استانا. 29 ناۋرىز. قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆتىڭ تاپسىرماسىمەن 27 ناۋرىز كۇنى تۇنگى ساعات 01.00-دە دابىل قاعىلىپ, جامبىل وبلىسىنداعى اسكەري بولىمدەر جاۋىنگەرلىك ازىرلىكتىڭ جوعارى دەڭگەيىنە كەلتىرىلدى. بۇل تۋرالى قورعانىس مينيسترلىگىنىڭ اقپارى بويىنشا egemen.kz ءتىلشىسى حابارلادى.
اتالعان اسكەري شارا بارىسىندا قورعانىس ۆەدومستۆوسىنىڭ باسشىسى يمانعالي تاسماعامبەتوۆ 03811 (قۇلان اۋىلى), 91678 (باۋىرجان مومىش ۇلى اۋىلى), 85395 (تاراز قالاسى) اسكەري بولىمدەرىنىڭ جانە «تەرىس-اشىبۇلاق» پوليگونىنىڭ جاۋىنگەرلىك ازىرلىگىن تەكسەردى.
بۇل بولىمشەلەر بەلگىلەنگەن ۋاقىت مەرزىمىندە «تەرىس-اشىبۇلاق» پوليگونىنا جينالىپ, قويىلعان مىندەتتەردى ورىندادى. سونداي اق, جىلجىمالى باسقارۋ پۋنكتى, بايلانىس جەلىسى جانە باسقا دا قۇرىلىمدار ورناتىلدى.
85395 اسكەري بولىمىندە (تاراز قالاسى) تەكسەرىستىڭ قورىتىندىسى شىعارىلىپ, وندا بولىمدەردىڭ جيناقىلىعى مەن ۇتقىرلىعى جانە ولاردىڭ بەلگىلەنگەن ارا-قاشىقتىققا جەتۋى تەكسەرىلدى.
داستان كەنجالين.
دەرەك, سۋرەت: قورعانىس مينيسترلىگى.
