مەملەكەت باسشىسى بىرقاتار ەلدەردەگى ەلشىلەردى تاعايىندادى

استانا. 29 ناۋرىز. قازاقستان پرەزيدەنتى نۇرسۇلتان نازارباەۆتىڭ جارلىقتارىمەن قازاقستان رەسپۋبليكاسىنىڭ برازيليا, وزبەكستان, تاجىكستان, ارمەنيا جانە فينليانديا رەسپۋبليكالارىنداعى توتەنشە جانە وكىلەتتى ەلشىلەرى تاعايىندالدى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى. «مەملەكەت باسشىسىنىڭ جارلىقتارىمەن: قايرات اسانياز ۇلى سارجانوۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى. ەرىك مىلتىقباي ۇلى وتەمباەۆ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى, ول قازاقستان رەسپۋبليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى. سونداي-اق, نۇرلان مۇساتاي ۇلى سەيتىموۆ قازاقستان رەسپۋبليكاسىنىڭ تاجىكستان رەسپۋبليكاسىنداعى توتەنشە جانە وكىلەتتى ەلشىسى قىزمەتىنە, تيمۋر بەيبىتالى ۇلى ورازاەۆ قازاقستان رەسپۋبليكاسىنىڭ ارمەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە  جانە مۇرات ابۋعالي ۇلى نۇرتىلەۋوۆ قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى. تالعات رايىمبەك. دەرەك, سۋرەت: akorda.kz.