كۇن قۋاتىن قولدانۋعا كوشتى

ق.ا.ياساۋي اتىنداعى حقتۋ كەنتاۋ ينس­تيتۋتى كۇن ەنەرگياسىن تۇتىنۋدى باس­تادى. باسشىلىق بالاما ەنەرگيانى پايدالانۋداعى ەكسپەريمەنتتى العاش اسحانادان باستاپ وتىر. ياعني, مۇنداعى سۋ كۇننىڭ كۇشىمەن جىلىتىلۋدا. جاڭا جۇيە بۇگىندە ءوزىنىڭ تيىمدىلىگىن كورسەتۋدە. – تۇركيادا ءىسساپاردا بولعان كەزىمىزدە ونداعى بىرنەشە جوعارى وقۋ ورىندارىنىڭ وسىنداي تىڭ ءتاسىلدى قولداناتىنىن كورگەن بولا­تىنبىز. سول جوبالاردىڭ ۇلگى­لەرىن وزىمىزگە اكەلىپ, جاڭا تەحنو­لوگيانى جۇزەگە اسىرۋدا­مىز. الدىمەن اسحاناعا كۇننەن قۋات الاتىن اريستوندى ورناتتىق. ەندىگى كەزەكتە اۋلاداعى ستۋدەنت­تەردىڭ جۇرەتىن جولدارى مەن عيماراتتاردىڭ اينالاسىن جارىق­تاندىرۋ ىسىنە بالاما ەنەرگيانى قوسپاقپىز. جاتاقحانانىڭ جوعارى جاعىنا قويىلعان كۇن باتا­رەيالارى ارقىلى جارىق بەرى­لىپ, جۋىناتىن بولمەدەگى سۋ جىلىتىلاتىن بولادى. 2016 جىلدىڭ سوڭىنا, 2017 جىلدىڭ العاشقى جارتىجىلدىعىنا دەيىن جوسپارىمىز جۇزەگە اسادى – دەيدى ق.ا.ياساۋي اتىنداعى حقتۋ كەنتاۋ ينستيتۋتىنىڭ ديرەكتورى كامالبەك بەركىنباەۆ. كۇننەن قۋات جينايتىن قۇرىل­عىلار شەتەلدەردەن الدىرىل­عانىمەن, اپپاراتتى وقۋ ورنىنىڭ ستۋدەنت­تەرى قۇراستىرىپ, ورناتقان. مۇندا تۇركيادان كەلگەن مامان­دار جاستاردى كاسىبي بىلىمگە باۋلۋدا. ياعني, ستۋدەنتتەر تەوريا جۇزىندە العان بىلىمدەرىن تاجىريبەمەن ۇشتاس­تىرۋدا. قايرات زاينيشەۆ.