قوستاناي. 28 ناۋرىز. قوستانايدا تاەكۆوندودان كادەتتەر اراسىندا رەسپۋبليكالىق چەمپيونات ءبىرىنشى رەت ءوتتى. وعان قازاقستاننىڭ بارلىق وبلىستارىنان كادەت سپورتشىلارى قاتىستى. بۇل تۋرالى ng.kz سايتىنا سىلتەمە جاساعان egemen.kz ءتىلشىسى حابارلادى.
2002-2004 جىلى تۋعان 360 تاەكۆوندوشى 10 سالماق دارەجەسىندە سىنعا ءتۇستى. ولاردىڭ اراسىندا 3 الەم چەمپيونى دا بولدى. وسى چەمپيوناتتا ءباسى باسىم بولعاندار رەسپۋبليكا قۇراماسىنا ءوتىپ, الەم چەمپيوناتىنا قاتىسۋعا مۇمكىندىك الدى. مامانداردىڭ ايتۋىنشا, جارىس الەمدىك ستاندارتپەن ءوتتى.
ايتا كەتەيىك, سپورتتىڭ بۇل ءتۇرى قوستانايدا كەنجەلەپ قالعان بولاتىن, وبلىس قۇراماسى رەسپۋبليكا بويىنشا سوڭعى ورىندا.
وبلىستىڭ تاەكۆوندودان باس جاتتىقتىرۋشىسى احتام وديلوۆ: «بۇگىن قوستانايلىق ءبىراز بالالار قاتىسىپ جاتىر, بىراق ولاردىڭ تاجىريبەسى ءالى از, رەسپۋبليكالىق قۇراماعا وتپەيدى. ونىڭ ەسەسىنە بۇل چەمپيونات ولار ءۇشىن جاقسى جاتتىعۋ بولىپ تۇر», – دەدى.
ەلىمىزدەگى كادەتتەر اراسىنداعى اعا جاتتىقتىرۋشى مىرزاعالي سۇراعانوۆتىڭ ايتۋىنشا, الدىمەن حالىقارالىق تۋرنير ماسكەۋدە وتەدى, سودان ىرىكتەلگەندەر كورەيادا قىركۇيەك ايىندا وتەتىن الەم چەمپيوناتىنا جولداما الادى. وتكەن جىلعى الەم چەمپيوناتىنان قازاقستاندىق كادەتتەر 3 قولا مەدال العان بولاتىن. بۇل جولى ولاردىڭ التىن مەن كۇمىستەن ءۇمىتى بار.
ءنازيرا جارىمبەتوۆا.
دەرەك, فوتو: ng.kz.
