تارباعاتاي وڭىرىندە اسىل تۇقىمدى جىلقى ءوسىرىپ, الاماندا ات وزدىرىپ جۇرگەن ازاماتتار بارشىلىق. جەكەلەگەن جىلقىقۇمار جانداردى بىلاي قويعاندا, اقجار اۋىلىندا «تۇلپار» ۇلتتىق سپورت تۇرلەرى كلۋبى جۇمىس ىستەيدى. سەرجان وماربەكوۆ جەتەكشىلىك ەتەتىن كوممۋنالدىق كاسىپورىن 16 ادامدى جۇمىسپەن قامتىپ وتىر. اۋىل جاستارىن ۇلتتىق ويىندارعا باۋلىپ كەلە جاتقان مەكەمە اۋداندىق, وبلىستىق جارىستاردا جۇلدەلى ورىنداردان كورىنىپ ءجۇر. ات سپورتىنا ايرىقشا دەن قويعان اۋدان اتالعان باعىتتاعى جۇمىستاردى ۇزدىكسىز جالعاستىرىپ كەلەدى. تاياۋدا ەكپىن اۋىلىندا زاماناۋي ات سپورتى مەكتەبى اشىلدى. ات سپورتى تۇرلەرىن دامىتۋ ماقساتىندا تۇساۋى كەسىلگەن جاڭا نىساندى «داستان» شارۋا قوجالىعىنىڭ جەتەكشىسى بولات قويباعاروۆ مەملەكەت-جەكەمەنشىك ارىپتەستىگى اياسىندا ءوز قاراجاتىنا سالعان ەكەن. بۇل مەكتەپ جاستاردى بايگە, كوكپار, اۋدارىسپاق, قىز قۋ سىندى ۇلتتىق سپورت تۇرلەرىنە باۋليدى.
– قازاق – ەجەلدەن سايگ ۇلىك باپتاعان ەل. ەگەمەندىك العالى تۇلپارلار تاعدىرى قازاقى قانى بار ازاماتتاردىڭ قولىنا كوشتى. تاۋەلسىزدىكتىڭ ارقاسىندا قازاق ەلى باعزىدان كەلە جاتقان ۇلتتىق ونەرىن جاڭعىرتۋعا دەن قويدى. بۇگىندە ەلىمىزدىڭ بارلىق وڭىرلەرىندە دەرلىك مەملەكەتتىك قازىنادان قارجىلاندىرۋ ارقىلى قۇرىلعان ات سپورتى مەكتەپتەرى بار. ال بۇل نىسان اۋىلداسىمىز, كاسىپكەر بولات قويباعاروۆتىڭ جەكە قاراجاتىنا سالىندى. الداعى ۋاقىتتا مەملەكەت-جەكەمەنشىك ارىپتەستىگى شەڭبەرىندە مەكتەپتىڭ اتبەگىلەرى مەن وزگە دە قىزمەتكەرلەرىنىڭ ەڭبەكاقىسىن اۋداندىق بيۋدجەتتەن قارجىلاندىرۋدى جوسپارلاپ وتىرمىز, – دەدى مەكتەپتىڭ اشىلۋ سالتاناتىندا اۋدان اكىمى ءدىلدابەك ورازباەۆ.
وبلىس اكىمىنىڭ قوعامدىق كەڭەسشىسى امانتاي سامەتوۆ تارباعاتايلىق ورەندەر اراسىندا ات سپورتى شەبەرلەرىنىڭ كوپ ەكەنىن, سونىڭ ارقاسىندا اۋدان بەس جىل قاتارىنان وبلىستىق سپارتاكيادادا ءبىرىنشى ورىننان كورىنىپ كەلە جاتقانىن ەرەكشە اتاپ وتسە, اۋىل اقساقالى جامبىل احمەتقاليەۆ جىلقىعا مىنگەن جاستىڭ دەنساۋلىعى مىقتى بولاتىنىن ايتىپ, جاڭا باستاماعا ساتتىلىك تىلەدى. مەكتەپتىڭ تۇساۋكەسەر لەنتاسىن تارباعاتايلىق بەلگىلى قالامگەرلەر مەيرام ورالوۆ پەن ايات ەرباەۆ قيدى.
جالپى, مەكتەپ قۇرىلىسىنا 5 ميلليون تەڭگە جۇمسالعان ەكەن. بيىك ءارى جارىق, اۋاسى كەڭ قوراجايدا جىلقى جانۋارىنا بارلىق جاعداي جاسالعان. بايگە اتتارىنا جەكە-جەكە كابينا بەكىتىلگەن. مۇندا تازا جانە جارتىلاي قاندى اعىلشىن, اراب جىلقىلارى مەن قوستاناي اسىل تۇقىمدى جىلقىسى وسىرىلۋدە. «اقباقاي», «جۇلدىز», «سۇڭقار», «كوكتورعاي», «حانشايىم», «باقتورى», «قاراقات» سىندى اتاۋلارىنىڭ ءوزى جىلقى ەسىمىنىڭ عاجاپ گالەرەياسىن ءتۇزىپ تۇر. اتبەگى قايرات قوسقىنباەۆ جىلقىلارعا ۋاقىتىمەن جەم-ءشوبىن بەرىپ, جاراتاتىنىن, بۇل مەكتەپتىڭ سوڭعى كەزدە ەكپىندىك بالالاردىڭ ءجيى كەلەتىن ورنىنا اينالعانىن جەتكىزدى. 8 ادامدى جۇمىسپەن قامتىعان كەشەننىڭ تاعى ءبىر ەرەكشەلىگى, اۋىل جانىندا اتشابار ورنالاسقان. سونداي-اق, ات سپورتى مەكتەبىنىڭ بازاسىندا مۇمكىندىگى شەكتەۋلى بالالاردى ەمدەۋ ماقساتىندا يپپوتەراپيا ورتالىعى جۇمىس ىستەيتىن بولادى.
– ات دەسە ىشكەن اسىن جەرگە قوياتىن حالىقپىز عوي. بايگە اتتارىن باپتاۋمەن اينالىسىپ جۇرگەنىمە ءۇش-ءتورت جىل بولىپ قالدى. قازاق بايگەلەردى ەرەكشە قۇرمەتتەپ, جابۋلاپ ۇستاعانى بەلگىلى. سوندىقتان, اتا مۇراسىن زامانعا ساي دامىتۋ ءۇشىن وسى نىساندى سالدىق. اۋىلدا جىلقىنى باعالاي بىلۋگە باپتاعاندى ۇناتاتىن بالالار كوپ. ءبىزدىڭ ماقساتىمىز دا سول – بۇگىنگى كومپيۋتەر الدىنان شىقپايتىن بالالاردى جىلقىنى باعالاي بىلۋگە تاربيەلەۋ. شاباندوز, كوكپارشى بولىپ وسكەن بالالار بولاشاقتا دەنساۋلىعى مىقتى, ويى جۇيرىك ازامات رەتىندە قالىپتاساتىنىنا سەنىمىم كامىل, – دەدى «داستان» شارۋا قوجالىعىنىڭ جەتەكشىسى بولات قويباعاروۆ.
دۋمان اناش,
«ەگەمەن قازاقستان».
شىعىس قازاقستان وبلىسى,
تارباعاتاي اۋدانى.
سۋرەتتى تۇسىرگەن اۆتور.
تارباعاتاي وڭىرىندە اسىل تۇقىمدى جىلقى ءوسىرىپ, الاماندا ات وزدىرىپ جۇرگەن ازاماتتار بارشىلىق. جەكەلەگەن جىلقىقۇمار جانداردى بىلاي قويعاندا, اقجار اۋىلىندا «تۇلپار» ۇلتتىق سپورت تۇرلەرى كلۋبى جۇمىس ىستەيدى. سەرجان وماربەكوۆ جەتەكشىلىك ەتەتىن كوممۋنالدىق كاسىپورىن 16 ادامدى جۇمىسپەن قامتىپ وتىر. اۋىل جاستارىن ۇلتتىق ويىندارعا باۋلىپ كەلە جاتقان مەكەمە اۋداندىق, وبلىستىق جارىستاردا جۇلدەلى ورىنداردان كورىنىپ ءجۇر. ات سپورتىنا ايرىقشا دەن قويعان اۋدان اتالعان باعىتتاعى جۇمىستاردى ۇزدىكسىز جالعاستىرىپ كەلەدى. تاياۋدا ەكپىن اۋىلىندا زاماناۋي ات سپورتى مەكتەبى اشىلدى. ات سپورتى تۇرلەرىن دامىتۋ ماقساتىندا تۇساۋى كەسىلگەن جاڭا نىساندى «داستان» شارۋا قوجالىعىنىڭ جەتەكشىسى بولات قويباعاروۆ مەملەكەت-جەكەمەنشىك ارىپتەستىگى اياسىندا ءوز قاراجاتىنا سالعان ەكەن. بۇل مەكتەپ جاستاردى بايگە, كوكپار, اۋدارىسپاق, قىز قۋ سىندى ۇلتتىق سپورت تۇرلەرىنە باۋليدى.
– قازاق – ەجەلدەن سايگ ۇلىك باپتاعان ەل. ەگەمەندىك العالى تۇلپارلار تاعدىرى قازاقى قانى بار ازاماتتاردىڭ قولىنا كوشتى. تاۋەلسىزدىكتىڭ ارقاسىندا قازاق ەلى باعزىدان كەلە جاتقان ۇلتتىق ونەرىن جاڭعىرتۋعا دەن قويدى. بۇگىندە ەلىمىزدىڭ بارلىق وڭىرلەرىندە دەرلىك مەملەكەتتىك قازىنادان قارجىلاندىرۋ ارقىلى قۇرىلعان ات سپورتى مەكتەپتەرى بار. ال بۇل نىسان اۋىلداسىمىز, كاسىپكەر بولات قويباعاروۆتىڭ جەكە قاراجاتىنا سالىندى. الداعى ۋاقىتتا مەملەكەت-جەكەمەنشىك ارىپتەستىگى شەڭبەرىندە مەكتەپتىڭ اتبەگىلەرى مەن وزگە دە قىزمەتكەرلەرىنىڭ ەڭبەكاقىسىن اۋداندىق بيۋدجەتتەن قارجىلاندىرۋدى جوسپارلاپ وتىرمىز, – دەدى مەكتەپتىڭ اشىلۋ سالتاناتىندا اۋدان اكىمى ءدىلدابەك ورازباەۆ.
وبلىس اكىمىنىڭ قوعامدىق كەڭەسشىسى امانتاي سامەتوۆ تارباعاتايلىق ورەندەر اراسىندا ات سپورتى شەبەرلەرىنىڭ كوپ ەكەنىن, سونىڭ ارقاسىندا اۋدان بەس جىل قاتارىنان وبلىستىق سپارتاكيادادا ءبىرىنشى ورىننان كورىنىپ كەلە جاتقانىن ەرەكشە اتاپ وتسە, اۋىل اقساقالى جامبىل احمەتقاليەۆ جىلقىعا مىنگەن جاستىڭ دەنساۋلىعى مىقتى بولاتىنىن ايتىپ, جاڭا باستاماعا ساتتىلىك تىلەدى. مەكتەپتىڭ تۇساۋكەسەر لەنتاسىن تارباعاتايلىق بەلگىلى قالامگەرلەر مەيرام ورالوۆ پەن ايات ەرباەۆ قيدى.
جالپى, مەكتەپ قۇرىلىسىنا 5 ميلليون تەڭگە جۇمسالعان ەكەن. بيىك ءارى جارىق, اۋاسى كەڭ قوراجايدا جىلقى جانۋارىنا بارلىق جاعداي جاسالعان. بايگە اتتارىنا جەكە-جەكە كابينا بەكىتىلگەن. مۇندا تازا جانە جارتىلاي قاندى اعىلشىن, اراب جىلقىلارى مەن قوستاناي اسىل تۇقىمدى جىلقىسى وسىرىلۋدە. «اقباقاي», «جۇلدىز», «سۇڭقار», «كوكتورعاي», «حانشايىم», «باقتورى», «قاراقات» سىندى اتاۋلارىنىڭ ءوزى جىلقى ەسىمىنىڭ عاجاپ گالەرەياسىن ءتۇزىپ تۇر. اتبەگى قايرات قوسقىنباەۆ جىلقىلارعا ۋاقىتىمەن جەم-ءشوبىن بەرىپ, جاراتاتىنىن, بۇل مەكتەپتىڭ سوڭعى كەزدە ەكپىندىك بالالاردىڭ ءجيى كەلەتىن ورنىنا اينالعانىن جەتكىزدى. 8 ادامدى جۇمىسپەن قامتىعان كەشەننىڭ تاعى ءبىر ەرەكشەلىگى, اۋىل جانىندا اتشابار ورنالاسقان. سونداي-اق, ات سپورتى مەكتەبىنىڭ بازاسىندا مۇمكىندىگى شەكتەۋلى بالالاردى ەمدەۋ ماقساتىندا يپپوتەراپيا ورتالىعى جۇمىس ىستەيتىن بولادى.
– ات دەسە ىشكەن اسىن جەرگە قوياتىن حالىقپىز عوي. بايگە اتتارىن باپتاۋمەن اينالىسىپ جۇرگەنىمە ءۇش-ءتورت جىل بولىپ قالدى. قازاق بايگەلەردى ەرەكشە قۇرمەتتەپ, جابۋلاپ ۇستاعانى بەلگىلى. سوندىقتان, اتا مۇراسىن زامانعا ساي دامىتۋ ءۇشىن وسى نىساندى سالدىق. اۋىلدا جىلقىنى باعالاي بىلۋگە باپتاعاندى ۇناتاتىن بالالار كوپ. ءبىزدىڭ ماقساتىمىز دا سول – بۇگىنگى كومپيۋتەر الدىنان شىقپايتىن بالالاردى جىلقىنى باعالاي بىلۋگە تاربيەلەۋ. شاباندوز, كوكپارشى بولىپ وسكەن بالالار بولاشاقتا دەنساۋلىعى مىقتى, ويى جۇيرىك ازامات رەتىندە قالىپتاساتىنىنا سەنىمىم كامىل, – دەدى «داستان» شارۋا قوجالىعىنىڭ جەتەكشىسى بولات قويباعاروۆ.
دۋمان اناش,
«ەگەمەن قازاقستان».
شىعىس قازاقستان وبلىسى,
تارباعاتاي اۋدانى.
سۋرەتتى تۇسىرگەن اۆتور.
سوڭعى جاڭالىقتار
مەملەكەت باسشىسى مەن وزبەكستان پرەزيدەنتى بەيرەسمي كەزدەسۋ وتكىزدى
پرەزيدەنت • كەشە
قازاقستاندا نەگىزگى ۇبت-عا تىركەلۋ باستالادى
ءبىلىم • كەشە
مەملەكەت باسشىسى بەلگىلى عالىمداردى ماراپاتتادى
پرەزيدەنت • كەشە
بۇگىن ەلىمىزدىڭ التى قالاسىندا اۋا ساپاسى ناشارلايدى
اۋا رايى • كەشە
الماتىدا عالىمدار ماراپاتتالدى
عىلىم • كەشە
