ەلدى مەكەندەردەگى ەمدەۋ مەكەمەلەرى

قاراعاندى وبلىسىنداعى اباي جانە بۇقار جىراۋ اۋدان­دارىنداعى ەكى ەلدى مەكەندە دارىگەرلىك امبۋلاتوريا­لار اشىلدى. بۇل مەديتسينالىق نىسانداردىڭ ارقاي­سى­سىنىڭ قۇرىلىسىنا 2015 جىلى وبلىس بيۋدجەتىنەن  51 ميل­ليون 598 مىڭ تەڭگەدەن قارجى بولىنگەن بولاتىن. اباي اۋدانىنا قاراستى قۇرما اۋىلىنداعى دەنساۋلىق ساقتاۋ بەكەتى  بۇرىن تۇرعىن ءۇيدىڭ ءبىرىن­شى قاباتىندا ورنالاسقان ەدى. ونىڭ بولمەلەرى دە سانيتارلىق-گيگيەنالىق تالاپتارعا ساي كەلمەي­تىن. ال بۇقار جىراۋ اۋدانىنداعى بايمىرزا اۋىلىنىڭ دارىگەرلىك نىسانى بۇرىنعى مۋزىكالىق مەكتەپ عيماراتىندا ورنالاسىپ, قاجەتتى جاعدايلارسىز جۇمىس ىستەپ كەلگەن بولاتىن. بۇگىنگى كۇندە جاڭا عيماراتتار سانيتارلىق ستاندارتتاردى ساقتاي وتىرىپ سالىنعان جانە دە قا­جەتتى مەديتسينالىق قۇرال-جابدىقتارمەن تولىق قامتاماسىز ەتىلگەن. نەگىزىندە جاڭا دارىگەر­لىك امبۋلاتوريالاردىڭ «350 ءدا­رىگەرلىك امبۋلاتوريا, فەلد­شەرلىك-اكۋشەرلىك بەكەتتەر جانە ەمحانالار» جوباسى اياسىندا سا­لىن­عانىن دا ايتا كەتكەن ءجون. «ەلباسى نۇرسۇلتان ءابىش ۇلى نازارباەۆتىڭ تاپسىرماسىن ورىنداي وتىرىپ, جەرگىلىكتى بيلىك ورگاندارى ءبىزدىڭ ازاماتتاردىڭ ءومىر ءسۇرۋ ساپاسىن ارتتىرۋ ءۇشىن قاجەتتى جاعدايدىڭ ءبارىن جاساۋدا.  بۇل ايتىپ وتىرعان اڭگىمەمىزدىڭ تۇرعىنداردى جايلى باسپانامەن قامتاماسىز ەتۋگە, جالپى ءبىلىم بەرۋ جانە بالالار باقشالارى جۇيەسىن دامىتۋعا, ءتۇرلى الەۋمەتتىك ماڭىزى زور عيما­راتتارعا, ونىڭ ىشىندە دەنساۋلىق ساقتاۋ سالاسىنداعى نىساندارعا دا قاتىسى بار», – دەدى دارىگەرلىك نىسانداردىڭ اشىلۋ سالتاناتىندا قۇتتىقتاۋ ءسوز سويلەگەن وبلىس باسشىسى نۇرمۇحامبەت ابدىبەكوۆ. ءوڭىر باسشىسى اعىمداعى جىلى وبلىستا 27 جاڭا دارىگەرلىك امبۋلاتوريانى پايدالانۋعا بەرۋ جوسپارلانعانىن اتاپ ءوتتى. سو­نى­مەن قاتار, ول كۇردەلى ءجون­دەۋدەن كەيىن وبلىستىق كلينيكالىق اۋ­رۋحانانىڭ  حيرۋرگيالىق كور­­پۋ­سىنىڭ اشىلعانىن ايتتى. سون­داي-اق, مەملەكەت-جە­كە­مەن­شىك ارىپتەستىگى اياسىندا دياگ­نوس­تيكالىق ۋلترادىبىستىق زەرت­تەۋدىڭ ءۇش بولمەسى اشىلىپ, جۇ­مىس ىستەي باستاعان. ال تەمىرتاۋ قالاسىندا ماقاجانوۆ اتىنداعى كلينيكانىڭ فيليالى قۇرىلىپ, پايدالانۋعا بەرىلدى. جالپى, ءوڭىر­دە دەنساۋلىق ساقتاۋ نىساندارىن جوندەۋ جۇمىستارىنا وبلىس بيۋدجەتىنەن 800 ميلليون تەڭگە قارجى بولىنگەن. قايرات ءابىلدينوۆ, «ەگەمەن قازاقستان». قاراعاندى وبلىسى.