قوستانايدا زەينەتكەر 200 گرامم گەروينمەن ۇستالدى

قوستاناي. 29 ناۋرىز. وبلىستىق ىشكى ىستەر باسقارماسىنىڭ ەسىرتكىمەن كۇرەس ءبولىمىنىڭ قىزمەتكەرلەرى جەكە سەكتوردا تۇراتىن زەينەتكەر ايەلدىڭ ۇيىنەن 200 گرام گەروين تاپتى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ءبىرىنشى تۇيىنشەكتى پوليتسەيلەر زەينەتكەر جاتقان ديۆانىنىڭ استىنان تاپتى. گەروين پوليەتيلەن قالتادا ساقتاۋلى ەكەن. پوليتسەيلەر ءۇيدىڭ اۋلاسىن ودان ءارى ءتىنتىدى. اۋلاداعى قۇرىلىس ىشىنەن ەكىنشى تۇيىنشەكتى تاپتى. ول دا گەروين بولىپ شىقتى. ەكەۋىن ولشەگەندە 200 گراممعا جەتتى. بۇل وتە ۇلكەن كولەمدەگى سالماق بولىپ تابىلادى. وسى وقيعا بويىنشا قىلمىستىق ءىس قوزعالدى. قازىر كۇدىكتى رۋدنىي قالاسىنداعى ۋاقىتشا ۇستاۋ ورنىنا جىبەرىلدى. جىل باسىنان بەرى قوستاناي وبلىسىندا زاڭسىز ەسىرتكى اينالمىنىڭ 122 فاكتىسى تىركەلدى. ولاردان 3 كيلوگرامعا جۋىق ەسىرتكىنىڭ بىرنەشە ءتۇرى تاركىلەندى. ءنازيرا جارىمبەتوۆا. دەرەك, سۋرەت: وبلىستىق ىشكى ىستەر دەپارتامەنتى ءباسپاسوز قىزمەتى.