتكەن قاعيدالارعا سايكەس تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە قالپىنا كەلتىرۋ ەمىنە جانە مەديتسينالىق وڭالتۋعا جىبەرىلەدى.». 2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.