قازاق سۋرەتشىسى

رەسەي استاناسىندا كورمەسىن وتكىزدى ماسكەۋدەگى ۇلتتار ۇيىندە سۋرەتشى نۇرلان ابىشەۆتىڭ كەسكىندەمە مەن گرافيكاعا ارنالعان «سىر-شەرتپە» اتتى جەكە كورمەسى وتكىزىلدى. وعان قىلقالام شەبەرىنىڭ ءتول تۋىندىلارى قويىلدى. بۇلاردىڭ قاتارىندا ونىڭ نيۋ-يوركتەگى «قۇلپىرعان كوكتەم» بايقاۋىندا ۇزدىك شىققان سۋرەتتەرى دە بولدى. – مەن ءوز شىعارمالارىم ارقىلى قازاق حالقىنىڭ ىشكى الەمىن, رۋحىن, ادام­گەرشىلىگىن تولىق اشىپ كورسەتۋگە تىرىستىم. ال تۇڭعىش قىزىم دۇنيەگە كەلگەندە قالاعا باسقاشا كوزبەن قارادىم. بۇل كوز­قاراسىم تاعى 200 تۋىن­دىعا اينالدى. ەكىنشى قىزىم ومىرگە كەلگەندە ءوز كوركەمدىك ءستيلىمدى قالىپ­تاستىردىم. قازىر ءوز بازامدى, تۇعىرنامامدى جاساۋدامىن. جاقىن ارادا ونى دا تانىستىرامىن, – دەدى سۋرەتشى كورمەدە. ايتا كەتەيىك, رە­سەي­لىكتەر نۇرلان ءابى­شەۆ­­تىڭ شابىتىنان تۋعان ت­ۋىندىلارعا قىزى­عۋ­شىلىق تانىتتى. ما­ماندار تاراپىنان ونىڭ شەبەرلىگىنە جوعارى باعا دا بەرىلدى. – گرافيكا بۇل, ارينە, سۋرەتشىنىڭ ەڭ مىقتى جۇ­مىسى دەپ ايتۋعا بولادى. حالىقتىڭ اڭىز, ەرتەگىسى – ءبارى توپتاستىرىلعان مۇن­دا. وتە قىزىقتى, ءبىزدىڭ قىزمەتكەرلەر دە, قوناقتار دا شىعارماشىلىق تۋىن­دىلارعا تاڭعالدى, – دەدى ماسكەۋ ۇلتتار ءۇيىنىڭ قىز­مەتكەرى ولگا كارەلينا. بۇگىندە سۋرەتشىنىڭ تۋىن­دىلارى ەۋروپالىقتاردى دا قىزىقتىرىپ وتىر. سون­دىق­تان, ول جەكە كورمەسىن ەندى الىس شەتەلدەردە وتكىزۋدى جوسپارلاپ وتىر. جومارت قايرات ۇلى.