«سان اگرو» سەرىكتەستىگىنىڭ ديرەكتورى ەكى تاۋلىككە قامالدى

قوستاناي. 29 ناۋرىز. قوستاناي وبلىسىنىڭ قارابالىق اۋدانىنداعى «سان اگرو» جاۋاپكەرشىلىگى شەكتەۋلى سەرىكتەستىگى ديرەكتورى ەرقونىس بەكتىباەۆ شارۋاشىلىق جۇمىسشىلارىنىڭ جالاقىسىن تولەمەگەنى ءۇشىن ەكى تاۋلىككە قامالدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ەرقونىس بەكتىباەۆ وتكەن جىلى شارۋاشىلىقتا جۇمىس ىستەيتىن 140 جۇمىسشىنىڭ 6,7 ميلليون تەڭگە جالاقىسىن تولەمەگەن. سەرىكتەستىك ديرەكتورىنا ەڭبەك تۋرالى زاڭنامانىڭ بۇزىلۋ فاكتىسىن جويۋ تۋرالى قارابالىق اۋداندىق پروكۋراتۋراسىنىڭ نۇسقاماسى جولدانعان. ناقتىراق ايتقاندا, «سانا اگرو» جۇمىسكەرلەرىنە 2015 جىلدىڭ جەلتوقسان ايىنداعى ەڭبەكاقى قارىزىن اعىمداعى جىلدىڭ 28 قاڭتارىنا دەيىن تولەۋى تۋرالى نۇسقاۋدى ورىنداماعان. قارابالىق اۋداندىق سوتىنىڭ قاۋلىسىمەن سەرىكتەستىك باسشىسى اكىمشىلىك قۇقىق بۇزۋشىلىق تۋرالى كودەكستىڭ 665- بابى 2-بولىگى بويىنشا اكىمشىلىك جاۋاپكەرشىلىككە تارتىلىپ, وعان ەكى تاۋلىك قاماققا الىنۋ تۇرىندەگى جازا تاعايىندالدى. ازاماتتىق ىستەر جونىندەگى اپەللياتسيالىق سوت القاسى ءبىرىنشى ينستانتسيالى سوت قاۋلىسىن وگەرىسسىز قالدىردى. سوت قاۋلىسى زاڭدى كۇشىنە ەندى. ءنازيرا جارىمبەتوۆا. دەرەك, سۋرەت: egemen.kz.